Nọmbas 14:1 - Edo Bible (E Baibol Ẹdo) Version 1996

¹ Vbe asọn nii hia, avbe emwa nii kegha viẹ eve orriara.

Nọmbas 14:1 Iomraidhean Croise

Psalm 106:25

Iran keghi tota ye owa ukpọn iran gha zuyọn iran ma zẹ ye Nọyaẹnmwa ẹre.

Psalm 78:32

Vbene a ye do ena hia sẹ, emwa nii kevbe ye gha ru orukhọ khian, vbene ọ ye winna iwinna ọyunnuan sẹ iran ma mu ẹtin yan rẹn.

Ẹksọdọs 13:17

Ugbẹn vbe ọba Igipt ghi sẹ avbe emwa nii rae nẹ ne iran kpao, Osanobua ma gie iran la odẹ ọkpẹn ẹzẹ Filistia, a gha rhe miẹn wẹ ọnii ọre ọ te ke ẹe sẹ. Osanobua ke kha wẹẹ, “I ma ho ne iran fi ekhọe werriẹ, ne iran dọlegbe gha rrie otọe Igipt vbe iran a miẹn okuo ne iran ra khọn.”

Ẹksọdọs 33:4

Ugbẹn vbe emwa nii ghi họn iyẹn dan na, iran keghi suẹn gha khiẹ, iran ma ghi viọ emwi itegbe ye egbe.

Nọmbas 13:33

Ma miẹn avbe arhuanran vbe evba, iran ne ivbi Anak. Ma keghi yevbe atete vbe ehe ne iran ye zẹ vbene ima ro egbe ima yi. Erriọ ọre ima gha vbe khọ vbe aro iran.”

Nọmbas 14:2

Iran kegha gui ẹzọ e Mosis kevbe Errọn wẹẹ, “Ma te wa wulo vbe Igipt ra vbe uwu ẹgbo na ọre ọ maa sẹ.

Diuteronomi 1:26

“Sokpan, wa keghi sọtẹ, wa ma họn ẹmwẹ e Nọyaẹnmwa ne Osanobua rua, wa ma ya la otọe ni.

Diuteronomi 1:45

Ẹre uwa ghi na da tie Nọyaẹnmwa ne ọ do yi uwa obọ, sokpan ọ ma danmwehọ uwa, ọ ma zẹ ye uwa re.

Diuteronomi 9:23

Ugbẹn vbe ọ ghi gie uwa kpao vbe Kedẹs Bania rre nẹ, vbene ọ na wẹ ne uwa gha khian ya mu otọe nii ne irẹn ra mu ne uwa, wa keghi sọtẹ ghe ẹre wa ma mu ẹtin yan rẹn ra ne uwa họn ẹmwẹ ọnrẹn.

Jọsua 14:8

Sokpan, emwa ni lele mwẹ gha khian keghi zẹ afianma ye emwa egbe, mẹ keghi ye ẹko ata họn ẹmwẹ ne Nọyaẹnmwa Osanobua mwẹ.

I Samuẹl 30:4

E Devid kevbe emwa rẹn ke gbe eve ua, iran keghi viẹ viẹ viẹ a te do miẹn wẹ orhiọn ighi rre iran iwu hiehiere.