Nọmbas 10:10 - Edo Bible (E Baibol Ẹdo) Version 1996

¹⁰ Erriọ vbe nọ vbe ẹghẹ iku ọyẹnmwẹ, ẹghẹ Emwiukpo Uki Ọgbọn, kevbe emwiukpo ugamwẹ ọvbehe hia, wa gha viọ ese na giẹn uan ọghe uwa rre, kevbe ọghe isara, wa ghi kpe okpe na. Ẹghẹ nii, I gha yi uwa obọ. Mẹ ọ re Nọyaẹnmwa Osanobua rua.”

Nọmbas 10:10 Iomraidhean Croise

II Ọba 4:23

Ọdafẹn ọnrẹn keghi nọ rẹn wẹẹ, “Vbọzẹ ne u na ho ne u gha khian ẹrẹna yi, ẹ i re ẹdẹ ikẹtin ra Emwiukpo Uki Ọgbọn.” Okhuo nii keghi kha wẹẹ, “Ọnii wa maa.”

I Krọnikol 15:28

Ẹre ivbi Izrẹl hia na lele Ẹkpẹti Ile gha die Jerusalẹm deba uwemwẹ oghọghọ, kevbe urhu okpe, ẹkperẹ kevbe ukusẹ deba urhu akpata.

I Krọnikol 16:42

E Heman kevbe Jedutun ọ re ọ vbe gha gbearoghe avbe okpe kevbe isẹ kevbe emwi ne a kpe ọvbehe ni dekẹ hia ne a kpee vbe a gha so ihuan urhomwẹ. Ivbi uniẹn Jedutun ọ re ọ gha gbe aro ghe avbe onurho.

II Krọnikol 29:26

egbe ne Devid ne Ọba vbe lo. Avbe ohẹn keghi vbe viọ okpe mwẹ obọ, iran na vbe mudia ye evba.

II Krọnikol 29:28

Emwa hia ni rre keghi deba iran vbe ugamwẹ nii kevbe ihuan ne a so, a kegha kpe emwi iku nii khian a te do giẹn emwi izọese fo, iyeke ọnii,

II Krọnikol 7:6

Avbe ohẹn keghi mudia ye ehe ne a mwamwa ye otọ khẹ iran, avbe Livai keghi mudia viọ aro da iran, iran kegha ye emwi iku kevbe ihuan ne Devid viọ ye otọ gha rho e Nọyaẹnmwa, Iran kevbe gha so ihuan na, “Itohan rẹn i mwẹ ọfo!” zẹ vbe ne Devid ma iran re. Avbe ohẹn kegha kpe okpe vbene emwa nekpa hia na mudia.

Ẹzra 3:10

Ugbẹn vbe iran ghi suẹn gha gbe ẹyotọ Ọgua Osa nii, avbe ohẹn ni viọ ẹwu iran yọ keghi viọ okpe, iran na mudia ye ihẹ iran, avbe Livai ne ivbi uniẹn Asaf kevbe viọ ukusẹ, iran na mudia ye evba. Iran keghi rho e Nọyaẹnmwa zẹ vbene a mwamwa ẹẹn ye otọ ke ẹghẹ e Devid ne ọba gha dee.

Psalm 150:3

Wa ya okpe rho ẹre, wa ye akpata kevbe ẹrere rho ẹre.

Psalm 81:3

Wa kpe okpe ye emwiukpo nii, vbe uki a da hin kevbe uki a ko urro.

Psalm 81:4

Uhi ẹre ọna khin vbe Izrẹl, iyi ne Osanobua e Jekọb yi.

Psalm 89:15

Ọmakin iran ni so ihuan ya rho ruẹ iran ni rrọ vbe uwu uwanmwẹ itohan ruẹn.

Ẹksọdọs 28:29

“Errọn gha la uwu ehe ne ọ Huanrẹn nii, ọ ghi gbẹnnẹ eni ivbi Izrẹl ye uhanhan ukpọn ẹwẹe ne imẹ ne Nọyaẹnmwa miẹn ehe na gha ye iran ne emwa mwẹ rre vbe ẹghẹ hia.

