Nọmbas 11:10 - Edo Bible (E Baibol Ẹdo) Version 1996

¹⁰ E Mosis keghi họn vbe avbe emwa nii gui ẹzọ uwu unu vbehe ne iran na ya otu otu sikoko ye onurho ne a la la Owa Ukpọn iran. Ohu iran keghi mu e Nọyaẹnmwa. Ẹko keghi balọ e Mosis,

Nọmbas 11:10 Iomraidhean Croise

Psalm 106:25

Iran keghi tota ye owa ukpọn iran gha zuyọn iran ma zẹ ye Nọyaẹnmwa ẹre.

Psalm 139:21

Nọyaẹnmwa, u miẹn vbe ohu iran ne ẹ i ho ẹmwẹ ruẹn mu mwẹ hẹ! U miẹn vbe iran ni sọtẹ ghe ruẹ sọnnọ mwẹ hẹ!

Psalm 78:21

Rhunmwuda ọnii, ohu keghi mu e Nọyaẹnmwa, vbe ọ họn ẹmwẹ ne iran ta, ọ keghi ya erhẹn gu emwa irẹn gbinna, ohu iran keghi kakabọ mu ẹẹn.

Psalm 78:59

Ohu mu Osanobua vbe ọ miẹn emwi na ọ na rhunmwuda ọnii he emwa rẹn fẹẹrẹ.

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Jerimaia 17:4

Wa gha vbe zobọ vbe otọe ne I te mu ne uwa, I ghi vbe ru ẹe ne uwa ya ga avbe eghian vbe otọe ne uwa ma rẹn emwi rhọkpa vbe ekpa ẹre rhunmwuda te ohu mwẹ ye vbe erhẹn, ọ gha vbe gha yọn rhinrin ẹdẹdẹmwẹdẹ.”

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 11:11

ọ keghi tama e Nọyaẹnmwa wẹẹ, “Vbu a na ru mwẹ khọ vbenian hẹ yi? De emwi ne ohu mwẹ mu ẹẹn yi? Vbọzẹ ne u na ka iran na yọ mwẹ obọ?

Nọmbas 12:3

(E Mosis keghi re ọmwa ne ọ mu egbe rriotọ sẹ emwa hia ni rre agbọn na.)

Nọmbas 12:9

Ohu iran keghi mu e Nọyaẹnmwa vbe ọ kpa hin ehe ne iran ye rre.

Nọmbas 16:27

Rhunmwuda ọnii, iran keghi kpao hin ehe ne owa ukpọn e Kora, Datan kevbe Abiram ye rre. E Datan kevbe Abiram keghi ladian do mudia ye onurho owa ukpọn iran, iran kevbe amwẹ iran kevbe ivbi iran.

Nọmbas 21:5

Iran kegha filo unu gie Osanobua kevbe Mosis, iran kegha gui ẹzọ uwu unu wẹẹ, “Vbọzẹ ne uwa na viọ ima ke Igipt gha die uwu ato yi ne ima do wulo vbe ehe ne evbare i ye, amẹ i rrọ. Ẹtin ima ghi sẹ ẹmwẹ evbare oya na ọvbehe.”

Iyẹn ne ọ Maan Ọghe Mak 10:14

Ugbẹn vbe Jesu ghi miẹn ọẹn, ohu mu ẹn ọ keghi tama avbe erhuanegbe ẹre wẹẹ, “Wa gie avbe emọ nii bu mwẹ gha dee wa ghẹ da iran yi, rhunmwuda emwa vbe nian ọre ọ yan Arriọba Osanobua.

Iyẹn ne ọ Maan Ọghe Mak 3:5

Ohu keghi mu Jesu vbe ọ wa ghe iran lẹga sokpan ọ keghi vbe dae ẹsẹse ne iran rhunmwuda iran ba odẹ ku, iran keghi vbe ze vbe ẹkoko udu rhunmwuda ọnii rẹn tama ọmwa ne obọ ọre sikuẹn ni wẹ, “Niẹn obọ ua.” Rẹn keghi nien rẹn, ọ na do gha maa.

Diuteronomi 32:22

Ohu mwẹ gha ba ghe odukhunmwu vbe erhẹn ọ ghi giẹn emwi hia ni rre agbọn uan. Ọ ghi sẹ agbọn ne ọ rre uwu otọ, ọ ghi giẹn inian ọghe avbe oke ua.