Biblia Todo Logo
Bìoball air-loidhne

- Sanasan -




Nọmbas 18:8 - Edo Bible (E Baibol Ẹdo) Version 1996

8 E Nọyaẹnmwa keghi tama Errọn wẹẹ, “Yerre wẹ avbe emwi hia ne a ya zẹ ọhẹ kpataki gunmwẹ, vbe ne a ma na giẹn ọnrẹn uan, te I khian viọ ehia nuẹn. Te I khian viọ iran ne uwẹ kevbe avbe ivbuẹ, ne ọ gha re ne a ghae ne uwa rhinrin ẹdẹ.

Faic an caibideil Dèan lethbhreac




Nọmbas 18:8
32 Iomraidhean Croise  

Igho ne a hae ye ahaewerriegbe izẹọhẹ, kevbe izẹọhẹ ọghe orukhọ ne a ru, a ma viọ enii ye uwu ẹkpẹti, avbe ohẹn ọ re ọ yan eni.


Ye vbe deba ọnii, ọba keghi wẹ ne avbe emwa gha viọ emwi ihaoko ne ọ khẹke avbe ohẹn kevbe Livai rre, ne iran miẹn ehe na wa rhie egbe ye ẹmwẹ emwi ne Uhi e Nọyaẹnmwa wẹ ne a gha ru.


Ọ ghi wa ta ẹmwẹ na ne ọwarọkpa, ivbi Izrẹl kegha viọ emwi ihaoko iran rre emwiokọ ni mose sẹẹ, ayọn, ẹvbi oliv, owọn, kevbe avbe emwi ọvbehe ne a rhọ vbe ugbo, iran kevbe gha viọ a ghae ye igbe ọghe emwi ne iran mwẹ hia rre.


Ẹghẹikẹghẹ ne Errọn kevbe avbe ivbi ẹre a rhirhi ya gha rrie Owa Ukpọn Ne ọ huanrẹn mwẹ, iran ghi rhie ẹre gba, ne iran ghẹ ya bannọ uan ne a ghẹ gbele iran an. Iyi etẹbitẹ ọre ọna khin ne Errọn kevbe ivbi uniẹn ọnrẹn ẹdẹdẹmwẹdẹ.


U ghi rhie vbe esagiẹn nii rre aka, kevbe ofigbọn ne a nọnọ ye emwa uhunmwu, u ghi miẹn rẹn yan Errọn kevbe ukpọn rẹn, kevbe avbe ivbi ẹre kevbe ukpọn iran, rẹn, avbe ivbi ẹre kevbe ukpọn iran hia gha khian ne a ya fiohan.


Iyi etẹbitẹ mwẹ nọ wẹ avbe emwa mwẹ gha si isara, ẹwẹe kevbe ekuawẹ aranmwẹ nii ọghe ohẹn nọ, ne a kha na, emwi ne iran ya zẹ ọhẹ gie imẹ ne Nọyaẹnmwa ọre nọ.


Errọn gha wu, a ghi viọ ẹwu ohẹn ọghọe ne ivbi ẹre, ne iran yọe vbe ẹghẹ ne a gha na ma iran ohẹn.


U ghi yọ Errọn ukpọn iruenmwi nii, u ghi nọnọ ori ye ọre uhunmwu, odẹ vbe rrọ ọre u gha ya ya ẹe fiohan ne ọ miẹn ehe na gha ga mwẹ zẹ vbe ohẹn.


U ghi nọnọ ori ye iran uhunmwu, zẹ vbene u vbe ya nọnọ ori ye erha iran uhunmwu nii iran gha ga mwẹ zẹ vbe ohẹn Odẹ vberriọ iran gha re ohẹn rhinrin vbe ẹghẹ ne ọ dee.”


Ẹghẹ nii gha sẹ I gha fannọ uwa yotọ hin obọ ẹtin Asiria rre, urọnghọn iran i ghi ra ye dọlegbe gha re ihẹ vbe izabọ uwa.”


“Ogie Ohẹn, a nọnọ ori ye ọre uhunmwu nẹ, a na vbe ya ẹe fi ohan, ne ọ gha yọ ẹwu ohẹn, wẹ ne ọ ghẹ sẹ eto ẹre rae vbe ne a i na salọ ẹe ra ne ọ sọ ukpọn rẹn uan ne ọ ya rhie maa ighẹ te irẹn khiẹ.


Ohẹn ghi viọ ivbiohuan eva nii, kevbe ebrẹd nii, gie Nọyaẹnmwa ne avbe ohẹn zẹ vbe emwi izẹọhẹ kpataki. Emwi izẹọhẹ na, ni huanrẹn nọ.


Avbe ohẹn ghi rrie ni dekẹe vbọ. A ghi ya ẹe ru ebrẹd, a ghi rri ọe vbe ehe ne ẹ i mwẹ awua, vbe orere ọghe Owa Ukpọn e Nọyaẹnmwa. A ghẹ ye eyist gbe ẹe, te Nọyaẹnmwa rhie ẹre ne iran zẹ vbe ne ọ sẹ iran egbe vbe izẹ ọhẹ evbare nii. Te ọ wa huan ẹsẹse, zẹ vbe izọese orukhọ kevbe izese a hae werriegbe.