Ẹksọdọs 30:16

U ghi miẹn ivbi Izrẹl igho na, ne u gha lo ẹre ye iwinna ne a winna vbe Owa Ukpọn ne a ya rẹn ighẹ I rre evba. Ọna ghi gha ya mwẹ ye ẹmwẹ ivbi Izrẹl rre, ọ ghi gha re igho ne uwa ha ye uhunmwu uwa.”

Aizaia 27:13

Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.

Nọmbas 10:9

Wa gha khọn vbe otọ uwa, ọnii nọ we vbe uwa a gha gu emwa ni mu okuo gie uwa khọn, wa ghi ye avbe okpe na kpe okpe orhu okuo Mẹ ne Nọyaẹnmwa Osanobua rua gha yi uwa obọ, I ghi miẹn uwa fan vbe obọ eghian uwa.

Nọmbas 28:11

Wa ghi gha zọhẹ na giẹn uan gie Nọyaẹnmwa vbe omuhẹn uki hia, ena ọre ivbi ẹkhuia ẹmila eva, ogho ọkpa, ivbi ogho ni he rre ukpo ọkpa ihinrọn, e hia ghi gha re ne ẹ i mwẹ okan.

Nọmbas 29:1

Vbe ikpẹdẹ ne okaro ọghe uki ne ogihinrọn, wa ghi si egbe koko ne uwa ru ugamwẹ, a ghẹ vbe winna iwinna rhọkpa. A ghi kpe okpe vbe ẹdẹ nẹdẹrriọ.

Matiu 11:28

“Wa bu mwẹ gha dee, wa hia ne ihẹ nọkhua ne ọ mu wọ ẹre egbe, I gha rhie ikẹtin ne uwa.

Iwinna 10:4

Rẹn keghi tọn aro ye odibosa ni egbe rhunmwuda ighẹ ohan mu ẹn, ọ wẹẹ, “Vbe ọ khin nọwanrẹn?” Odibosa nii wanniẹn wẹẹ, “Osanobua rhan obọ miẹn erhunmwu kevbe iwinna itohan ruẹn nẹ, ọ kevbe ye ruẹ rre.

I Kọrinti 15:52

Ẹgiẹgiẹ, vbe ifua aro ọkpa, ẹghẹ ne okpe ne okiekie gha na tu. Rhunmwuda, ọ gha ghi tu, a ghi huẹn iran ni wulo nẹ kpaegbe do gha re emwa ne ẹ i ghi wu ẹdẹ, a ghi vbe fi ima hia werriẹ.

I Tẹsalonaika 4:16

A gha họn urhu ne ọ gha datu, urhu ne ọ gha ta emwi ne a gha ru, urhu olotu avbe odibosa, urhu okpe ọghe Osanobua ẹghẹ nii, e Nọyaẹnmwa tobọ ẹre ghi tuorre ke ẹrinmwi gha dee. Iran ni ya Kristi yi vbe ẹghẹ ne iran na wulo, a ghi ka huẹn iran kpaegbe nẹ,

I Tẹsalonaika 4:18

Rhunmwuda ọnii, wa ye avbe ẹmwẹ na gha fu egbe ẹko rre.

Jọsua 4:7

Wa ghi tama iran wẹ ẹghẹ ne Ẹkpẹti Ile ọghe Nọyaẹnmwa na fian Ẹzẹ Jọdan rra, amẹ ọnrẹn keghi dobọ ulẹmwẹ yi. Avbe okuta na ghi gha re ama ayere ne ivbi Izrẹl ẹdẹdẹmwẹdẹ.”

Jọsua 6:4

Avbe ohẹn ihinrọn ne ọkpọkpa vbọ mu orhu mwẹ obọ, ghi ke odaro ne Ẹkpẹti Ile ọghe Nọyaẹnmwa. Vbe ikpẹdẹ ne ogihinrọn ke uwa kevbe ivbiyokuo ruẹ ghi khian lẹga ẹvbo nii igba ihinrọn, avbe ohẹn ghi gha si orhu nii khian.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.

I Samuẹl 20:5

E Devid keghi wanniẹn wẹẹ, “Akhuẹ ne ọ re emwiukpo Uki ọgbọn, te ọ kere ne I gu ọba rri evbare. Sokpan, a deghẹ u kue yọ vberriọ, I gha ya lẹre ye uwu oha ọ te ya sẹ ẹghẹ ota ne irakhuẹ.