Jọsua 8:2 - Edo Bible (E Baibol Ẹdo) Version 1996

² Zẹ vbene uwa ru Jẹriko ke ọba ẹre, erriọ wa gha vbe ru Eai ke ọba ẹre. Sokpan, vbe ọnọna, wa sẹtin viọ emwi ke ẹmila iran ya khian ọwua, wa mu egbe ne uwa ya khọn ẹvbo nii, wa ghi la iyeke do ẹe mu.”

Jọsua 8:2 Iomraidhean Croise

II Krọnikol 13:13

Vbe uwu ẹghẹ ne a kha na, e Jeroboam gie eso vbe uwu ivbi iyokuo ẹre nẹ ne iran ya ghae ye odẹ khẹ ivbiyokuo e Juda, la iran iyeke rre, ne iran nekpa mu aro da iran gha gbinna.

II Krọnikol 20:22

Iran ghi suẹn gha so ihuan, ẹ Nọyan ke fian otighi ọkpeudu fi iran ni mu okuọ gie iran egbe.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Itan 28:20

Emwa ni mwẹ uyinmwẹ ne ọ diae, te ẹdagbọn iran wa ye ọyẹnmwẹ sẹ ota, sokpan, u gha wẹ ẹfe ẹgiẹgiẹ ọ re u gualọ, a gha rriọ oya.

Jerimaia 17:11

Ọmwa ne ọ ye odẹ ero miẹn igho, ọ yevbe ahianmwẹ ne ọ gbe ekẹn ne ọ ma họ. Ọ gha he wa rre atẹ, ọ gha mu ẹfe ẹre fua, ọ gha ghi sẹ okiekie, rẹn ghi do gha re akpa.

Jerimaia 51:12

Wa tama iran ne iran dekun ekẹn e Babilọn. Wa viọ ẹvbo ba iran ni ba odẹ, wa gie iran ni khẹ odẹ gha khian, wa gie emwa ni gha lẹre gbakhẹ iran vbe odẹ.” E Nọyaẹnmwa ru emwi ne ọ wẹ rẹn gha ru ivbi e Babilọn re nẹ.

Diuteronomi 2:35

Ma keghi viọ iran ẹmila, a na viọ iran emwi hia ne iran mwẹ vbe ẹvbo iran.

Diuteronomi 20:14

Vbene ọ rhirhi gha ye hẹ, wa sẹtin viọ ikhuo, emọ, emwirri kevbe emwi ọvbehe hia ni rre ẹvbo nii ya khian ọwua. Wa sẹtin gha lo emwi hia ni re ọ ghe eghian uwa. E Nọyaẹnmwa ya ẹe ne uwa nẹ.

Diuteronomi 3:2

Sokpan, e Nọyaẹnmwa keghi tama mwẹ wẹẹ, ‘Ghe gie ohan rẹn mu ẹẹn. I gha rhie irẹn kevbe ẹvbo ẹre hia kevbe emwa rẹn yan ruẹn obọ, u ghi vbe ru ẹe vbene u ru Sihọn ne ovbi Amọri ne ọ rriọba vbe Hesbọn.’

Jọsua 10:1

Adonizẹdẹk ne ọba Jerusalẹm keghi họn wẹẹ, e Jọsua khọn Eai, ọ rẹnkhẹn ọẹn ruan fẹẹrẹ, ọ na vbe gbe ọba ne ọ rrọ, zẹ vbene ọ vbe ru e Jẹriko ke ọba ẹre. Ọ keghi vbe họn wẹ emwa Gibiọn vbe gu ivbi Izrẹl vẹn ihẹn ne iran gba gha rre ọfumwegbe kevbe wẹ te iran hia ghi gba rrọọ.

Jọsua 10:28

E Jọsua keghi dekun Makẹda, ọ na khọn rẹn ke ẹe kevbe ọba ẹre vbe ẹdẹnẹdẹrriọ. Ọ keghi gbele emwa nii rre ẹvbo ni hia a, ọ ma vbe fi ọkpa ye agbọn vbọ. Ọ kevbe ru ọba Makẹda zẹ vbene ọ vbe ru ọba Jẹriko.

Jọsua 11:14

Ivbi Izrẹl keghi viọ emwi ni maa ni rrọọ hia kevbe avbe ẹmila ni rre ẹvbo nii, iran na ya ehia khian ọghe iran, sokpan, iran keghi gbele emwa ne agbọn ni rrọọ, iran ma vbe sẹ ọkpa rae ye agbọn.

Jọsua 6:21

Iran keghi ya umozo iran gbele emwa hia ni rre ẹvbo nii uan ikpia kevbe ikhuo, ọmaẹn kevbe ẹghele. Iran keghi vbe gbele avbe ẹmila, avbe ohuan kevbe avbe ekẹtẹkẹtẹ.

Jọsua 8:12

Ọ keghi viọ ọmwa arhin arriaisẹn isẹn (5,000) ọ na viọ iran lẹre ye ọlarrie owẹn ọghe ẹvbo nii, vbe ẹkpo Eai kevbe Bẹtẹl.

Jọsua 8:14

Ọba Eai ghi bẹghe ibiẹka e Jọsua ọ keghi wa zẹgiẹgiẹ guakpaọ. Ke irẹn kevbe emwa rẹn keghi wa ladian gha rrie odẹ Iya Jọdan ne iran ya gu Izrẹl gbinna vbe ihe ọkpa ne iran na ka vbe ru vberriọ. Rẹn ma rẹn ighẹ iyeke ọ re a ra ke gu ẹe khọn.

Jọsua 8:19

Ọwarọkpa vbe ọ ghi tọn obọ ẹre mu, emwa ni lẹre usin keghi zẹgiẹgiẹ gua kpao, iran na rhulẹ la ẹvbo nii, iran na zẹgiẹgiẹ mu erhẹn yọọ.

Jọsua 8:24

Ivbi Izrẹl keghi gbele avbe eghian iran hia vbe uwu oha ne iran khulo iran lao. Iran na dọlegbe gha rrie Eai iran na vbe ya gbele iran ni rre odọ niii uan.

Jọsua 8:3

Ẹre Jọsua na mu egbe ne ọ viọ ivbiyokuo ẹre hia gha rrie Eai. Ọ keghi hannọ ikpia ni din arriaisẹn ọgban (30,000) ọ na ye asọn gie iran gha khian.

Jọsua 8:7

Ẹghẹ nii, wa ghi ladian vbe ehe ne uwa lẹre yi, ne uwa khọn ẹvbo nii muotọ. E Nọyaẹnmwa Osanobua rua gha rhie ẹre ne uwa.

Jọsua 8:8

Wa ghẹ ghi khọn ẹvbo nii nẹ, wa ghi mu erhẹn yọ zẹ vbene e Nọyaẹnmwa khare zẹẹ. Uhunmwu ne a gie uwa ẹre ọ re onii khin.”

Jọsua 8:9

Ẹre Jọsua na gie iran gha khian, iran na gha rrie ehe ne iran lẹre yi vbe ọlarrie owẹn Eai vbe ẹkpo Eai kevbe Bẹtẹl. E Jọsua keghi gbe asọn nii vbe agọ.

Jọsua 9:3

Ivbi e Gibiọn ghi họn vbene Jọsua ru emwa Jẹriko kevbe Eai hẹẹ,