Jọsua 9:9 - Edo Bible (E Baibol Ẹdo) Version 1996

⁹ Iran keghi ta okha egbe iran ma rẹn wẹẹ, “Evbavba, ehe ne ima kerre wa rrei ẹsẹse rhunmwuda ma họn ẹmwẹ e Nọyaẹnmwa Osanobua ruẹ. Ma họn otiti emwi ne ọ ru vbe Igipt.

Jọsua 9:9 Iomraidhean Croise

I Ọba 8:41

“A deghẹ orhunmwuyẹn ne ọ rre ẹvbo ne ọ rrei họn usi ruẹ, kevbe emwi ni kọnkọn ne u he ru ne emwa ruẹn, ọ na gha dee do ga kevbe ne ọ vbe na erhunmwu vbe Ọgua Osa na,

Nehimaia 9:5

Avbe Livai na — e Jesua, e Kadmiẹl, e Bani, e Hasiabneia, e Siẹrebia, e Hodaia, e Siebanaia kevbe Pẹtahia keghi datie emwa ne iran gha die ugamwẹ wẹẹ: “Wa kpaegbe, ne uwa rho e Nọyaẹnmwa ne Osanobua uwa, wa gie emwa hia rho eni ẹnrẹn ne ọ mwẹ uyi, a gha rhe miẹn wẹ urhomwẹ emwa nagbọn ne ọ sẹe i rrọọ.”

Psalm 148:13

Gie iran hia rho eni e Nọyaẹnmwa! Eni ẹnrẹn kpọlọ sẹ nekpa hia fẹẹrẹ; uyi ẹre yosẹ agbọn kevbe ẹrinmwi.

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Psalm 78:12

Vbe odaro evbibiẹ iran, ọ re Osanobua na winna iwinna ọyunnuan, vbe otọe ne ọ rriẹe ọghe Zoan vbe otọe Igipt.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Ẹksọdọs 15:14

Avbe okpẹvbo họn ẹn, iran keghi guọ zẹzẹzẹ ne ohan; ohan keghi mu avbe emwa Filistia.

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Aizaia 55:5

Banbanna nian, wa gha gie ne a tie avbe uhunmwu ẹvbo ọvbehe; vbe ẹghẹ ọkpa, iran ma te rẹn uwa sokpan, eban nian, iran gha ya ulẹ rre do deba uwa. Mẹ ne Nọyaẹnmwa ne Osanobua ruẹ, Osanobua nọhuanrẹn ọghe Izrẹl ọre ọ ra ru ẹe ne emwi na hia sunu. I gha rhie ọghọ kevbe uyi ne uwa.”

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Nọmbas 14:15

Banbanna nian, deghẹ u gbele emwa ruẹn hia a, avbe ẹvbo hia ni ka họn otiti ruẹ ghi kha wẹẹ,

Nọmbas 20:14

E Mosis keghi gie emwa ke Kedẹs bu ọba Idọm. Iran keghi kha wẹẹ, “Etuẹn ighẹ ẹwae Izrẹl ọ re ọ gie uhunmwu na rre wẹẹ: We rẹn usẹ ne ima he sẹ,

Iwinna 8:7

Avbe orhiọn dan kegha so ladian vbe uwu emwa ni bun, a kevbe mu arọe kevbe uke ni bun egbe rra.

Diuteronomi 20:11

Deghẹ iran kie urho iran na wẹ obọ uwa ke ukhunmwu nẹ, iran ghi do gha re eviẹn uwa ne iran gha winna ne uwa vbene a gha na ya obọ yẹn iran ẹho ru ẹe.

Diuteronomi 20:15

Erriọ wa khian gha ru avbe ẹvbo ni khian rrei vbe otọe ne uwa khian yin.

Jọsua 9:10

Kevbe emwi ne ọ ru avbe ọba Amọri eveva ni rre odẹ ahọ e Jọdan re: Saihọn ne ọba Hesbọn kevbe Ọg ne ọba Basian ne ọ rre Astarrọt.

Jọsua 9:16

Ọ ghi rre ikpẹdẹ eha ne iran ghi gba ke ọta na, ivbi Izrẹl keghi do rẹn wẹ ehe ne emwa nii ye ẹ i rre vbe evba.

Jọsua 9:17

Ẹre ivbi Izrẹl na si okhian, vbe ẹdẹ ne ogieha, iran keghi sẹ ẹvbo ne avbe emwa nii ye: Gibiọn, Kiefira, Biirot kevbe kirriat Gierim.

Jọsua 9:24

Iran keghi wanniẹn wẹẹ, “Emwi ne ọ ya ima ru ẹe enọwanrẹn ọrọre wẹ ma họn ẹn wẹ emwata nọ, wẹ te Nọyaẹnmwa Osanobua ruẹ tama Mosis ne ọguọmwadia ẹre, ne ọ mu otọe nii hia ne uwa, kevbe wẹ ne uwa gha gbele emwa ni rrọọ khian, vbe ne uwa ya nana sikẹ odaro. Te ima ru ẹe rhunmwuda ohan uwa wa kakabọ gha mu ima, ohan uhunmwu ima ọ re ọ gha to ima.