Nọmbas 17:5 - Edo Bible (E Baibol Ẹdo) Version 1996

⁵ Ọkpọ ọghe ọmwa ne I hannọ zẹ gha gbe ukhu. Odẹ vberriọ ọre I gha ya gbe ẹre ukhu a ighẹ ẹzọ ne ivbi Izrẹl guẹ gui kugbakẹghẹrẹ.”

Nọmbas 17:5 Iomraidhean Croise

II Krọnikol 26:16

Sokpan, ugbẹn vbe Uzaia ne ọba ghi re ọmwa ne ọ wegbe nẹ, ọ keghi do gha hio, ọnii ọ re ọ si udemwẹ ọnrẹn. Ọ keghi yagha e Nọyaẹnmwa ne Osanobua ẹre vbene ọ na gha rrie Ọgua Osa ya gha giẹn eturari vbe Ogiukpo eturari.

Psalm 105:26

Ẹre rẹn na gie eguọmwadia ẹre, ighe Mosis kevbe Errọn ne irẹn zẹe.

Ẹksọdọs 16:7

Vbe owiẹ, wa gha miẹn awanwan ne ẹi gie a ghe ọghe ehe ne Nọyaẹnmwa ye. Ọ họn ẹzọ ne uwa gu irẹn gui, rhunmwuda uhunmwu ne ọ gie ọre ima yo.”

Aizaia 11:1

Uniẹn ọghe Ọba Devid ye vbe erhan ne a tọn gbe otọ nẹ sokpan vbene ẹzi erhan vbe dọlegbe họn, erriọ ọ re ọba ọgbọn gha ke uniẹn e Devid zọ ladian.

Aizaia 13:11

E Nọyaẹnmwa khare wẹẹ, “I gha fian ọfuan fi otọ agbọn, I ghi vbe rria avbe emwa dan hia ikhi ye orukhọ iran. I gha vbokho iran hia uhunmwu rri otọ ighe avbe iran ni tọn egbe mu. I gha rria iran ikhi ighe iran ni hio kevbe emwa dan.

Aizaia 27:6

Vbe ẹdẹ ne ọ dee, ivbi Izrẹl, iran ne uniẹn Jekọb gha zẹ inian zẹ vbe erhan, iran gha zẹlẹ ebe, iran ghi vbe gbe ighọn. Ọmọ ne iran mọẹn ghi gba agbọn na hia.

Aizaia 5:24

Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Ezikiẹl 16:41

Iran gha gien owa ruẹ sẹ otọ, iran ghi vbe gie avbe ikhuo do gha bi ghe oya ne a rri ọ re. I gha da ruẹ obọ igberagia ne u gbe yi, I ghi vbe ru ẹe ne u ghẹ ghi ya emwi ne avbe egbakhian ruẹn.

Ezikiẹl 23:27

I gha kie ruẹ ukpe orriarria kevbe uyinmwẹ ẹwia ne u yin ke ẹghẹ ne u ya gha rre Igipt gha dee. U i ghi ra ye dọlegbe ghe amazẹ ọvbehe ra ne u ye dọlegbe gha mu ẹmwẹ Igipt ro.”

Hozia 14:5

I gha ye vbe amẹ ne ọ rhọ ye otọe nọkae ne ivbi Izrẹl, iran gha vẹ gba ehe hia zẹ vbe obobo. Inian iran gha deziẹn vbe otọ zẹ vbe avbe erhan e Lebanọn.

Nọmbas 1:51

Wa gha si kpao vbe agọ, avbe Livai ọre ọ gha fannọ Owa Ukpọn nii, iran ghi vbe ya bọ ẹe vbe agọ ne ọgbọn. Ọmwa ọvbehe rhọkpa gha sikẹ Owa Ukpọn nii, a ghi gbe ẹe rua.

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 16:11

Wa gha gui ẹzọ uwu unu ghe Errọn, vbe ẹmwata, e Nọyaẹnmwa ọre uwẹ vbe irogho ruẹ sọtẹ ọre.”

Nọmbas 16:5

Iyeke ọnii, ọ keghi tama Kora kevbe ivbi otu ẹre hia wẹẹ, “Vbe owiẹ ẹdẹ na khuẹ, e Nọyaẹnmwa gha rhie ne ọ re ọghe ọe ma ima, ọ gha gie ọmwa nọ re ọghe ọe, ọmwa ne irẹn zẹe, sikẹ ọre vbe aka.

Nọmbas 17:10

E Nọyaẹnmwa keghi tama e Mosis wẹẹ, “Rhie ọkpọ Errọn werriegbe ye odaro Ẹkpẹti Ile. A ghi rhie ẹre hinrre ne ivbi Izrẹl gha miẹn ọẹn wan wẹ iran gha wulo deghẹ iran ma zobọ vbe ẹzọ uwu unu ne a gui.”

Nọmbas 17:6

E Mosis keghi gu ivbi Izrẹl guan, ọkpọkpa vbe uwu avbe ọkaolotu keghi rhie ọkpọ ọkpọkpa gie ẹe, ọkpọkpa, ọghe ẹwae ọkpọkpa, iweva ọre ehia khin, ọkpọ ọghe Errọn kevbe deba ọghe iran.

Nọmbas 17:8

Ẹdẹ ghi gbe, e Mosis ghi la uwu Owa Ukpọn, ọ keghi miẹn wẹ ọkpọ ọghe Errọn ne ọ mudia ye ihe ẹwae Livai zọre. Ọ keghi gbe ukhu, ọ gbe ighọn, ọ keghi mọ ọmọ erhan almọnd ne ọ vboro!

I Kọrinti 10:10

Wa ghẹ gha vian, vbene eso vbe gha ru ne Ogie Uwu na fuẹn iran uan.

Jọsua 4:7

Wa ghi tama iran wẹ ẹghẹ ne Ẹkpẹti Ile ọghe Nọyaẹnmwa na fian Ẹzẹ Jọdan rra, amẹ ọnrẹn keghi dobọ ulẹmwẹ yi. Avbe okuta na ghi gha re ama ayere ne ivbi Izrẹl ẹdẹdẹmwẹdẹ.”