Nọmbas 11:12 - Edo Bible (E Baibol Ẹdo) Version 1996

¹² Ẹ i re mẹ ọre ọ yi iran, ẹ i re imẹ ọ biẹlẹ iran! Vbu a ghi na wẹ ne I ru zẹ vbe ọkokọmọ ne I viọ iran ye ekuabọ mwẹ zẹ vbe ọmọmọ gha rrie otọ ne u ve wẹ u gha mu ne avbe erha iran odede hẹ?

Nọmbas 11:12 Iomraidhean Croise

Gẹnẹsis 13:15

I gha mu otọe ne u bẹghe hia ne uwẹ vbe uniẹn ruẹn, ọ ghi vbe gha re ọwuẹ ẹdẹdẹmwẹdẹ.

Gẹnẹsis 24:7

Nọyaẹnmwa, Osanobua ẹrinmwi kevbe agbọn ọre ọ rhie mwẹ ke owa erha mwẹ ladian hin otọ avbe etẹn mwẹ rre, ọ na vbe yan ma mwẹ ighẹ rẹn gha mu otọ na ne imẹ kevbe uniẹn mwẹ, ọ gha gie odibo ẹre ke odaro nuẹn ne u miẹn ehe na miẹn okhuo rhie ne ovbi mwẹ vbe evba.

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

II Ọba 10:1

Wi Ivbi uniẹn Ehab ekigbesiyenẹ ọ re ọ gha rre Sameria. E Jehu keghi gbẹn ebe gie emwa ni rre ore ẹvbo nii, iran ne ekamakodin ẹvbo, kevbe iran ne ivbi Ehab gue. Enian ọ re ọ gbẹn ọẹn:

II Ọba 10:5

Rhunmwuda ọnii, iran ni gbe aro ghe ẹguae, kevbe iran ni gbearoghe ore ẹvbo kevbe avbe ekamakodin ẹvbo nii, kevbe iran ni gbe aro ghe iran, keghi gie ne a tama e Jehu wẹẹ, “Eguọmwadia ruẹ ma khin, ma vbe mu egbe ne ima ya ru emwi ne u a rhirhi wẹ ne ima ru. Sokpan, ma i ma ọmwaikọmwa ọba; ru emwi ne uwẹ ghi rẹn ighẹ ọ ke sẹẹ.”

Ẹksọdọs 13:11

“E Nọyaẹnmwa gha viọ uwa sẹ otọ avbe emwa Kenan zẹ vbe ne ọ yan ma uwa kevbe avbe erha uwa odede. Ọ gha ghi rhie ẹre ne uwa nẹ,

Ẹksọdọs 13:5

E Nọyaẹnmwa wa yan ma avbe erha uwa wẹ rẹn gha mu otọe Kenan, otọe Hiti kevbe Amọri kevbe Hivi kevbe Jebus ne uwa. Otọe ne rọkhọ ne ọ maa emwi okọ wa nọ. Ọ gha ghi viọ uwa sẹ otọe nii nẹ, wa ghi gha ru emwiukpo na vbe nene uki ne okaro ukpukpo.

Ẹksọdọs 33:1

E Nọyaẹnmwa keghi tama e Mosis wẹẹ, “Kpao vbe emwa na rre ke uwẹ kevbe emwa ne u viọ ke Igipt ladian, ne u gha rrie otọ ne I wẹ I gha mu ne Ebraham, Aizik kevbe Jekọb, kevbe uniẹn iran ẹghẹ ne I na tama iran wẹẹ, ‘I gha mu otọ na ne ivbi uniẹn uwa.’

Ẹksọdọs 6:8

I gha viọ uwa gha rrie otọe nii ne I mobọ yan wẹ 1 gha mu ne Ebraham, Aizik kevbe Jekọb. I gha mu ne uwa ne ọ gha re ọwua, mẹ ọrọre Nọyaẹnmwa.’ ”

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Aizaia 49:15

Rhunmwuda ọnii, e Nọyaẹnmwa keghi kha wẹẹ, “Okhuo gha sẹtin mianmian ọmọ ne ọ biẹe ra ne ọ ghẹ ho ẹmwẹ ovbi ẹre ne ọ biẹe? Ọ gha khọn rẹn ne okhuo sẹtin mianmian ovbi ẹre mẹ i ra mianmian uwẹ ẹdẹdẹmwẹdẹ.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Ezikiẹl 34:23

I gha rhie ọba ne ọ yevbe Devid ne ọguọmwadia mwẹ ne iran, ne ọ gha re ọsuohuan iran, ọ gha gbearoghe iran.

Iyẹn ne ọ Maan Ọghe Jọn 10:11

“Mẹ ọrọre ọsuohuan ne ọ maa, ọsuohuan ne ọ maa mu egbe ne ọ ya ye uhunmwu ye ẹmwẹ avbe ohuan.

I Kọrinti 4:15

Rhunmwuda, ogha khọn uwa ne uwa gha mwẹ emamwaemwi arriaisẹn igbe vbe ẹdẹ agbọn uwa vbe uwu Kristi, erha ọkpa kẹkan ọre uwa mwẹ. Rhunmwuda, zẹ vbe ẹdẹ agbọn uwa vbe uwu Kristi, mẹ ọrọre erha uwa rhunmwuda ighẹ mẹ ọre ọ rhie nene Iyẹn Ne ọ maa bu uwa gha dee.

Galatia 4:19

Ivbi mwẹ ni ghan! Te emwi ubiẹmwẹ uwa ghi vbe ru mwẹ zẹ vbe okhuo ne ọ ra biẹ, rhinrin a te do miẹn wẹ ama emwi ne Kristi khin rhie egbe maa vbe uwu uwa.

Diuteronomi 1:31

Kevbe uwu ato. Wa miẹn vbene ọ ya viọ uwa do sẹ emwa na hẹ ke odọ hia gha dee, zẹ vbene erha mu ovbi ẹre.’

I Tẹsalonaika 2:7

A gha rhe miẹn wẹ, zẹ vbe ukọ Kristi, ọ te khẹ ke mwa ne a ya nọ emwi vbe obọ uwa.