Nọmbas 18:5 - Edo Bible (E Baibol Ẹdo) Version 1996

⁵ Wẹ kevbe avbe ivbuẹ ọkpa ọre ọ gha winna iwinna ne ọ kan ruẹn vbe Ehe Ne ọ huanrẹn kevbe aka, ne ohu mwẹ ghẹ ghi werriegbe gua kpao ghe ivbi Izrẹl.

Nọmbas 18:5 Iomraidhean Croise

I Krọnikol 23:24

Ena ọrọre ivbi uniẹn ọghe Livai vbe uniẹn kevbe ẹgbẹe. Te dọmwadẹ ọghọe vbe uwu iran wa gbẹnnẹ eni ye otọ. Ọkpọkpa vbe uwu ivbi uniẹn ọnrẹn nii, ni rre ọmọ ukpo ugie ra ne ọ sẹẹ ọnii, kegha mwẹ ne a ghae sẹ ọre egbe vbe Ọgua Osa e Nọyaẹnmwa.

I Krọnikol 23:32

A keghi vbe fian ẹre okhuo ne iran, ne iran gha gbe aro ghe Owa Ukpọn ne a ya rẹn ighẹ e Nọyaẹnmwa rre evba kevbe Ọgua Osa, kevbe ne iran vbe gha yi etẹn iran obọ ighẹ avbe ohẹn ni re ivbi uniẹn Errọn, vbe ẹghẹ ugamwẹ vbe Ọgua Osa.

I Krọnikol 24:5

A ghi miẹn wẹ emwa ni rre asẹ vbe uwu Ọgua Osa kevbe avbe ọkaolotu ẹmwẹ orhiọn wa bun vbe ivbi uniẹn Eliaza kevbe Itama a keghi yan uta yọ ya wa iwinna ne iran.

I Krọnikol 9:19

E Sialọm ne ovbi e Kore kevbe eyẹ Ebiasaf, kevbe iran ni gba re ivbi uniẹn e Kora ọ re ọ ka gha avbe ọgbalegbe vbe onurho Owa Ukpọn ne a ya rẹn ighẹ e Nọyan rre evba zẹ vbene avbe erha iran ka vbe gha ye ne iran na gha re ne ọ gbearoghe agọ e Nọyaẹnmwa.

I Krọnikol 9:23

Iran kevbe avbe ivbi uniẹn iran ọ re ọ gha gbearoghe onurho Ọgua Osa. Onurho ọkpọkpa kegha rre igienenẹ, okuo ekẹn ahọ kevbe orrie.

I Krọnikol 9:33

Eso vbe ẹgbẹe avbe Livai ọre ọ yan emwi ihuan ne a kpee vbe Ọgua Osa. Avbe ọkaẹgbẹe avbe ẹgbẹe na eso vbe avbe ughugha ni rre Ọgua Osa ọre iran gha ye, iran i vbe mwẹ obọ vbe avbe iwinna ọvbehe, rhunmwuda, ke asọn ke avan ọ re a ya tie iran ye iwinna.

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Jerimaia 23:15

Rhunmwuda ọnii nian, emwi ne I mẹ ne Nọyaẹnmwa ne Oghodua tae vbekpa avbe akhasẹ ni rre Jerusalẹm ọ re ọna khin. I gha rhie ukpakọn ne ọ rriara ne iran kpe I gha mu eruan ne iran wọn rhunmwuda iran ya a i ka Osanobua yọ gba otọe ni hia.”

Ezikiẹl 44:15

E Nọyaẹnmwa ne Udazi khare wẹẹ, “Sokpan, avbe ohẹn ni re ivbi ẹwae e Livai, ni rre ivbi uniẹn e Zadọk, wa ye ekhọekekhọe gha ga mwẹ vbe Ọgua Osa, vbe avbe ivbi Izrẹl nekpa fi iyeke gbe mwẹ nẹ. Rhunmwuda ọnii nian, iran ọ re ọ ghi ra gha re emwa ni gha ga mwẹ, iran ọ re ọ ghi ra vbe gha sẹ ehe ne I ye ne iran do gha ya ẹvbi aranmwẹ kevbe esagiẹn emwi ne a ya zọọ ese, zẹ ọhẹ mẹ.

Ezikiẹl 44:16

Iran ọkpa ọ re ọ ra gha la uwu Ọgua Osa mwẹ, iran ghi vbe gha winna vbe Ogiukpo mwẹ, iran ghi vbe gha ya emwa ru ugamwẹ vbe uwu Ọgua Osa.

Levitikọs 10:6

Ọre Mosis na tama Errọn kevbe avbe ivbi ẹre ighẹ Eliaza kevbe Itama wẹẹ, “Wa ghẹ sẹ eto uwa rae vbe ne a ma na salọ ẹe ra ne uwa yanghan ẹwu uwa ya rhie maa ighẹ te uwa rre akhiẹ. Wa gha ru vberriọ, wa gha wulo, e Nọyaẹnmwa gha vbe mu ohu emwa na hia sokpan, avbe etuẹn, kevbe avbe emwa Izrẹl hia, a fan obọ ẹre ne iran ne iran khiẹ uwu na ne ọ la ekpa erhẹn ne ọ ke obọ Nọyaẹnmwa rre.

