Jọsua 9:6 - Edo Bible (E Baibol Ẹdo) Version 1996

⁶ Iran na bu e Jọsua gha rrie agọ e Gilgal, iran keghi tama rẹn kevbe ivbi Izrẹl wẹẹ, “Ẹvbo ne ọ rrei gban-an ọre ima ke dee. Gie ima kevbe uwa vẹn ihẹn ne egbe.”

Jọsua 9:6 Iomraidhean Croise

I Ọba 8:41

“A deghẹ orhunmwuyẹn ne ọ rre ẹvbo ne ọ rrei họn usi ruẹ, kevbe emwi ni kọnkọn ne u he ru ne emwa ruẹn, ọ na gha dee do ga kevbe ne ọ vbe na erhunmwu vbe Ọgua Osa na,

II Ọba 20:14

Ẹre Aizaia ne akhasẹ na bu e Hẹzekaia ne ọba gha khian, ọ nọ rẹn wẹẹ, “De ehe ne avbe emwa na ke rre, vbe iran tama ruẹn?” E Hẹzekaia keghi wanniẹn “Ehe ne ọ rrei ẹsẹse ọ re iran ke rre, e Babilọn ọ re iran kegha dee.”

Jọsua 10:43

Vbe iyeke ọ na, e Jọsua kevbe ivbiyokuo ẹre keghi werriegbe gha rrie agọ vbe Gilgal.

Jọsua 10:6

Ivbi e Gibiọn keghi gie emwa bu e Jọsua vbe agọ vbe Gilgal wẹẹ, “Ghẹ fi iyeke gbe ima enọwanrẹn! Zẹgiẹgiẹ gha dee do yi ma obọ! Miẹn ima fan! Avbe ọba Amọri hia ni rre ẹvbo odẹ uhunmwu oke wa kugbe mu aro igbinna da ima!”

Jọsua 4:19

Ikpẹdẹ ne ogigbe vbe uki ne ogienẹ, ne ọ re uki ne okaro, ọre emwa ni na fian Jọdan rra, iran keghi gbe agọ ye Gilgal vbe olarre owẹn Jẹriko.

Jọsua 5:10

Ẹghẹ ne ivbi Izrẹl na gha rre agọ vbe Gilgal, vbe otọe ne ọ rriẹe ne ọ rre ọkpẹn e Jẹriko, iran keghi ru emwiukpo Alagberra vbe ota ọghe ikpẹdẹ ne ogiwenẹ ọghe uki nii.

Jọsua 9:5

Iran keghi viọ ibata ni wiẹn uan nẹ, a na vbe dọlọe yi ye owẹ, iran keghi silo osọnmwẹ ukpọn ye egbe. Ebrẹd ne iran viọ mwẹ keghi kaka a, ọ vbe suobu.

Jọsua 9:9

Iran keghi ta okha egbe iran ma rẹn wẹẹ, “Evbavba, ehe ne ima kerre wa rrei ẹsẹse rhunmwuda ma họn ẹmwẹ e Nọyaẹnmwa Osanobua ruẹ. Ma họn otiti emwi ne ọ ru vbe Igipt.