Jọsua 8:6 - Edo Bible (E Baibol Ẹdo) Version 1996

⁶ Iran gha zẹ ima khu rhinrin ma te do silo iran ke ẹvbo iran ladian. Iran ghi gha ro ighẹ te ima lẹ ne iran, zẹ vbene ima ka ru yi.

Jọsua 8:6 Iomraidhean Croise

Ẹksọdọs 14:3

Ọba Igipt gha vbe ro wẹẹ, ‘Ivbi Izrẹl gha lẹga vbe uwu oha, ato degbe iran odẹ.’

Ẹksọdọs 15:9

Eghian keghi kha wẹẹ, ‘I gha khu iran, I gha vbe mu iran; I gha ghae ẹfe iran, I gha miẹn iran emwi ne I ho hia; I gha yuo umozo mwẹ ladian, I gha ya ẹtin mwẹ viọ emwi hia ne iran mwẹ.’

Asan-Ibo 8:11

Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.

Asan-Ibo 9:12

U i sẹtin rẹn ẹghẹ ne ẹghẹ ruẹ gha ya rre. Zẹ vbene ifi mu ahianmwẹ vbe udomwurri, zẹ vbe ehẹn ne ọga mu, erriọ ọ re emwi dan zẹdia sunu vbe egbe mwa, vbe a ma ro a ma kọ.

Jọsua 8:5

Ke imẹ kevbe emwa mwẹ gha vbe gha die nene ẹvbo nii, iran ghẹ ghi ladian ne iran do gu ima gbinna, ma ghi lẹ, zẹ vbene a ka ru vbe ẹghẹ okaro.

Jọsua 8:7

Ẹghẹ nii, wa ghi ladian vbe ehe ne uwa lẹre yi, ne uwa khọn ẹvbo nii muotọ. E Nọyaẹnmwa Osanobua rua gha rhie ẹre ne uwa.

Giọgis 20:32

Ivbi e Bẹnjamin keghi kha wẹẹ, “Obọ mwa vba iran vbene ọ ka ye ẹdẹ.” Sokpan ivbi Izrẹl keghi kha wẹẹ, “Wa gie ima lẹ, ne a miẹn ehe na silo iran ladian vbe ore ẹvbo la odẹ.”