Vbe ẹghẹ nọ dee hia, ivbi Errọn ni ikpia ne ọrhirhi gha khin sẹtin rri ọe zẹ vbe oghae ne ọ kan iran vbe evbare ne a ya zẹ ọhẹ ne Nọyaẹnmwa. Ọmwaikọmwa ra emwikemwi ọvbehe ne ọ ya egbe kan emwi ne a ya zẹ ọhẹ gie Nọyaẹnmwa emwi guẹe.”


“Vbene a gha ya gha ma ohẹn Errọn hẹ. Vbe ẹdẹ ne a gha ma ẹre ohẹn nii ọ ghi mu uwan ọkpa ọghe irhuarhua ya zẹ ọhẹ gie Nọyaẹnmwa (zẹ vbene izọhẹ ọka ọghe ẹdẹgbegbe vbe bun sẹ) ukhiọnmwẹ vbe owiẹ, ukhiọnmwẹ vbe ota.


Ohẹn ne ọ ya aranmwẹ nii zọọ ese ghi rri ọe vbe ehe ne ọ huanrẹn, vbe orere Owa Ukpon Nọyaẹnmwa.


Ọ ghi ya obọkpa ọghe egbe ebrẹd ughughan na, zẹ ọhẹ kpataki gie Nọyaẹnmwa. Ohẹn ne ọ mu esagiẹn rhurhẹ ku aka ọre ọ yan rẹn.


E Nọyaẹnmwa keghi viọ emwamwa na ne Mosis:


Ọmọ okpia ne ọ rhirhi gha re ovbi ohẹn sẹtin rri ọe, a ghi rri ọe vbe ehe ne awua i ye, rhunmwuda emwi ne ọ mobọ huan nọ.


E Mosis keghi rhie vbe ori ne a sa ye emwa uhunmwu ne ọ rre aka, ọ ke sanmwẹ ọẹn ku Errọn ke ẹe kevbe ivbi ẹre kevbe ukpọn. Odẹ vberriọ, ọ keghi ya iran kevbe ukpọn iran fi ohan ne Nọyaẹnmwa.


Avbe izẹọhẹ nọhuansẹ ehia, ne a ma giẹn uan vbe aka, ne ọ re ọ wuẹ vbọ ọre ena khin: izẹọhẹ ọka, izọese orukhọ, izẹ ọhẹ ahaewerriegbe. Emwi hia ne a viọ gunmwẹ ze vbe emwi ihaoko nọhuanrẹn ọghe uwẹ kevbe ivbi uẹ nọ.


Erriọ vbe nọ, izẹ ọhẹ kpataki ne ivbi Izrẹl rhie gie Nọyaẹnmwa, ọ ghe ohẹn ne a viọ ẹre na nọ.


Vbe ne a i na gbe awẹawẹ, wa rẹnrẹn wẹ, iran ni winna vbe uwu Ọgua Osa, uwu Ọgua Osa iran na viọ evbare ne iran re, kevbe wẹ iran ni gbe emwi ne a ya zọ ese vbe aka, vbe ghae vbe emwi ne a ya zọ ese nii.


E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.


Evba wa gha na gha zọ ese uwa na gha giẹn uan, kevbe izọ ese ọwua nekpa, kevbe a ghae ye ihe igbe ọghe uwa kevbe izẹọhẹ uwa, emwi ihaoko ne uwa ve Nọyaẹnmwa ẹre, izẹọhẹ a ke ekhọe rre kevbe emọ ọdiọn ọghe ẹmila kevbe ohuan uwa.


“Ewae e Livai ne ọ re ọghe avbe ohẹn, a i ra ghae ne iran vbe otọe nii, emwi izẹ ọhẹ kevbe emwi izọ ese ọvbehe ne emwa viọ gie Nọyaẹnmwa ọre iran gha ya gha koko egbe.


U ghi tama e Nọyaẹnmwa wẹẹ, ‘A ghae ye ihe igbe rhọkpa ma kẹ rre vbe owa mwẹ, I viọ ehia ne avbe Livai nẹ, avbe erriọvbe, avbe emọ ne ẹ i mwẹ erha kevbe avbe ẹgbẹe zẹ vbene u tama mwẹ ne I gha ru. I ma mianmian ra ne I vbe fieghe uhunmwu ye emwi ne u tama mwẹ vbe ekpa aghae yi hi gbe.


U hoẹmwẹ emwi ne a ru ẹse, u sọnnọ emwi ne a ma ru ẹse. Ọnii ọ si ẹe ne Osa, Osanobua ruẹ na hannọ uẹn zẹ, ọna rhie oghọghọ uyi ne ọ sẹ ne ọ rhie ne ihua ẹsẹse nuẹn.”


Sokpan, Kristi tue Orhiọn Ne Ọ Huanrẹn yan uwa nẹ, rhunmwuda ọnii, wa hia rẹn nene ẹmwata nẹ.


Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.


Lean sinn:

Sanasan


Sanasan