Levitikọs 24:3

Ẹdẹgbegbe vbe ota ọre Errọn gha ya gha ru ẹe, ọ ghi gie iran gha baa hinrin yasẹ owiẹ. Vbe odaro e Nọyaẹnmwa vbe iyeke ukpọn onurho ne ọ rre odaro Ẹkpẹti Ile ne ọ rre Ehe Nọhuansẹ Ehia. A ghi da emwamwa na yi ẹdẹdẹmwẹdẹ.

Zẹkaraia 10:3

E Nọyaẹnmwa khare wẹẹ, “Ohu avbe erhunmwuyẹn ni khaemwisẹ yan emwa mwẹ wa mu mwẹ, te I ra rri iran oya. Ọghomwẹ ọre ivbi e Juda khin. Mẹ ne Nọyaẹnmwa ne Oghodua ọ re ọ ra gha gbearoghe iran. Iran gha khian ẹsin okuo mwẹ ne mwẹ ẹtin.

Nọmbas 1:50

Ne u gha na te ru vberriọ, u ghi viọ avbe Livai ye ni gbe aro ghe Owa Ukpọn Ile kevbe avbe emwi ne a lo vbọ hia. Iran ọre ọ khian gha dadae ke ẹe kevbe emwi ne a lo vbọ, iran ghi gha ga vbọ, iran ghi vbe bọlọ agọ iran lẹga ẹre.

Nọmbas 1:53

Sokpan avbe Livai ghi bu agọ lẹga Owa Ukpọn Ile ne iran gha gbe aro ghe ẹre, ne ọmwa rhọkpa ghẹ ya sikẹ ọre, ne ohu ghẹ ya mu mwẹ fi Izrẹl emwi.”

Nọmbas 16:46

Ẹre Mosis na tama Errọn wẹẹ, “Rhie ọkpan erhẹn ruẹn, wan erhẹn yọ vbe ne ọ rre aka, ne u vbe viọ eturari ye erhẹn nii. U ghi zẹgiẹgiẹ bu emwa na ne u ya ru iruemwi akpehuan ne iran na. Ẹgiẹgiẹ! Ohu e Nọyaẹnmwa vẹn nẹ. egboghogbogho suẹn nẹ.”

Nọmbas 18:4

Te iran khian yaba ruẹ gha winna, iran ghi ru enọ sẹ iran egbe vbe uwu iwinna ni rre Owa Ukpọn, sokpan, a ghẹ gie ọmwa ne ọ ma he sẹ deba ruẹ winna.

Nọmbas 4:18

“Wa ghẹ gia gbele ivbi e Kohat ua,

Nọmbas 8:19

Mẹ keghi viọ iran ne Errọn kevbe avbe ivbi ẹre zẹ vbe emwi izẹọhẹ ke obọ ivbi Izrẹl rre, ne iran gha ru ugamwẹ mẹ vbe uwu Owa Ukpọn Ile ne ivbi Izrẹl, kevbe ne ọ degue iran hin obọ ẹbe ne ọ gha te rruan iran vbe iran a sikẹ Ehe Ne ọ huanrẹn nii gbe.”

Nọmbas 8:2

“Tama Errọn wẹ ọ gha viọ avbe ukpa ihinrọn yan uhunmwu erhan ọmukpa, ọ ghi viọ ẹre yọ vbe ne awanwan rẹn gha na la ghe odaro.”

I Timoti 1:18

E Timoti ne ovbi mwẹ, te I ka iyi na yuẹ obọ, zẹ vbe ẹmwẹ akhasẹ ne a guan ye otọ vbe ekpa ruẹ ẹghẹ nii. U ghi gie avbe ẹmwẹ nii, gha re emwi igbinna vbe obọ ruẹ, vbe u a gha gbinna igbinna esi nii khian.

I Timoti 3:15

Sokpan deghẹ I ma ghi rherhe rre, ebe na gha gie uwa rẹn vbene ọ kere ne ima gha mu egbe yi hẹ vbe uwu igiowa Osanobua, ne ọre esọsi ọghe Osanobua ne ọ rrọọ, orre kevbe okpo ọghe ẹmwata.

I Timoti 5:21

Vbe sirra Osanobua kevbe Kristi Jesu, kevbe avbe odibo Osa ni huranrẹn, I ya imuegberriotọ tama ruẹn, ne u gha ye avbe ẹmwẹ na ru emwi vbe ne a i na zẹ ọmwa ẹkpe, ra ne a gha ghe ọmwaikọmwa ikpanro vbe uwu emwi ne u ru hia.

I Timoti 6:20

Timoti ye obọ da ẹe yi vbe ne a i na mwẹ ẹbe, ighẹ emwi ne a ka ye uẹ obọ. Ghẹ mwẹ obọ vbe ọta ne ẹ i mwẹ emwi ne ọ khọ ọghe Osanobua, kevbe imuaẹmwẹ ukọnmwẹ, egbe emwi ne emwa ukọnmwẹ tie ẹre “Irẹnmwi.”