Nọmbas 17:8 - Edo Bible (E Baibol Ẹdo) Version 1996

⁸ Ẹdẹ ghi gbe, e Mosis ghi la uwu Owa Ukpọn, ọ keghi miẹn wẹ ọkpọ ọghe Errọn ne ọ mudia ye ihe ẹwae Livai zọre. Ọ keghi gbe ukhu, ọ gbe ighọn, ọ keghi mọ ọmọ erhan almọnd ne ọ vboro!

Nọmbas 17:8 Iomraidhean Croise

Gẹnẹsis 40:10

ọ kegha mwẹ abọ eha, ọ ghi suẹn gha zẹ ebe, ọ keghi wa mọ, alimo ni keghi gha vbo.

Psalm 110:2

E Nọyaẹnmwa gha fian te ẹtin arriọba ruẹ ke Zaiọn rre. Rẹn keghi kha wẹẹ, “Gha khaemwisẹ yan avbe eghian ruẹn.”

Ihuan Ne Ọ Sọọ Ihuan Hia 2:3

Vbene otiẹn ye vbe ẹbu erhan vbe ẹgbo, erriọ ọ re enida mwẹ ye vbe ẹbu ikpia ọvbehe. Aghọnghọn rẹn yẹ mwẹ ne a tota yi ọmọ rẹn wa vbe rhiẹnrhiẹn mwẹ.

Aizaia 4:2

Ẹghẹ dee ne Nọyaẹnmwa gha na ru ẹe ne ivbi erhan kevbe avbe erhan nekhua ni rre otọe na gha kakabọ wan kevbe ne iran gha ma egbe. Avbe ivbi Izrẹl ni ghi miẹn uhunmwu hia gha ghọghọ, iran ghi vbe gha yae hio ighe emwiokọ ne a miẹn gha rhọ vbe otọe nii.

Ezikiẹl 17:24

Avbe erhan ni rre otọe nii hia gha rẹn wẹ mẹ ọrọre Nọyaẹnmwa. I tọnnọ avbe erhan ni taẹn gbotọ, I keghi ya erhan negiẹrẹ khian ni taẹn, I ya erhan ni mwẹ ebe khian ni luẹluẹe, I keghi ye avbe erhan ni kaka a, khian ni họn ebe kukuku. Mẹ ne Nọyaẹnmwa ta emwi ne I wẹ I gha ru nẹ, te I ru ẹe.”

Ezikiẹl 19:12

Sokpan avbe obọ ne ohu mu keghi sii ẹe vbọ, iran fi ẹe fi otọ. Ẹhoho odẹ ahọ keghi kaka ẹre ọmọ uan. Iran bunnọ ẹre abọ kua, ehia kaka a, a keghi gien ọnrẹn uan.

Ezikiẹl 19:14

Erhẹn la ẹzi erhan azara nii, ọ keghi gien avbe abọ kevbe ọmọ rẹn. Avbe abọ ẹre i ghi dọlegbe wegbe ọvbehe, iran i ra dọlegbe gha re ọkpọ ọba. Ihuan akhiẹ ọ re ọ na khin ọ kpẹre ne a keghi so ẹe yanegbe yanegbe.

Nọmbas 16:5

Iyeke ọnii, ọ keghi tama Kora kevbe ivbi otu ẹre hia wẹẹ, “Vbe owiẹ ẹdẹ na khuẹ, e Nọyaẹnmwa gha rhie ne ọ re ọghe ọe ma ima, ọ gha gie ọmwa nọ re ọghe ọe, ọmwa ne irẹn zẹe, sikẹ ọre vbe aka.

Nọmbas 17:5

Ọkpọ ọghe ọmwa ne I hannọ zẹ gha gbe ukhu. Odẹ vberriọ ọre I gha ya gbe ẹre ukhu a ighẹ ẹzọ ne ivbi Izrẹl guẹ gui kugbakẹghẹrẹ.”

Nọmbas 17:9

E Mosis keghi viọ avbe ọkpọ nii hia, ọ na do viọ iran ma ivbi Izrẹl. Iran ghi miẹn emwi ne ọ sunu ne, edọmwadẹ ọkaolotu keghi rhie ọkpọ ọghe ọe werriegbe.

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.