Jọsua 9:8 - Edo Bible (E Baibol Ẹdo) Version 1996

⁸ Iran keghi tama e Jọsua wẹẹ, “Ghe ima ne u ya ru ene ọ khọn ruẹn.” Jọsua keghi nọ iran wẹẹ, “De emwa ne uwa khin yi? De ehe ne uwa ke rre?”

Jọsua 9:8 Iomraidhean Croise

II Ọba 10:5

Rhunmwuda ọnii, iran ni gbe aro ghe ẹguae, kevbe iran ni gbearoghe ore ẹvbo kevbe avbe ekamakodin ẹvbo nii, kevbe iran ni gbe aro ghe iran, keghi gie ne a tama e Jehu wẹẹ, “Eguọmwadia ruẹ ma khin, ma vbe mu egbe ne ima ya ru emwi ne u a rhirhi wẹ ne ima ru. Sokpan, ma i ma ọmwaikọmwa ọba; ru emwi ne uwẹ ghi rẹn ighẹ ọ ke sẹẹ.”

Diuteronomi 20:11

Deghẹ iran kie urho iran na wẹ obọ uwa ke ukhunmwu nẹ, iran ghi do gha re eviẹn uwa ne iran gha winna ne uwa vbene a gha na ya obọ yẹn iran ẹho ru ẹe.

Jọsua 10:6

Ivbi e Gibiọn keghi gie emwa bu e Jọsua vbe agọ vbe Gilgal wẹẹ, “Ghẹ fi iyeke gbe ima enọwanrẹn! Zẹgiẹgiẹ gha dee do yi ma obọ! Miẹn ima fan! Avbe ọba Amọri hia ni rre ẹvbo odẹ uhunmwu oke wa kugbe mu aro igbinna da ima!”

Jọsua 9:11

Avbe ọkaolotu ima kevbe emwa hia ni rre otọe ima keghi tama ima wẹẹ, ‘Wa viọ evbare okhian mwẹ, wa bu emwa na gha khian ya tama iran wẹẹ, “Ghe ima ne u ya ru ene ọ khọn ruẹn, lahọ gie ima vẹn ihẹn ne egbe.” ’

Jọsua 9:23

Osanobua bu abe gbe uwa nẹ ye emwi ne uwa ru na. Eviẹn ọ re uwa ra gha khin ẹdẹdẹmwẹdẹ ne uwa gha rhọ erhan kevbe ne uwa vbe gha sa amẹ ye ehe ne ọ huanrẹn ọghe Osanobua mwẹ.”

Jọsua 9:25

Banbanna nian, atataobọ ruẹ ọ re ima ghi ye, emwi ne ọ ghi khọn ruẹn, ye ima ru.”

Jọsua 9:27

Sokpan, vbe uwu ẹre nii, ọ keghi ya iran ru ni rhọ erhan kevbe ni sa amẹ ne ivbi Izrẹl kevbe aka ọghe Nọyaẹnmwa. Erriọ iran ye ru ẹe do sẹ ẹdẹ nẹrẹ na. Iran ghi gha winna vbe ehe ne e Nọyaẹnmwa a rhirhi wẹ ne a na gha ga irẹn.