Nọmbas 11:16 - Edo Bible (E Baibol Ẹdo) Version 1996

¹⁶ E Nọyaẹnmwa keghi tama e Mosis wẹẹ, “Si arhin ekigbe siyenẹ ni re ọkaolotu ni rẹn enegbe kevbe ne ọghọ rre ọre egbe koko, viọ iran bu mwẹ gha die Owa Ukpọn Ile, tama iran ne iran mudia ke uwẹ vba.

Nọmbas 11:16 Iomraidhean Croise

Gẹnẹsis 46:27

Emọ ikpia eva ọre a biẹlẹ ne Josẹf vbe Igipt, ọnii keghi ye ẹgbẹe Jekọb ne ọ gha rrie odọ gba vbe ekigbesiyenẹ.

Ẹksọdọs 18:25

Ọ keghi hannọ emwa nii sẹ ẹe vbe ivbi Izrẹl hia, ọ na ya iran ru ọkaolotu yan iran, ọkaolotu arriaisẹn, iyisẹn, ekigbesiyeha kevbe igbe.

Ẹksọdọs 24:1

E Nọyaẹnmwa keghi tama e Mosis nẹ wẹẹ, “Bu mwẹ gha die uhunmwu oke, ke uwẹ kevbe Errọn, e Nadab, Abihu kevbe ediọn ekigbe siyenẹ vbe ivbi Izrẹl, ne uwa ya uhunmwu rhanmwẹ otọ vbe urria, ne uwa ga mwẹ.

Ẹksọdọs 24:9

E Mosis, Errọn, e Nadab, Abihu kevbe olotu ekigbesiyenẹ vbe uwu Izrẹl keghi hin oke nii gha khian.

Ẹksọdọs 4:29

E Mosis kevbe Errọn keghi ya si avbe ekaolotu ivbi Izrẹl koko.

Jerimaia 19:1

E Nọyaẹnmwa keghi tama mwẹ wẹ ne I ya dẹ uru ne a ya obuẹ ma. Ọ na vbe tama mwẹ wẹ ne I viọ eso vbe uwu avbe ediọn ba egbe kevbe eso vbe uwu avbe ohẹn ni wan sẹẹ

Ezikiẹl 8:11

Avbe ọkaolotu Izrẹl ekigbesiyenẹ kegha rre evba, kevbe Jaazanaia ne ovbi e Siafan. Dọmwadẹ ọghọe keghi mu emwi ne a ya gien eturari mwẹ obọ, eturari nii kegha zẹ ighogho ladian.

Nọmbas 11:24

Mosis na ya tama avbe emwa nii vbene Nọyaẹnmwa kha hẹ. Ọ ke viọ ekigbe siyenẹ vbe uwa avbe ekaolotu si koko, ọ na ya viọ iran ye ọkpẹn Owa Ukpọn Ile.

Nọmbas 16:25

Avbe ọkaolotu ivbi Izrẹl keghi lele Mosis gha rrie ọghe Datan kevbe Abiram.

Iyẹn ne ọ Maan Ọghe Luk 10:1

Vbe iyeke ọnọna, Jesu keghi zẹ arhin eva yan ekigbesiyenẹ, ọ keghi gie iran eveva ke odaro gha rrie ehe ne irẹn tobọ ẹre mu egbe nẹ ne ọ yo.

Iyẹn ne ọ Maan Ọghe Luk 10:17

Iran eva yan ekigbesiyenẹ nii keghi ye oghọghọ gha die owa. Iran wẹẹ, “Nọyaẹnmwa, avbe orhiọn esu wa họn ẹmwẹ ima vbe ima ye eni ruẹn gu iran guan!”

Diuteronomi 1:15

Ọre I na viọ emwa ni wan an, kevbe ni rẹn agbọn vbe uwu avbe ekaolotu uwa ne uwa zẹlẹe vbe ẹwae uwa, I na wẹ ne iran gha gbearoghe uwa. Eso kegha gbearoghe arhin arriaisẹn vbọ, eso iyisẹn, eso ekigbesiyeha, eso igbe. I keghi ye vbe zẹlẹ emwa ọvbehe eso ye ukpo vbe uwu avbe ẹwae nii hia.

Diuteronomi 16:18

“U ghi zẹ avbe ọbuohiẹn kevbe emwa iwinna vbe dọmwadẹ ẹvbo ne Nọyaẹnmwa Osanobua gha rhie ne uẹn. Iran na ghi gha bu ohiẹn emwa nii vbe ne a i na ghe ikpanro.

Diuteronomi 31:28

Si avbe ọkaolotu kevbe ekamakodin ni rre avbe ẹwae rua koko ye odaro mwẹ, ne I miẹn ehe na ta avbe ẹmwẹ na ma iran. I gha tie ẹrinmwi kevbe agbọn ne iran do sẹ osẹe ghe iran.