Nọmbas 18:1 - Edo Bible (E Baibol Ẹdo) Version 1996

¹ E Nọyaẹnmwa keghi tama Errọn wẹẹ, “Abaku ru gha rre iwinna ugamwẹ vbe uwu Owa Ukpọn Ile, urhu uwẹ kevbe avbe ivbuẹ kevbe avbe Livai ọ re ọ ye, sokpan wẹ kevbe avbe ivbuẹ ọ re ọ ra rri oya ye abakuru ne ọ ladian vbe uwu iwinna ohẹn.

Nọmbas 18:1 Iomraidhean Croise

Ẹksọdọs 28:38

Errọn ghi muẹn ye uharo ẹre, odẹ vbenian, ọ ghi rhie abakuru ne ọ rhirhi gha rre avbe emwikemwi ne ivbi Izrẹl ya fi ohan ne imẹ. Te Errọn ra wa gha yọe vbe ẹghẹ hia ne emwi ihaoko nii miẹn ehe na gha yẹ Nọyaẹnmwa. A gha rhe miẹn wẹ iran ma ru emwi ẹse vbe iran ha oko gunmwe.

Aizaia 53:11

Ọ gha ghi rrii oya nẹ vbe ẹdẹ agbọn rẹn, ọ gha vbe dọlegbe miẹn ọyẹnmwẹ ọ gha rẹn wẹ rẹn ma rrioya kua kẹkan. ọguọmwadia mwẹ ne ekhọe esi ne ẹko mwẹ rhiẹnrhiẹn ghe. Gha ye egbe miẹn oya emwa nibun, rhunmwuda ẹre, mẹ gha yabọ iran.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Ezikiẹl 4:4

“Vbe iyeke ọnii, u ghi lovbiẹ mu obọ iyọmwa rhu otọ, I ghi mu abe uhunmwu ẹvbo Izrẹl hia yan ruẹn. U gha ya ikpẹdẹ igbe irrọvbe arriaeva vbe evba (390), u ghi vbe rrioya ye orukhọ ne iran ru. I rhie ikpẹdẹ ọkpọkpa ọghe abe ne uẹn ye ukpo ọkpọkpa ne iran ra rrioya la vbotọ.

Levitikọs 10:17

“Vbọzẹ ne uwa ma na rri izọ ese orukhọ nii vbe ehe ne ọ huansẹ yi? Emwi ne ọ huansẹ ẹsẹse nọ, te Nọyaẹnmwa vbe rhie ẹre ne uwa, ne uwa miẹn ehe na kpe orukhọ emwa nii kua.

Levitikọs 22:16

Vbe ne iran gha na gie emwa ni ma khẹ ke re vbọ, emwi vberriọ gha ya ọmwa nii rri abe, a ghi vbe rri ọre oya. Mẹ ọ re Nọyaẹnmwa, mẹ ọ re ọ vbe ya emwi izẹ ọhẹ nii khian nihuanrẹn.”

Levitikọs 22:9

“Avbe ohẹn hia ghi lele emwamwa ne I mu ye otọ. De ghẹ ẹ i re vberriọ iran gha rrie abe, a ghi vbe gbele iran an, rhunmwuda, iran rra uhi emwamwa ne ọ huanrẹn. Mẹ ọ re Nọyaẹnmwa, mẹ ọ re ọ vbe ya iran khian ne ọ huanrẹn.

Nọmbas 14:34

Ukpo iyeva ọre uwa ra ya rri oya ye orukhọ uwa, ukpo ọkpa ye ikpẹdẹ ọkpọkpa ne uwa ya ghe otọe ni ghe. Wa gha rẹn emwi ne a ya kha we ne uwa si okuo mwẹ rrie egbe!

Nọmbas 16:10

Ọ gie uwẹ kevbe ivbi e Livai nekpa hia gha mwẹ uyi na, banbanna nian, wa ho ne u wa vbe mu ukpo ohẹn ba ẹre!

Nọmbas 17:13

A deghẹ ọmwaikọmwa ne ọ sikẹ Owa Ukpọn Ile, uhunmwu ọ ya khiọre, ma hia wulo nẹ khekherriọ!”

Nọmbas 17:3

U ghi gbẹn eni Errọn ye ọkpọ ọghe ivbi e Livai. Dọmwadẹ ọkaolotu ẹwae ghi gha mwẹ ọkpọ ọkpọkpa.

Nọmbas 17:7

E Mosis keghi viọ avbe ọkpọ nii hia ye odaro Ẹkpẹti Ile Nọyaẹnmwa vbe uwu Owa Ukpọn Ile.

Nọmbas 18:11

“Yevbe deba ọnii, izẹ ọhẹ kpataki ọvbehe hia ne ivbi Izrẹl viọ gun mwẹ, ọwuẹ khian gha nọ. Te ime viọ ehia ne uwẹ, kevbe ivbuẹ ne ikpia kevbe ne ikhuo rhinrin ẹdẹ. Ọmwa ne awua i ghi rrọ re egbe vbe uwu emwa ruẹn hia sẹtin rri ọe.

Nọmbas 3:6

“Viọ ivbi ẹwae Livai ladian ne u zẹ iran ni ga Errọn ne ohẹn.

Diuteronomi 10:8

E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.

Giọgis 17:12

E Maika keghi ya ẹe ru ohẹn ọnrẹn, rẹn kegha rre owa e Maika.