Nọmbas 10:9 - Edo Bible (E Baibol Ẹdo) Version 1996

⁹ Wa gha khọn vbe otọ uwa, ọnii nọ we vbe uwa a gha gu emwa ni mu okuo gie uwa khọn, wa ghi ye avbe okpe na kpe okpe orhu okuo Mẹ ne Nọyaẹnmwa Osanobua rua gha yi uwa obọ, I ghi miẹn uwa fan vbe obọ eghian uwa.

Nọmbas 10:9 Iomraidhean Croise

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

II Krọnikol 13:12

Osanobua tobọ ẹre ọrọre ọkaolotu mwa, avbe ohẹn irẹn rre emwa na, iran viọ okpe mwẹ iran wa mu egbe ne iran kpe ẹre vbe ẹghẹ ne ọ rhirhi gha khin ne iran ya tie ima gha die okuo ne a ra gu uwa khọn. Izrẹl, wa ghẹ gu e Nọyaẹnmwa ne Osanobua avbe erha uwa odede gbinna. Obọ uwa i sẹtin ke okhunmwu.”

II Krọnikol 13:14

Ivbi e Juda ghi ghe ighẹ a gha ga iran, iran ghi na datu tie Nọyaẹnmwa nọ iyobọ, avbe ohẹn keghi kpe okpe.

Psalm 106:4

Nọyaẹnmwa, u gha ye emwa ruẹn obọ, u gha miẹn iran fan, u ghi rhie mwẹ ba ẹre Nọyaẹnmwa.

Psalm 106:42

Avbe eghian iran zẹ iran kpokpo, iran keghi wa viọ obọ yan iran uhunmwu fẹẹrẹ.

Psalm 136:23

Ọ ma mianmian mwa vbe a khọn miẹn ima otọ, etẹbitẹ ọ re ahoẹmwọmwa rẹn khin.

Aizaia 18:3

Wa danmwehọ, emwa hia ni rre otọ agbọn na! Wa gualọ afiala ama ya mu ba ye avbe uhunmwu oke, wa ghi danmwehọ okpe ne ọ tu.

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Jerimaia 4:19

Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 4:21

Inu ẹghẹ I ra ghe okuo ne ọ khọn ni la vbotọ ne I vbe gha họn ulamwẹ okpe?

Jerimaia 4:5

Wa si orhu la otọe nii hia! Wa kporhu ne ọ la ke ne ọ gia họn! Wa tama ivbi e Juda kevbe ivbi e Jerusalẹm ne iran lẹ gha rrie ẹvbo ne a gbe odin gaa.

Jerimaia 49:2

“Sokpan, ẹghẹ dee ne I gha na gie iran ni rre Raba ne igiogbẹ họn ẹmwẹ okuo, a ghi ya ehia khian itowa, a ghi vbe giẹn avbe igue ẹre hia sotọ. Izrẹl ghi mu otọ ẹre werriegbe vbe obọ iran ni te miẹn ẹre re.

Jerimaia 6:1

Uvbi e Bẹnjamin, wa lẹ ne uwa rhie uhunmwu hin ẹbe rre! Wa lẹ ladian vbe Jerusalẹm! Wa kpe okpe vbe Tẹkoa, ne uwa hie erhẹn orhiema ye Bẹt-Hake-rẹm, ọkhọ kevbe omurhia ra ke odẹ okuọ gha dee.

Jerimaia 6:17

Ẹre Nọyaẹnmwa na zẹ avbe abodẹ ne iran gha ra ehọ vbene okpe ne a kpe kha hẹ.” Sokpan iran keghi kha wẹẹ, “Ma i ra ehọ emwi rhọkpa.”

Ezikiẹl 7:14

Okpe tu, agbọn wa vbe mu egbe, sokpan a i miẹn ne ọ gha yo okuo rhunmwuda obọ Osanobua vba emwa hia vbe abọ okpa nii.

Hozia 5:8

Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Zẹfanaia 1:16

Ẹdẹ ne ọ vuọn ne owogho okpe okuo, kevbe uvannọmwẹ okuo ọghe ivbiyokuo ni dekun ẹvbo ne a gbe odin gaa kevbe avbe owa ọkhẹ ni yo.

Nọmbas 31:6

E Mosis keghi gie iran gha rrie okuo, ọ na gie Finihaz ne ovbi Eliaza ohẹn ke odaro ne ọ gha wa iran ye okuo, kevbe ne ọ viọ avbe emwi iruemwi ni huanrẹn mwẹ deba a vbe okpe ne a ya gue egbe guan.

I Kọrinti 14:8

Adeghẹ ọmwa ne ọ si orhu ma si ẹe ẹse de ọmwa ne ọ gha mu egbe okuo?

Diuteronomi 20:1

“De ghẹ wa yo okuo, ne uwa ya gu eghian uwa gbinna wa na miẹn ikẹkẹ okuo kevbe ẹsin kevbe ivbiyokuo ni bun sẹ ọghe uwa, wa ghẹ gie ohan iran mu uwa. E Nọyaẹnmwa Osanobua rua ne ọ viọ uwa ke Igipt ladian, gha rrọ yaba uwa.

Jọsua 6:5

“Ẹghẹ nii, iran ghi si ẹe uhukpa ne ọ kpẹe vbe otọ. Wa gha wa họn ọnii, emwa nii hia ghi wa davan, ekẹn ne a gbe lẹga ẹvbo nii gha wa de wiẹghẹ ye otọ. Dọmwadẹ ọghọe ghi wa khian ghe odaro la ore ẹvbo nii.”

Giọgis 10:12

e Saidọn, Amẹlẹk kevbe ivbi e Moan na ọ gha a zẹ uwa kpokpo vbe ẹghẹ ne ọ gberra, wa keghi datie mwẹ. I ma miẹn uwa fan vbe obọ iran ra?

Giọgis 10:8

Vbe ukpo, eva irrọ vbugie, iran keghi siẹn yan ivbi Izrẹl ginna otọ, iran na gha zẹ iran kpokpo ighẹ ivbi Izrẹl ni rre Amọri, odẹ ahọ ọghe Ẹzẹ Jọdan vbe Giliad.

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.

Giọgis 3:27

Ọ ghi sẹ evba, ọ keghi kpe okpe vbe uhunmwu oke Ifreim ne ọ ya tie ivbi Izrẹl gha die okuo, ọ na ke uhunmwu oke ke odaro ne iran.

Giọgis 6:34

Orhiọn e Nọyaẹnmwa keghi hin yan Gidiọn, ọ keghi si orhu ya tie emwa ẹwae Abiẹzẹ wẹ ne iran lele irẹn.

Giọgis 6:9

I miẹn uwa fan hin obọ ivbi Igipt rre kevbe hin obọ iran ni gu uwa gbinna rre. I kegha khulo iran ladian vbene uwa ya nana sikẹ odaro, I na mu otọ iran ne uwa.

I Samuẹl 10:18

Ọ keghi tama iran wẹẹ, “E Nọyaẹnmwa ne Osanobua Izrẹl khare wẹẹ, ‘Mẹ ọ re ọ viọ uwa ke Igipt ladian, I keghi miẹn uwa fan vbe obọ ivbi Igipt kevbe avbe emwa ọvbehe hia ni gha kpokpo uwa.