Nọmbas 12:2 - Edo Bible (E Baibol Ẹdo) Version 1996

² Iran keghi kha wẹẹ, “E Mosis ọkpa ọ re Nọyaẹnmwa gie ẹre uhunmwu rre ra? Ẹ i vbe gie ima uhunmwu rre?” E Nọyaẹnmwa keghi họn ẹmwẹ ne iran tae

Nọmbas 12:2 Iomraidhean Croise

Gẹnẹsis 29:33

Ọ kevbe dọlegbe hanmwa, ọ na biẹ ọmọ okpia ọvbehe, ọ keghi kha wẹẹ, “E Nọyaẹnmwa rhie ọmọ okpia na mẹ; rhunmwuda, ọ rẹnrẹn wẹ a i ho ẹmwẹ ẹmwẹ”; ọ kegha tie ẹre Simiọn.

II Samuẹl 11:27

Ẹghẹ akhiẹ ghi gberra nẹ, e Devid keghi ya rhie ẹre gha die ẹguae. Okhuo nii na khian amwẹ ọnrẹn, ọ keghi biẹ ọmọ okpia ọkpa ne ẹẹn, sokpan ẹko e Nọyaẹnmwa ma rhiẹnrhiẹn ye emwi ne Devid ru na.

II Ọba 19:4

Ọgbaisi ọghe Asiria gie avbe irriegie ẹre ne iran do kpa unu ghe Nọyaẹnmwa ne ọ rrọọ. Te Nọyaẹnmwa ne Osanobua ruẹ gha họn ẹmwẹ na ne ọ rri iran ni ta ẹe oya. Rhunmwuda ọnii, na erhunmwu ne emwa ima ne iran miẹn uhunmwu.”

Ẹksọdọs 4:14

Ohu e Mosis keghi mu e Nọyaẹnmwa, ọ na kha wẹẹ, “Ọtuẹn ighẹ Errọn ne e Livai vbo? I rẹnrẹn ighẹ ọ sẹtin guan ẹsẹse. Wa ghe vbe ọ dee do miọn nian, ẹko gha wa rhiẹnrhiẹn ọẹn vbe ọ gha miọn.

Ẹksọdọs 4:30

Errọn na ta avbe emwi ọyunnuan nii.

Ẹksọdọs 5:1

E Mosis kevbe Errọn keghi bu ọba ọghe Igipt, iran tama rẹn wẹẹ, “E Nọyaẹnmwa khare wẹẹ, ‘Gie emwa mwẹ kpao ne iran ya ru eghọ ugamwẹ mẹ vbe uwu ato.’ ”

Ẹksọdọs 7:10

E Mosis kevbe Errọn keghi bu ọba, iran na ru vbene e Nọyaẹnmwa tama iran. Errọn keghi fi ọkpọ ne ọ ya tua otọ fi otọ vbe odaro ọba kevbe emwa iwinna rẹn, ọ keghi fiwerriẹ khian ẹyẹn.

Itan 13:10

Itengbemu i si emwi ọvbehe rre gberra orueghe. Ne a gualọ ọmwa ne ọ gha bu ọmwa ude ọ re ẹwaẹn ye sẹ.

Aizaia 37:4

Ọgbaisi Asiria gie avbe ọkaokuo ẹre ne iran do kpa unu ghe Osanobua ne ọ rrọọ. Te Nọyaẹnmwa ne Osanobua ruẹ gha họn avbe ihẹn na ne ọ rri avbe emwa ne ọ kee ẹre unu rre oya. Rhunmwuda ọnii, na erhunmwu ghe Osanobua ne avbe emwa ima ni ghi miẹn uhunmwu.”

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 11:29

E Mosis keghi wanniẹn wẹẹ, “Ohanmwẹ i to uwẹ ra? Ọ gha wa ye mwẹ akpawẹ e Nọyaẹnmwa gha rhie orhiọn na ne emwa rẹn hia ne iran hia gha guan zẹ vbe akhasẹ.”

Nọmbas 12:3

(E Mosis keghi re ọmwa ne ọ mu egbe rriotọ sẹ emwa hia ni rre agbọn na.)

Nọmbas 16:3

Iran keghi do si egbe koko ye odaro e Mosis kevbe Errọn, iran tama iran wẹẹ, “Ọwua tua gbe, e Nọyaẹnmwa ọre ọ yan emwa nii hia, e Nọyaẹnmwa vbe rrọ yaba ima hia. Vbọzẹ ne uwẹ ne Mosis na ghi tọn egbe ruẹ mu yan emwa e Nọyaẹnmwa na hia?”

Ebe ne Pọl gbẹẹn gie emwa Rom 12:10

Wa kakabọ gha ho ẹmwẹ egbe zẹ vbe etẹn vbe uwu Kristi, wa gie ẹe gha bọbọ uwa egbe ighẹ ẹmwẹ ọghọ na rhie ne egbe.

Ebe ne Pọl gbẹẹn gie emwa Rom 12:3

Rhunmwuda, ẹsọhẹ Osanobua ne ọ ya ru mwẹ ẹse, I tama uwa hia wẹẹ, wa ghẹ mwa egbe ye ukpo ne ọ gberra ehe ne ọ ke yi. Sokpan wa gha re ne ẹ i si ukankan vbe iro ne uwa zẹ, ne dọmwadẹ ọghọe vbe uwu uwa gha mwa egbe ẹre ye vbene Osanobua rhie iyayi nẹẹn sẹ.

Filipai 2:14

Gha ru emwi hia vbe ne a i na vian kevbe ne a i na muan ẹmwẹ.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”