Nọmbas 11:8 - Edo Bible (E Baibol Ẹdo) Version 1996

^8-9 Emwa ni ghi ya rhọ ẹre, iran ghi lọe ra ne iran dunmwu ẹre irhuarhua, a ghi do lẹe, a ghi ya fian eka ne parhaparha. A gha ghe ẹre ọ ghi ye vbe ebrẹd ne a ya ofigbọn oliv gbe a ke lẹe. Evbu ne ọ tuo ọre nene mana lele dele ye agọ nii vbe asọn.

Nọmbas 11:8 Iomraidhean Croise

Gẹnẹsis 25:29

Ẹdẹ ọkpa, e Jekọb ghi le ọpẹkhẹrhẹ, Isọ keghi ke ehe ne ọna ya ru ọbafi rre. Ohanmwẹ kegha gbẹe

Ẹksọdọs 16:23

Rẹn keghi tama iran wẹẹ, “Iyi ne Nọyaẹnmwa yi ọna khin. Ẹdẹ ikẹtin ọre ẹdẹ ne akhuẹ khin, ẹdẹ ne ọ huanrẹn ọghe ikẹtin ne a ya fiohan ne Nọyaẹnmwa. Wa fian ebrẹd ne uwa gha fian ne uwa vbe le emwi ne uwa gha le. Emwi ne ọ ghi kẹrre hia, wa ya iran gba khua hin rre khẹ ẹdẹnakhuẹ.”

Ẹksọdọs 16:31

Ivbi Izrẹl ke gha tie nene evbare mana. Ọ keghi yevbe ighọn akọnifua, ọ ke gha fuọfua, ọ ghi yevbe ebrẹd fẹrhẹfẹrhẹ ne a ya owọn ru.

Nọmbas 11:7

Mana keghi yevbe ọmọ erhan negiẹrẹ ne ọ mwẹ egbe ne ọvboro kherhekherhe.

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Iyẹn ne ọ Maan Ọghe Jọn 6:31

Avbe erha ima odede rri e mana vbe uwu ato zẹ vbene Ebe ne ọ huanrẹn khare. ‘Ọ ke ẹrinmwi viọ evbare gie iran re.’ ”