Nọmbas 1:4 - Edo Bible (E Baibol Ẹdo) Version 1996

⁴ U ghi zẹlẹ ọka ẹvbo ọkpọkpa vbe uwu avbe ẹwae ni ne iran yuẹ obọ.”

Nọmbas 1:4 Iomraidhean Croise

I Ọba 8:1

E Solomọn ne ọba keghi gie ne a tie avbe ọkaolotu Izrẹl, ọka ẹgbẹe avbe uniẹn kevbe ẹwae, ne iran bu irẹn gha die Jerusalẹm, ne iran do ya mu Ẹkpẹti Ile e Nọyaẹnmwa ke Zaiọn ne ẹvbo e Devid gha die Ọgua Osa.

Ẹksọdọs 18:21

Sokpan, deba ọnii, zẹlẹ emwa nii sẹ vbe uwu iran, ne u ya iran ru ekaolotu emwa na ẹ ọkaolotu arriaisẹn, iyisẹn, ekigbesiyeha kevbe igbe. Ọ kere ne iran gha re emwa nii muohan Osanobua kevbe ne ọ gie a mu ẹtin yan, kevbe ne a i sẹtin rhie oko odieke na.

Ẹksọdọs 18:25

Ọ keghi hannọ emwa nii sẹ ẹe vbe ivbi Izrẹl hia, ọ na ya iran ru ọkaolotu yan iran, ọkaolotu arriaisẹn, iyisẹn, ekigbesiyeha kevbe igbe.

Nọmbas 17:3

U ghi gbẹn eni Errọn ye ọkpọ ọghe ivbi e Livai. Dọmwadẹ ọkaolotu ẹwae ghi gha mwẹ ọkpọ ọkpọkpa.

Nọmbas 25:14

Eni ovbi Izrẹl ne a gbe ba okhuo e Midian nii keghi re Zimri ne ovbi Salu, ọmwa ne ọ wa vbe re ọdiọn ẹgbẹe ọkpa vbe ẹwae Simiọn.

Nọmbas 25:4

Ọ na tama e Mosis wẹẹ, “Viọ avbe ekaolotu ivbi Izrẹl, ne u sirra emwa hia zẹlẹ iran uhunmwu kua, vbe ogiavan ogioghogho zẹ vbene I khare ẹghẹ nii ohu avbe emwa nii i ghi ra mu mwẹ.”

Nọmbas 30:1

E Mosis keghi ru igiodẹ na ne avbe ekaolotu avbe ẹwae Izrẹl.

Nọmbas 4:34

E Mosis, Errọn kevbe avbe olotu emwa Izrẹl keghi ka ẹwae avbe Livai eheha, e Kohat, e Gẹsiọn kevbe Merari vbe ẹgbẹe ọkpọkpa, zẹ vbene Nọyaẹnmwa tama iran, ọ keghi gbẹnnẹ eni ikpia ni rre ukpo ọgban ya sẹ ekigbe siyeha, emwa ni kere ni gha winna vbe Owa Ukpọn Ile, vbe nian: Ikpẹdẹ Ẹwae E Kohat ekigbesiyeha irrọvbe uri enẹ yan arriaisẹn eva (2,750) E Gẹsiọn ọgban yan uri eha yan arriaisẹn eva (2,630) E Marari uri yan arriaisẹn eha (3,200). Ehia kegha re ugie-irrọvbe arria eha ya arriaisẹn erẹnrẹn (8,580)

Nọmbas 7:2

Ẹre iran ni re ọka ẹwae, ni re olotu, vbe avbe ẹwae ni rre Izrẹl, iran ni vbe ka ẹvbo nii,

Diuteronomi 1:15

Ọre I na viọ emwa ni wan an, kevbe ni rẹn agbọn vbe uwu avbe ekaolotu uwa ne uwa zẹlẹe vbe ẹwae uwa, I na wẹ ne iran gha gbearoghe uwa. Eso kegha gbearoghe arhin arriaisẹn vbọ, eso iyisẹn, eso ekigbesiyeha, eso igbe. I keghi ye vbe zẹlẹ emwa ọvbehe eso ye ukpo vbe uwu avbe ẹwae nii hia.

Jọsua 22:14

Ekhaẹmwẹ igbe ọ re ọ lele Finihaz gha khian, orhiọnkpọkpa ke ẹwae igbe ni rre Izrẹl rre. Dọmwadẹ ọghọe vbe uwu iran kegha re okaẹgbẹe ọghe ẹgbẹe vbe ẹwae nii.