Nọmbas 1:54 - Edo Bible (E Baibol Ẹdo) Version 1996

⁵⁴ Ivbi Izrẹl keghi ru emwi hia ne Nọyaẹnmwa tama e Mosis.

Nọmbas 1:54 Iomraidhean Croise

Ẹksọdọs 12:28

Ivbi Izrẹl kegha khian ya ru zẹ vbene a khare. Iran keghi ru zẹ vbene Nọyaẹnmwa tama e Mosis kevbe Errọn.

Ẹksọdọs 39:32

A keghi winna iwinna hia ni rre Owa Ukpọn e Nọyaẹnmwa fo. Ivbi Izrẹl keghi wa winna ehia zẹ vbene Nọyaẹnmwa tama e Mosis.

Ẹksọdọs 39:43

E Mosis keghi ghe emwi hia ne iran ru ghe, ọ keghi miẹn wẹ zẹ vbene Nọyaẹnmwa khare ọre iran wa ru ehia. E Mosis keghi na erhunmwu ne iran.

Ẹksọdọs 40:16

E Mosis keghi ru emwi hia zẹ vbene Nọyaẹnmwa wẹ ne ọ ru ẹe.

Ẹksọdọs 40:32

Iran gha la Owa Ukpọn ra te iran ra gha rrie aka, iran ghi khuẹ zẹ vbene Nọyaẹnmwa tama e Mosis.

Nọmbas 1:19

Zẹ vbene Nọyaẹnmwa khare. A ghi sẹ Ato Sainai, e Mosis keghi gbẹnnẹ eni emwa nii hia ye ebe.

Nọmbas 1:53

Sokpan avbe Livai ghi bu agọ lẹga Owa Ukpọn Ile ne iran gha gbe aro ghe ẹre, ne ọmwa rhọkpa ghẹ ya sikẹ ọre, ne ohu ghẹ ya mu mwẹ fi Izrẹl emwi.”

Nọmbas 2:1

E Nọyaẹnmwa keghi ru igiodẹ na ma e Mosis kevbe Errọn wẹẹ,

Nọmbas 2:34

Ivbi Izrẹl keghi ru emwi hia ne Nọyaẹnmwa tama e Mosis. Iran kegha bu agọ dọmwadẹ ọghe ọe vbe ototọ asa ọghe ọe, iran kegha khian dọmwadẹ ọghe ọe ke ẹe kevbe ẹwae ọghe ọe.

Nọmbas 36:10

Ẹre Mala, Taza, Hogla, Milka kevbe Noa ne ivbi Zẹlofehad ni ikhuo na ru zẹ vbene Nọyaẹnmwa tama e Mosis, iran rọnmwẹ avbe emwa ne iran gba re eyeyẹ.

Nọmbas 8:20

Ẹre Mosis, Errọn ke ẹe kevbe emwa Izrẹl hia ghi na ye avbe Livai fi ohan zẹ vbe ne Nọyaẹnmwa tama e Mosis.

Nọmbas 9:22

Ọre ikpẹdẹ eva nọ, ra uki ọkpa ra ukpo hoho, okuku nii gha ye mudia yan agọ nii, iran i si kpao, ọ gha kpao, iran ghi si okhian.

Nọmbas 9:5

Iran keghi gele ru ẹe vbe uwu ato Sainai, vbe ota ikpẹdẹ ne ogiwenẹ ọghe ukpo ne okaro. Emwa nii keghi ru emwi hia zẹ vbene Nọyaẹnmwa tama e Mosis.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Diuteronomi 12:32

“Wa ru emwi hia ne I tama uwa ne uwa ru, wa ghẹ fian yọ, wa ghẹ fian hin.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.