Nọmbas 2:2 - Edo Bible (E Baibol Ẹdo) Version 1996

² “Ivbi Izrẹl gha bu agọ, dọmwadẹ ọghe ọe ghi gha mwẹ asa ọghe oka iran kevbe afiala ọghe ẹwae ẹre. A ghi bu agọ nii wa lẹga Owa Ukpọn Ile.

Nọmbas 2:2 Iomraidhean Croise

Psalm 74:4

Avbe eghian ruẹn ya gbe ọvẹ akhọnmiotọ vbe uwu Ọgua Osa ruẹ. Iran ya mu afiala iran ye evba zẹ vbe ama akhọnmiotọ.

Psalm 76:11

Ha emwi ne u ve, ne Nọyaẹnmwa Osanobua ruẹ; wa ye imuohan gie ẹe wa ne agbọn ẹvbo ni sikẹ edinran.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 18:3

Wa danmwehọ, emwa hia ni rre otọ agbọn na! Wa gualọ afiala ama ya mu ba ye avbe uhunmwu oke, wa ghi danmwehọ okpe ne ọ tu.

Ezikiẹl 43:7

“Ovbi ọmwa, ghe ẹkete mwẹ vbe emwa na. I gha gu ivbi Izrẹl yin emwa na, I ghi vbe gha khaemwisẹ yan iran ẹdẹdẹmwẹdẹ. Ke ivbi Izrẹl kevbe avbe ọba iran, ne ọ gha ye dọlegbe fa eni mwẹ nọ huanrẹn uan, ẹ i ghi rrọọ, ogha re vbekpa ne a na gho ẹbọ ọvbehe nọ, ra vbekpa ne a na re ikun avbe ọba iran sikẹ emwa na nọ, ẹ i ghi dọlegbe sunu.

Zẹkaraia 9:16

Ọ gha sẹ ẹdẹrriọ, e Nọyaẹnmwa gha miẹn emwa rẹn fan. Zẹ vbene ọsuohuan sinmwi oghẹn ohuan rẹn ladian hin ihe ẹbe rre.

Nọmbas 1:50

Ne u gha na te ru vberriọ, u ghi viọ avbe Livai ye ni gbe aro ghe Owa Ukpọn Ile kevbe avbe emwi ne a lo vbọ hia. Iran ọre ọ khian gha dadae ke ẹe kevbe emwi ne a lo vbọ, iran ghi gha ga vbọ, iran ghi vbe bọlọ agọ iran lẹga ẹre.

Nọmbas 10:14

Ẹghẹ ne iran a rhirhi ya si okhian, iran ni rre ototọ asa ọghe oka ne Nasọn, ne ovbi Aminadab na re ọkaolotu, ọ re ọ ke odaro, otu otu ọre iran ya khian,

Nọmbas 10:18

Iyeke ọnii iran ni re ototọ asa ọghe oka ne ẹwae Riubẹn na re ọkaolotu ghi si okhian otuotu, Elizọ ne ovbi Siediọ ghi gha kha yan iran.

Nọmbas 10:22

Iyeke ọnii, iran ni rre ototọ asa ọghe oka ne ẹwae Ifreim re ọkaolotu ẹre, ọ ghi si okhian vbe otuotu, Ẹlisiama ne ovbi Amihud ghi gha khaemwisẹ yan iran.

Nọmbas 10:25

Vbe okiekie, iran ni rre ototọ asa ọghe oka ne ẹwae Dan na re emwa ni vbe gha ye vbe iran ni mu odieke mwẹ zẹ vbe abodẹ ọghe oka ni hia, ghi si okhian vbe otuotu, Ahieza ne ovbi Amisiadai ghi gha khaemwisẹ yan iran.

Nọmbas 2:1

E Nọyaẹnmwa keghi ru igiodẹ na ma e Mosis kevbe Errọn wẹẹ,

Nọmbas 2:10

“Vbe odẹ ekẹn vbọ iran ni rre ototọ asa ọghe oka Riubẹn ghi mu agọ ọghe iran otuotu vbe ototọ olotu iran vbenian: Ẹwae Olotu Inu emwa ni rrọọ E Riubẹn Elizọ ne ovbi e Siediọ Iyisẹn isẹn yan arriaisẹn E Simiọn e Sielumiẹl ne ovbi Zurisiadai Iyisẹn yan uri vbe arriaisẹn ọkpa irrọvbe iyeha (59,300) E Gad Eliasaf ne ovbi e Deuẹl Ekigbesiyeha yan uri eha vbe arriaisẹn isẹn yan iyeva (45,650) Ehia ke do gha re ekigbesiyeha yan uri eva yan arriaisẹn owọrọ yan ikiọkhọe (151,450) Ọka ọghe Riubẹn ọ re otu ne ogieva ni gha si okhian.

Nọmbas 2:3

“Vbe ọlarre ovẹn vbọ, iran ni rre oka ọghe Juda vbọ ghi bu agọ vbe otu otu, vbe ototọ avbe olotu iran vbenian.” Ẹwae Olotu Inu ẹvbo ni rrọọ E Juda Nasiọn ne ovbi Aminadab Uri eha yan ovbi arriaisẹn enẹ yan ekigbesiyenẹ (74,600) Isaaka Netanẹl ne ovbi Zua Uri eva yan arriaisẹn enẹ yan ekigbe siyeha (54,400) E Zebulọn Eliab ovbi Hẹlọn ne eva yan arriaisẹn eha irrọ vbe iyeha (57,400) Ehia kegha re uri eva yan arriaisẹn iwenẹ irrọ vbe uri (186,400) Ọka ọghe Juda ọre ọ gha ke odaro.

Nọmbas 24:2

Ọ na bẹghe ivbi Izrẹl vbe ehe ne dọmwadẹ ẹwae na bu agọ. Orhiọn Osanobua ke hin yan rẹn.

I Kọrinti 14:33

Rhunmwuda, Osanobua ma tie ima ye uwu emwi otighi ne a ru vbe ẹ i re uwu emwi na ru ẹre ọghe ọfumwegbe. Zẹ vbene ọ ye vbe uwu esọsi Osanobua hia.

I Kọrinti 14:40

Wa ghi gha ru emwi hia ururo kevbe uhẹn uhẹn.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Kọlose 2:19

Ẹ i ghi re igbinna ọghe Kristi ne ọ re ẹzi ehia rẹn ghi ye. Vbe ekpa ọdakha Kristi, a ghi gha koko egbe hia, a ghi vbe dee akhuẹn kevbe inian ni rrọọ hia kugbe, ọ ghi vbe do waan zẹ vbe ne Osanobua ho ẹre yi.

Jọsua 3:4

Erriọ uwa gha na rẹn odẹ ne uwa gha la, vbene a na miẹn wẹ wa ma he ka sẹ edinran ẹdẹ, sokpan, wa ghẹ sikẹ nene Ẹkpẹti Ile, wa ghi rhie omwa ukhiọnmwẹ ibiriki ọkpa ye ẹkpo vbe odieke ẹre.”