Nọmbas 15:4 - Edo Bible (E Baibol Ẹdo) Version 1996

^4-5 Ọmwa ne ọ rhirhi zẹ ọhẹ vberriọ gie Nọyaẹnmwa ọ ghi vbe viọ izẹọhẹ ọka, ra uwan ẹlubọ eva ne a ye ago eva ọghe ofigbọn oliv gbe lelẹe rre. Ọ gha vbe zọ ese na giẹn uan, ọ ghi vbe mu ọgọ ayọn eva lele ovbi ohuan ọkpọkpa rre.

Nọmbas 15:4 Iomraidhean Croise

Ẹzra 7:17

“U ghi ya ẹwaẹn lo igho na ya dẹlẹ ẹkhuia ẹmila, ke ogho kevbe avbe oteghe ohuan, kevbe ọka, kevbe ayọn, ne uwa ya ehia zọ ese vbe Ogiukpo Ọgua Osa ne ọ rre Jerusalẹm.

Ẹksọdọs 29:40

Nokaro ne ọ rrọọ, u ghi ya ẹe zọ ese ba ọduẹki ẹlubọ enẹ ne a ya ago ofigbọn oliv ne a ma gua eha gbe. U ghi sa ukpu ayọn eha kua zẹ vbe izọhẹ emwi na a da.

Aizaia 66:20

Iran gha viọ avbe ivbi ẹvbo uwa ke avbe uhunmwu ẹvbo na hia werriegbe rre zẹ vbe emwi ne a ya ha oko gunmwẹ. Iran gha viọ iran gha die oke mwẹ nọhuanrẹn vbe Jerusalẹm, iran gha ya ẹsin viọ iran gha dee kevbe ekẹtẹkẹtẹ kevbe e kamẹl deba ikẹkẹ okuo kevbe okotọ, vbene ivbi Izrẹl ya avbe ọkpan ne ẹ i mwẹ awua viọ ọka do ya gha muohan vbe Ọgua Osa.

Ezikiẹl 46:14

Debare, a ghi vbe gha ya uwan isẹn ọghe irhuanrhua ọka yo imuohan owiowiẹ, deba ukhiọnmwẹ egalọn ọghe ofigbọn oliv ne a gha ya gha gbe irhuarhua ọka na. Ẹmwẹ ọghe imuohan ne a yo gie Nọyaẹnmwa na, te ọ ra gha rre otọ rhinrin ẹdẹdẹmwẹdẹ,

Levitikọs 1:13

Ọmwa nii ghi kpe ibiẹ ọre kevbe owẹ ọre, ohẹn ghi do mu ese nii gie Nọyaẹnmwa, ọ ghi giẹn ehia fẹẹrẹ vbe uhunmwu aka, uwinhinmwẹ emwi ihaoko evbare na yẹ Nọyaẹnmwa.

Levitikọs 14:10

Vbe ikpẹde nogierẹnrẹn, ọ ghi viọ ivbi ogho eva kevbe ovbi ohuan amwẹ ọkpa, iran ghi gha re ne ẹ i mwẹ okan, uwan irhuarhua isẹn ne a ya ofigbọn ọliv gbe, ke ẹe kevbe ukhiọnmwẹ ọgọ ọghe ofigbọn ọliv.

Levitikọs 2:1

“Omwa gha yo imuohan ọka gie Nọyaẹnmwa, ọ ghi ka dunmwu ẹre irhuarhua nẹ, ọ ghi sa ofigbọn ọliv kevbe eturari ba ẹre.

Levitikọs 2:15

Wa ghi rhie ofigbọn ọliv kevbe eturari ba ẹre.

Levitikọs 23:13

Wa ghi vbe viọ uwan enẹ ọghe irhuarhua ne a ya ofigbọn ọliv gbe gha de do ya ẹe zẹ ọhẹ evbare. Uwinhinmwẹ izẹọhẹ vberriọ wa yẹ e Nọyaẹnmwa. Wa ghi mu ọgọ ayọn ọkpa lele ẹe rre.

Levitikọs 3:7

Ọmwa gha ya ohuan haoko,

Levitikọs 6:14

“Vbenian ọre a gha ya gha ru izọhẹ ọka. Ohẹn ghi mu ọka nii gie Nọyaẹnmwa vbe odaro aka.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Nọmbas 28:12

Izẹọhẹ ọka ni rrọọ ghi gha re vbe nian, irhuarhua ghi lele ẹkhuia ẹmila ọkpọkpa, uwan enenẹ ọghe irhuarhua ghi lele ogho ọkpọkpa,

Nọmbas 28:4

A ghi ya oteghe ohuan ne okaro zẹ ọhẹ vbe owiẹ kevbe ne ogieva vbe ota.

Nọmbas 29:6

U ghi ya ena zẹ ọhẹ ba ese na giẹn uan ọghe ẹdẹgbegbe ọghe ikpẹdẹ ne okaro vbe uki, ke ẹe kevbe izẹọhẹ ọka kevbe ọghe ayọn. Avbe izẹọhẹ evbare na, emwi ni winhin yẹ Nọyaẹnmwa nọ.

Ebe ne Pọl gbẹẹn gie emwa Rom 15:16

Ọnii nọ wẹ ne I gha re ọguọmwadia Jesu Kristi ne ọ gha winna ne iran ne ẹ i re Ju. Mẹ ghi gha kpe orhu Iyẹn Ne ọ maa Osanobua zẹ vbe ohẹn, ne iran ne ẹ i re Ju sẹtin do gha re emwi izọ ese ne ọ gie Osanobua rhan obọ miẹn, kevbe ne Orhiọn Ne Ọ Huanrẹn ya fi ohan nẹẹn.

Hibru 13:16

Wa ghẹ mianmian ẹse ne a ru kevbe ne uwa gha ya egbe obọ, rhunmwuda, enena ọrọre izọ ese ne ọ yẹ Osanobua.

Giọgis 9:9

Erhan oliv nii keghi wanniẹn wẹẹ, ‘Ọnii rhie maa wẹ ne I sẹ ẹmwẹ ofigbọn mwẹ ne a ya mu ọghọ ye avbe ẹrinmwi kevbe emwa ne agbọn egbe rae, ne I do gha khaemwisẹ yan uwa.’