Nọmbas 10:12 - Edo Bible (E Baibol Ẹdo) Version 1996

¹² Ọre ivbi Izrẹl na deyan okhian iran, ne iran ya kpao vbe Oke Sainai rre. Okuku ni keghi do yakọ vbe ẹgbo ọghe Paran.

Nọmbas 10:12 Iomraidhean Croise

Gẹnẹsis 14:6

Ke Horit ne ọ rre uhunmwu oke ọghe Idọm rhinrin yasẹ Elparan ne ọ rre vbe a ra la ato fo.

Gẹnẹsis 21:21

Iyẹe keghi ya rhie okhuo ke Igipt giẹe.

I Ọba 11:18

E Midian iran ke kpao, iran na gha rrie Paran, emwa ọvbehe eso keghi vbe deba iran vbe evba, ẹre iran ghi na gha rrie Igipt. Iran keghi bu ọba gha khian, ọnii na mu otọe eso ne Hadad, deba owa ọkpa ọ na vbe gha rhie evbare ne ẹẹn.

Ẹksọdọs 13:20

Ivbi Izrẹl keghi kpao vbe Sukọt, iran na ya yakọ vbe Etem vbe Ọkpẹn ato.

Habakọk 3:3

Osanobua dọlegbe ke Idọm dee, Osanobua ke oke Paran nọhuanrẹn dee. Ose ẹre gba ẹrinmwi fo, agbọn kevbe vuọn ne urhomwẹ ọnrẹn.

Nọmbas 1:1

Vbe ikpẹdẹ ne okaro ọghe uki ne ogieva vbe ivbi Izrẹl kpao vbe Igipt rre nẹ, e Nọyaẹnmwa keghi gu e Mosis guan vbe uwu Owa Ukpọn Ile vbe ato ọghe Sainai. Ọ wẹẹ,

Nọmbas 10:33

Ugbẹn vbe emwa nii ghi sii kpao vbe Sainai ne oke ne ọ huanrẹn, iran keghi khian okhian ikpẹdẹ eha, Ẹkpẹti Ile ọghe Nọyaẹnmwa keghi kodaro ne iran ne ọ gualọ ehe ne iran gha bu agọ yi ne iran.

Nọmbas 12:16

Ẹre iran na kpao vbe Hazẹrot ya gbe agọ ye Paran.

Nọmbas 13:26

e Mosis, Errọn kevbe ivbi Izrẹl hia gha die Kedẹs vbe ẹgbo Paran. Iran keghi na iyẹn emwi ne iran miẹn, iran na vbe mu ọmọ erhan ne iran viọ rre ma iran.

Nọmbas 13:3

E Mosis keghi ru vberriọ ọ na ke ẹgbo Paran gie avbe ọkaolotu na gha khian: Ẹwae Ọkaolotu Ẹwae Riubẹn e Siamua ne ovbi Zakọ E Simiọn e Siafat ne ovbi e Hori E Juda e Kelẹb ne ovbi e Jefunẹ Isaaka Igal ne ovbi e Josẹf Ifreim e Hosia ne ovbi e Nọn E Bẹnjamin e Palti ne ovbi e Rafa E Zebulọn e Gadiẹl ne ovbi e Sodi E Manasẹ e Gadi ne ovbi e Susi E Dan Amiẹl ne ovbi e Gemani Asia e Setọ ne ovbi e Maikẹl Naftali e Nabi ne ovbi e Vopsi E Gad e Gẹuẹl ne ovbi e Makai

Nọmbas 2:34

Ivbi Izrẹl keghi ru emwi hia ne Nọyaẹnmwa tama e Mosis. Iran kegha bu agọ dọmwadẹ ọghe ọe vbe ototọ asa ọghe ọe, iran kegha khian dọmwadẹ ọghe ọe ke ẹe kevbe ẹwae ọghe ọe.

Nọmbas 9:1

Vbe uki ne okaro ọghe ukpo ne ogieva ne ivbi Izrẹl kpao vbe Igipt rre, e Nọyaẹnmwa keghi gu e Mosis guan vbe Ato Sainai. Ọ wẹẹ,

Nọmbas 9:17

Ẹghẹikẹghẹ ne okuku nii ya kpao vbe ehe ne ọ ye rre, ivbi Izrẹl ghi mu agọ iran kpao, ẹghẹikẹghẹ ne ọ vbe ya tuorre, iran ghi vbe bu agọ iran.

Nọmbas 9:5

Iran keghi gele ru ẹe vbe uwu ato Sainai, vbe ota ikpẹdẹ ne ogiwenẹ ọghe ukpo ne okaro. Emwa nii keghi ru emwi hia zẹ vbene Nọyaẹnmwa tama e Mosis.

Diuteronomi 1:1

Ẹmwẹ ni rre ebe na keghi re avbe ẹmwẹ ne Mosis gu ivbi Izrẹl guan ẹkpo ne iran na gha rre otọ ẹgbo vbe odẹ ahọ ọghe Ẹzẹ Jọdan. Iran kegha rre Iya ọghe Jọdan vbe ọkpẹn Suf, ẹvbo ne a tie ẹre Paran kegha rre iran obọ ọkpa, avbe ẹvbo ne a tie ẹre Tofẹl, Leban, Hazẹrot kevbe Dizahab kegha rre iran obọ nọkpa.

Diuteronomi 1:19

“Ma keghi ru zẹ vbene Nọyaẹnmwa gie. Ma si kẹ oke Sainai kpao, ma na la ato nọkhua ne ọ mu ohan ne ọ rre odẹ ne a la ye ẹvbo oke emwa Amọri. Ma ghi sẹ Kedẹs Bania,

Diuteronomi 1:7

Wa kuọ agọ uwa sẹ otọ, ne uwa si okhian sikẹ odaro. Wa gha rrie ẹvbo ni rre uhunmwu oke ọghe Amọri kevbe avbe ehe ne avbe ẹdogbo iran hia ye vbe odẹ iya Jọdan, odẹ ẹvbo uhunmwu oke kevbe ẹvbo ni rre ugboghodo, ghe odẹ ẹvbo ni rre odẹ ekẹn kevbe eghute Meditẹrrenian. Wa gha rrie otọe Kenan kevbe gberra Oke Lebanọn, rhinrin yasẹ Ẹzẹ nọkhua ighẹ Yufretes.

Diuteronomi 33:2

E Nọyaẹnmwa ke Oke Sainai gha dee, ọ keghi yan rre vbe owẹn yan Idọm, ọ keghi ke uhunmwu Oke Paran yunmwu yan emwa ẹnrẹn, Odibo Osa arriaisẹn igbe keghi deba ẹre erhẹn ne ọ baa kegha rre obọ erha ọmwa ẹnrẹn.

I Samuẹl 25:1

E Samuẹl keghi wu, ọre ivbi Izrẹl hia na si koko, iran na do khiẹ ọre. Iran na ghi re ẹre ye Rama ne ẹvbo ẹre. Vbe iyeke ọnọna, e Devid keghi kpao, ọ na gha rrie ẹgbo ọghe Paran.