Jọsua 8:1 - Edo Bible (E Baibol Ẹdo) Version 1996

¹ E Nọyaẹnmwa keghi tama e Jọsua wẹẹ, “Ghẹ gie ohan muẹn, ghẹ gie egbe vbe wọruẹ. Viọ ivbiyokuo hia mwẹ obọ ne u vbe gha rrie Eai. I gha guẹ khọn ọba Eai miẹn ẹre otọ, emwa rẹn, ẹvbo ẹre ke otọe ẹre gha khian ọwuẹ.

Jọsua 8:1 Iomraidhean Croise

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 44:3

Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

Jerimaia 46:27

“Wa ne emwa mwẹ, wa ghẹ gie ohan mu uwa. Ivbi Izrẹl, wa ghẹ runran. I gha fannọ uwa ke otọe ne ọ rrei nii gha dee, ke otọe ne uwa na re oghunmwu gha dee wa gha werriegbe rri owa. Wa ghi do gha rrọ vbe ọfumwegbe, ẹkun gha sẹ uwa otọ, ọmwa rhọkpa i ghi ra ye do runran uwa.

Jerimaia 49:3

Ivbi e Hesbọn, wa gha tulo! A fuẹn Ai rua nẹ! Ikhuo e Raba, wa ya gha khiẹ! Wa viọ ukpọn akhiẹ ye egbe ne uwa gha khiẹ. Wa gha hẹ yo hẹ rre vbe uwu iro ne ọ hanrẹn. A gha mu e Milkọm ne ẹbọ uwa gha rrie iwe, ke ẹe ke avbe ohẹn ọnrẹn kevbe avbe ivbi ọba.

Daniẹl 2:21

Rẹn ọ re ọ kha yan ẹghẹ kevbe ukpo; rẹn ọ re ọ ma ọba, rẹn ọ vbe ya iran owẹ yotọ, rẹn ọ re ọ rhie ẹwaẹn kevbe irẹnmwi ne ọmwa.

Daniẹl 4:25

A gha khu uwẹ fua hin uwu ẹbu emwa nagbọn rre, u gha ya deba avbe aranmwẹ oha gha rrọọ. U gha rri irunmwu zẹ vbe ẹmila la ukpo ihinrọn, u ghi gha vbiẹ adesẹ ore ehe ne evbu gha na gha tuo yan ruẹn. Ẹghẹ nii, u ghi do miẹnkue wẹ Osanobua ne ọ Sẹehia ọ re ọ khaemwisẹ yan arriọba agbọn na hia kevbe wẹ ọ sẹtin munọ iran ne ọmwa ne ọ rhirhi khọn rẹn.

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Matiu 8:26

Jesu tama iran wẹẹ, “Vbọzẹ ne uwa na runran vberriọ yi, wa i mwẹ iyayi.” Ọ keghi kpaegbe, ọ gu amẹ kevbe ẹhoho ni guan, ehia keghi hunwan hii i!

Diuteronomi 1:21

Wa ghe, nene otọ ne Nọyaẹnmwa, ne Osanobua avbe erha uwa odede mu ne uwa ọre ọna khin, wa ya yin ẹnrẹn zẹ vbe ne ọ gie uwa, wa ghẹ gie ohan mu uwa, wa ghe; gie ẹtin fo uwa!’

Diuteronomi 31:8

E Nọyaẹnmwa tobọ ẹre gha ke aro ne uwa, ọ gha vbe gha rrọọ yaba uwa, rẹn i ra hiẹ uwa ra ne ọ he uwa ye otọ, rhunmwuda ọnii, wa ghẹ gie ẹtin fo uwa, wa ghẹ gie ohan mu uwa.”

Diuteronomi 7:18

Wa ghẹ gie ohan iran mu uwa, wa ye rre emwi ne Nọyaẹnmwa Osanobua uwa ru ọba Igipt re, ke ẹe kevbe emwa rẹn hia.

Diuteronomi 7:21

Ghẹ gie ohan emwa na mu ẹẹn. E Nọyaẹnmwa Osanobua rua rrọọ ya ba uwa. Osanobua nọkhua ne ọ kere ne a gha mu ohan rẹn nọ.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Jọsua 10:7

Ẹre Jọsua kevbe avbe ivbiyokuo ẹre kevbe ivbiyokuo ni maa sẹẹ, na guakpao vbe Gilgal la okhian.

Jọsua 10:8

E Nọyaẹnmwa ke tama e Jọsua wẹẹ, “Ghẹ gie ohan iran muẹn. I rhie akhọnmiotọ nuẹn nẹ. Ọkpa vbe uwu iran ne ọ gha sẹtin gbe uwa odẹ, ẹ i rrọọ.”

Jọsua 2:24

Iran tama rẹn wẹẹ, “Aro ima dae wẹ e Nọyaẹnmwa mu ẹvbo nii hia ne ima nẹ. Afianma ima wa fian iran hia ni rre ẹvbo nii.”

Jọsua 6:2

E Nọyaẹnmwa keghi tama e Jọsua wẹẹ, “Danmwehọ, te I ra mu e Jẹriko nuẹn ke ẹe kevbe ọba ẹre kevbe ivbiyokuo ẹre ni wegbe.

Jọsua 7:9

Avbe emwa Kenan, kevbe avbe emwa ọvbehe hia ni rre otọe na gha họn ẹmwẹ na. Iran ghi do lẹga ima, iran ghi gbele ima hia a. De emwi ne u wẹ ghẹ ghi ru ya da uyi eni ruẹn yi?”