Nọmbas 16:1 - Edo Bible (E Baibol Ẹdo) Version 1996

^1-2 E Kora ne ovbi Iza ne ẹwae Kohat ne e Livai, ohan ma zẹdẹ mu ẹẹn, ọ sọtẹ e Mosis, iran eha ni re ivbi ẹwae Riubẹn, Datan kevbe Abiram. ivbi e Eliab kevbe On ne ovbie Pẹlẹt keghi deba ẹre, arhin ekigbe siyeha yan uri (250) vbe uwu ọkaolotu ọghe ivbi Izrẹl keghi vbe yaba iran.

Nọmbas 16:1 Iomraidhean Croise

Psalm 106:16

Vbe uwu ato nii, iran kegha gbọvo e Mosis kevbe Errọn eguọmwadia ni huanrẹn e Nọyaẹnmwa.

Ẹksọdọs 6:16

Ena ọrọre eni ivbi Livai kevbe emọ ne iran biẹlẹe: Gẹsiọn, Kohat kevbe Merari; iran ọrọre erha odede iran ne a tie ginna iran. Ukpo eha irrọvbe ikiọkhọe (137) ọre Livai ya vbe agbọn.

Ẹksọdọs 6:18

Ivbi Kohat enẹ kegha re Amram, Iza, Hibrọn kevbe Uziẹl. Ukpo Ihinrọn irrọvbe ikiọkhọe (133) ọre Kohat ya vbe agbọn.

Ẹksọdọs 6:21

Ivbi Iza eheha kegha re Kara, Nefes ke Zikri.

Nọmbas 15:41

Mẹ ọ re Nọyaẹnmwa Osanobua rua. Te I viọ uwa ke Igipt ladian ne I do gha re Osanobua uwa. Mẹ ọ re Nọyaẹnmwa.”

Nọmbas 27:3

“Erha ima wu vbe otọ ẹgbo vbe ne ẹ i na mwẹ ọmọ okpia, rẹn i re ọkpa vbe uwu emwa ni yaba e Kora sọtẹ ghe Nọyaẹnmwa, orukhọ ọghe obọ ẹre ọre ọ gbe ẹe.

Diuteronomi 11:6

Wa ye emwi ne ọ ru e Datan kevbe Abiram ne ovbi Eliab ne ẹwae Riubẹn rre. Otọ rhan unu, ọ keghi minọ iran re ke iran kevbe ẹgbẹe iran, owa ukpọn iran, kevbe eguọmwadia iran, kevbe emwirri iran.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.