Nọmbas 1:18 - Edo Bible (E Baibol Ẹdo) Version 1996

¹⁸ Iran keghi tie emwa nii sikoko vbe ikpẹdẹ ne okaro ọghe uki ne ogieva, a keghi gbẹnnẹ eni emwa nii hia ye ebe zẹ vbe ẹwae kevbe ẹgbẹe ọghe dọmwadẹ ọghe ọe, a keghi gbẹnnẹ eni emwa ni hia ni sẹ ikpugie ra ni sẹẹ onii ye ebe, a keghi ka iran.

Nọmbas 1:18 Iomraidhean Croise

Ẹzra 2:59

Iran ni re ivbi ẹwae Delaia, Tobaia kevbe Nekoda, kegha re arriaeha vbe eva yan ekigbesiyeha (652), iran ni ke Tẹl Mela, Tẹl Hasia, e Kerub, Adan kevbe Imẹ rre, sokpan, iran ma miẹn otọ ẹre rhan wẹ ivbi Izrẹl ọre iran khin.

Nehimaia 7:61

Iran eva yan iyeva, yan arria eha (642) kegha rrọ vbe ẹwae Delaia, Tobaia, kevbe Nekoda ni ke avbe ẹvbo ne a tie ẹre Tẹl Mela, Tẹl Hasia, e Kerub, Adọn kevbe Imẹ rre, sokpan iran ma sẹtin rhan otọ ẹre fo wẹ uniẹn ivbi Izrẹl ọ re iran khin.

Ẹksọdọs 6:14

E Riubẹn ne ovbi e Jekọb ne ọdiọn biẹlẹ emọ enẹ, Hanọk, Palu, Hẹzrọn kevbe Kami, ena ọre erha odede uniẹn iran.

Nọmbas 1:1

Vbe ikpẹdẹ ne okaro ọghe uki ne ogieva vbe ivbi Izrẹl kpao vbe Igipt rre nẹ, e Nọyaẹnmwa keghi gu e Mosis guan vbe uwu Owa Ukpọn Ile vbe ato ọghe Sainai. Ọ wẹẹ,

Nọmbas 1:17

E Mosis kevbe Errọn keghi viọ iran iweva na.

Hibru 7:3

Emwi rhọkpa i rrọọ ne a gbẹn ye otọ vbe ekpa erha ra iye Mẹlkizẹdẹk ra vbe ekpa uniẹn kevbe ekhuarha ẹre, a ma rẹn vbene a ya biẹ ọe hẹ ra vbene ọ ya wu hẹ. Te irẹn yevbe Ovbi Osanobua, ọ na gha re ohẹn ẹdẹdẹmwẹdẹ.

Hibru 7:6

Mẹlkizẹdẹk i re ovbi uniẹn Livai, sẹ evba, ọ keghi miẹn Ebraham obọ ọkpa vbe uwu igbe, ọ na fiangbẹe ighẹ ọmwa ne Osanobua ve ẹre emwi.