Jọsua 9:4 - Edo Bible (E Baibol Ẹdo) Version 1996

⁴ iran na wẹ te iran gha hiẹ ọre mu ru. Iran keghi ya viọ evbare eso, iran keghi ye avbe ẹkpo ni wiẹn uan nẹ kevbe avbe ọgọ ohian ni sọlọe, ne a vbe dọlọ nẹ, iran keghi ya ehia kun emwi ye ekẹtẹkẹtẹ iran.

Jọsua 9:4 Iomraidhean Croise

Gẹnẹsis 34:13

Ivbi e Jekọb keghi rhie ewanniẹn ne ọ gha gbe iran ekhọe ẹwaẹn rua ne Siẹkẹm kevbe Hamọ ne erha ẹe rhunmwuda te Siẹkẹm fa Dina ne ọtẹn iran an.

Psalm 119:83

Te I ghi khian ọ rhiae, I ye vbe ẹkpo ne ọ yanghaẹn ne a mu fua, sevba, I ma he ye mianmian iyi ruẹ.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Matiu 9:17

Erriọ vbe nọ, a i ra ruẹn ayọn ne ọ he ye fian ye ọgọ ohian ne ọ rẹnhuan nẹ, a gha ruẹe vberriọ, te ọgọ ni ra sa fua. Nene ayọn kevbe ọgọ ghi koko la ọrhiae rrie. A gha ruẹn ayọn ne ọ fian ye ọgọ ọgbọn, eveva ghi gu egbe ro.”

Iyẹn ne ọ Maan Ọghe Mak 2:22

Erriọ vbe nọ, a i ruẹn ayọn ọgbọn ye ọgọ ohian ne ọ rẹnhuan nẹ, a gha ruẹe, ayọn gha gbe ọgọ ohian nii, ẹghẹ ni ke ayọn kevbe ọgọ ghi la ọrhiae rrie. Ẹn o, ọgọ ohian ọgbọn ọre a vbe ruẹn ayọn ọgbọn yi.”

Iyẹn ne ọ Maan Ọghe Luk 16:8

Arowa ọdia ẹkẹ vbe iwẹnwẹn na keghi tian rẹn ye ogie ẹwaẹn ne ọ wan rẹn na rhunmwuda, emwa ne agbọn ye ogiẹwaẹn ye obọ mu iwinna iran ẹse sẹ iran ne ivbi uwanmwẹ.”

Jọsua 9:12

Ghe ebrẹd ima. Ẹghẹ ne ima na kpao vbe owa ne ima do vba ruẹ, te ọ he ye tọn. Sokpan ghe nian! te ọ ghi ka, ọ vbe suobu.

Jọsua 9:13

Ẹghẹ ne ima na sa amẹ ya avbe ọgọ ohian na, ọghọgbọn ehia khin. Sokpan ghe nian, ehia yan ghan an, kevbe ibata ima kevbe ukpọn ima rhunmwuda urremwẹ okhian ne ima khian ẹn.”

Jọsua 9:3

Ivbi e Gibiọn ghi họn vbene Jọsua ru emwa Jẹriko kevbe Eai hẹẹ,

Jọsua 9:5

Iran keghi viọ ibata ni wiẹn uan nẹ, a na vbe dọlọe yi ye owẹ, iran keghi silo osọnmwẹ ukpọn ye egbe. Ebrẹd ne iran viọ mwẹ keghi kaka a, ọ vbe suobu.