Nọmbas 14:2 - Edo Bible (E Baibol Ẹdo) Version 1996

² Iran kegha gui ẹzọ e Mosis kevbe Errọn wẹẹ, “Ma te wa wulo vbe Igipt ra vbe uwu ẹgbo na ọre ọ maa sẹ.

Nọmbas 14:2 Iomraidhean Croise

I Ọba 19:4

Elaija na ye vbe khian okhian ikpẹdẹ hoho la uwu oha. Ọ keghi yakọ, ọ na tota ye ototọ irhu ọghe erhan, ọ na wẹ rẹn wu ọ re ọ ghi maa sẹ. Ọ keghi na erhunmwu wẹẹ, “Ọ sẹ mwẹ abọ nẹ Nọyaẹnmwa. Rhie orhiọn mwẹ ighẹ i wu ọ re ọ ghi maa sẹ!”

Job 3:11

“Vbọ rrọọ akpawẹ uwu ẹko iye mwẹ ọre, I wu yi, ra ne I lahin rre vbe a wa da biẹ mwẹ.

Psalm 106:24

Ẹghẹ nii, iran keghi he otọ esi ni, rhunmwuda iran ma ya eyan Osanobua yi.

Psalm 106:25

Iran keghi tota ye owa ukpọn iran gha zuyọn iran ma zẹ ye Nọyaẹnmwa ẹre.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Ẹksọdọs 14:11

Iran keghi tama e Mosis wẹẹ, “Te idin i ghi rre Igipt ra ne u na viọ ima gha de uwu oha ne ima do wulo kua. U ma miẹn emwi ne u ru nian ne u na viọ ima ke Igipt ladian.

Ẹksọdọs 15:24

Emwa nii keghi suẹn gha gui ẹzọ ma e Mosis wẹẹ, “De emwi ne ima ra wọn yi?”

Ẹksọdọs 17:3

Sokpan ohanmwẹ amẹ kegha kakabọ gbe emwa nii, iran na gha gui ẹzọ Mosis. Iran wẹẹ, “Vbọzẹ ne u na hẹ ima ke Igipt ladian? te u wẹ ne u do ya ohanmwẹ amẹ gbele ima an ra, ke emọ kevbe emwirri?”

Jona 4:3

Rhunmwuda ọnii Osanobua, gun mwẹ wa wu, rhunmwuda, I wa wu ọre ọ maa sẹ agbọn ne I ye na.”

Jona 4:8

Ugbẹn vbe ovẹn ghi yan rre nẹ, Osanobua keghi gie ẹhoho owẹn owiẹ ne ọ tọn ẹsẹse rre. Ovẹn ni ghi gbe e Jona uhunmwu, ekherhe ọ kere ne ọ wa lahin. Ọ keghi rhunmwuda ọnii gha kha wẹ rẹn kpa miẹn uwu, rẹn gha wa wu. Ọ wẹẹ, “I wa wu hin agbọn rre ọre ọ maa sẹ agbọn ne imẹ ye na.”

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 11:15

A deghẹ erriọ u khian gha ru mwẹ, lahọ tohan mwẹ ne u gbe mwẹ uan ne I ghẹ ghi họn ẹmwẹ obọ dan ruẹn vbe egbe mwẹ ọvbehe.”

Nọmbas 11:5

Ẹghẹ ne a na rre Igipt, ma ghi rri ehẹn ne ọ khan mwa, avbe umwẹkhẹn, ogi, ebe afọ, alubarha ke ohọ ne ima gha re!

Nọmbas 14:1

Vbe asọn nii hia, avbe emwa nii kegha viẹ eve orriara.

Nọmbas 14:22

Ọkpa vbe uwu iran na ne ọ gha rre agbọn, ne ọ vbe lao otọe nii, ẹ i rrọ. Iran miẹn uwanmwẹ ne ẹ i gia ghe ne a ya rẹn ighẹ I rre evba nẹ, kevbe iwinna ọ yan unu uan ne I winnaẹn vbe Igipt, kevbe uwu ẹgbo, sokpan iran keghi ye gha fi obọ yọ mwẹ unu yan egbe yan egbe, iran na he ne iran họn ẹmwẹ mẹ.

Nọmbas 16:13

Ne u na viọ ima ke otọ esiesi vbe Igipt ladian ne u do gbele ima an vbe uwu ẹgbo na ma he ye sẹ ra? Te u ghi ra vbe gha ya ima ru ẹe rua ba onii ra?

Nọmbas 16:41

Ẹdẹ ne ọ lelẹe, emwa ni hia keghi suẹn gha gui ẹzọ uwu unu ghe Mosis kevbe Errọn wẹẹ, “Wa gbele eso ua vbe uwu emwa e Nọyaẹnmwa.”

Nọmbas 17:6

E Mosis keghi gu ivbi Izrẹl guan, ọkpọkpa vbe uwu avbe ọkaolotu keghi rhie ọkpọ ọkpọkpa gie ẹe, ọkpọkpa, ọghe ẹwae ọkpọkpa, iweva ọre ehia khin, ọkpọ ọghe Errọn kevbe deba ọghe iran.

Nọmbas 20:2

Emwa nii ma miẹn amẹ wọn, iran keghi rhunmwuda onii doga e Mosis kevbe Errọn.

Nọmbas 20:3

Iran na gha gui wẹẹ, “Akpawẹ te ima wa wulo lele ivbi Izrẹl ne ihomwa vbe odaro Owa Ukpọn Ile ọghe Nọyaẹnmwa ọre ọ gha te wa maa sẹẹ.

Nọmbas 20:4

Vbọzẹ ne uwa na hẹ ima la ẹgbo? Ẹre te ima vbe emwirri ra wulo na?

Nọmbas 21:5

Iran kegha filo unu gie Osanobua kevbe Mosis, iran kegha gui ẹzọ uwu unu wẹẹ, “Vbọzẹ ne uwa na viọ ima ke Igipt gha die uwu ato yi ne ima do wulo vbe ehe ne evbare i ye, amẹ i rrọ. Ẹtin ima ghi sẹ ẹmwẹ evbare oya na ọvbehe.”

I Kọrinti 10:10

Wa ghẹ gha vian, vbene eso vbe gha ru ne Ogie Uwu na fuẹn iran uan.

Diuteronomi 1:27

Wa na gha gui ẹzọ uwu unu wẹẹ, ‘E Nọyaẹnmwa khuiwu ima. Ọnii ọ sie ne ọ na viọ ima ke Igipt ladian ne ọ silo ima ku avbe emwa Amọri na obọ, ne iran gbele ima uan.

Diuteronomi 9:23

Ugbẹn vbe ọ ghi gie uwa kpao vbe Kedẹs Bania rre nẹ, vbene ọ na wẹ ne uwa gha khian ya mu otọe nii ne irẹn ra mu ne uwa, wa keghi sọtẹ ghe ẹre wa ma mu ẹtin yan rẹn ra ne uwa họn ẹmwẹ ọnrẹn.

Hibru 3:16

De emwa ni họn urhu Osanobua ne ọ na sọtẹ ọre yi? Ẹmwata, emwa hia ne Mosis hẹ ke Igipt ladian nọ.

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.