Nọmbas 12:10 - Edo Bible (E Baibol Ẹdo) Version 1996

¹⁰ Ẹre okuku nii na si hin Owa Ukpọn nii rre, Emianmwẹ ne ọ sẹtin la ọmwa ọvbehe egbe keghi hihiẹ yan ikpakpa egbe Miriam ọ na do gha fua vbe isonorhọ, Errọn keghi ghe ẹre ọ keghi miẹn wẹ emianmwẹ wa gba ẹre egbe.

Nọmbas 12:10 Iomraidhean Croise

II Ọba 15:5

E Nọyaẹnmwa keghi hihiẹ emwirregbekẹn ne emianmwẹ dan ku Uzaia. Ọ ma lahin ẹre egbe rre ọ te ya wu. Rẹn ọkpa vbe ẹhi ẹre keghi ya gha re owa ọkpa, a ma ghi gie ẹe ru emwi ne ọ khẹ ke ẹe rhọkpa, e Jotan ne ovbi ẹre kegha khaemwisẹ gbearoghe ẹvbo.

II Ọba 5:27

Banbanna nian, emianmwẹ e Naaman gha hihiẹ yan ruẹn, ọ ghi gha rre uwẹ kevbe avbe ivbi uniẹn ruẹn egbe ẹdẹdẹmwẹdẹ.” E Gehazi ghi kpao, emianmwẹ nii kegha rre ọre egbe, ikpakpa egbe ẹre ke gha fua zẹ vbe isonorhọ.

II Ọba 7:3

Ikpia enẹ ni khuọnmwi emianmwẹ ikpakpa dan kegha rre vbe a ladian ore e Sameria nẹ, iran keghi gu egbe guan wẹẹ, “Vbọzẹ ne ima gha na mudia vbe emwana yi a te do wulo?

Ẹksọdọs 4:6

E Nọyaẹnmwa keghi dọlegbe gu e Mosis guan wẹẹ, “Rhie obọ ruẹ ye ototọ ẹwu ruẹ.” Ọ keghi ru vberriọ, ọ ghi rhie ẹre ladian, emianmwẹ keghi gba ẹre, emwi ne ọ fuọfua vbe esia ke salọ ẹe gba.

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Nọmbas 5:2

“Tama ivbi Izrẹl ne iran viọ avbe emwa ne emianmwẹ ikpakpa ne ọmwa ọvbehe na sẹtin hẹ, ra ne egbe ẹre gin amẹ, kevbe emwa hia ne awua gue rhunmwuda ighẹ ọ ya egbe kan orinmwi, hin ore agọ rre.

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Diuteronomi 24:9

Ye rre vbene e Nọyaẹnmwa ru e Miriam hẹ, ẹghẹ vbe ima ke Igipt dee.