Jọsua 7:7 - Edo Bible (E Baibol Ẹdo) Version 1996

⁷ Ẹre Jọsua na kha wẹẹ, “E Nọyaẹnmwa ne Udazi! Vbọzẹ ne u na viọ ima gberra e Jọdan hiehie yi? Ne u do hẹ ima ku ivbi Amọri obọ nọ ra? Ne u do fuẹn ima an nọ ra? Vbọzẹ ne ima ma na wa tota ye obọ nọkpa ọghe Jọdan.

Jọsua 7:7 Iomraidhean Croise

II Ọba 3:10

E Joram keghi datu wẹẹ, “Ma wiri, e Nọyaẹnmwa wa gbalọ ima ọba eha hẹ ku ọba e Moab obọ!”

Psalm 116:11

Ya sẹ egbe ẹghẹ ne ohan na gha mu mwẹ, ne I na kha wẹẹ, “A i miẹn ọmwa ne ọ gia mu ẹtin yan.”

Ẹksọdọs 16:3

Iran wẹẹ, “E Nọyaẹnmwa wa gbele ima ye Igipt ọre ọ te maa sẹ. Evba ma gha na te gha tota ke ọkpan emiowo, ma ghi vbe gha rri evbare vbene ọ khọn mwa sokpan wa viọ ima la uwu ato na ne uwa do ya ohanmwẹ gbele ima an.”

Ẹksọdọs 17:3

Sokpan ohanmwẹ amẹ kegha kakabọ gbe emwa nii, iran na gha gui ẹzọ Mosis. Iran wẹẹ, “Vbọzẹ ne u na hẹ ima ke Igipt ladian? te u wẹ ne u do ya ohanmwẹ amẹ gbele ima an ra, ke emọ kevbe emwirri?”

Nọmbas 14:16

‘Rhunmwuda ighẹ u ma sẹtin viọ emwa ruẹn sẹ otọ ne u ve iran re ọre u na gbele iran an ye uwu ẹgbo.’

Nọmbas 14:3

Vbọzẹ ne Nọyaẹnmwa na viọ ima rrie ẹvbo nii yi? Iran gha gbele ima rua vbe okuo, iran ghi munọ avbe ivbi ima kevbe amwẹ ima oghunmwu viọ gha rrie. Ẹre a wa werriegbe gha rrie Igipt ọre ọ maa sẹ.”

Matiu 17:17

Jesu keghi wanniẹn wẹẹ, “Wa ne ẹ i mwẹ iyayi kevbe ni vbe ba odẹ ku! Vbe i a gha kpee sẹ hẹ vbe ehe ne uwa ye? Vbe i a gha ziengbe ne uwa kpee sẹ hẹ? Rhie ne ọvbokhan gun mwẹ vbe emwa.”

Matiu 17:20

Jesu wanniẹn iran ẹmwẹ wẹẹ, “Rhunmwuda ighe iyayi uwa ma sẹ. Deghẹ wa gele mwẹ iyayi ne ọ kpọlọ sẹ vbe ikpẹ itaba, wa gha sẹtin tama oke na wẹẹ, ‘Kpao vbe emwa gha rrie odọ.’ Ọ ghi gele kpao. A i miẹn emwi ne ẹ i gie uwa ru.

Hibru 12:5

Te uwa ghi mianmian ra ighẹ ẹmwẹ igiẹdu ne Osanobua tama uwa zẹ vbe ivbi ẹre? “Ovbi mwẹ, rhie aro ye otọ vbe Nọyaẹnmwa a gha gbe uẹ hin ọkhọ rre, deghẹ ọ vbe gu ẹ gui ghẹ gie egbe wọ ruẹ.

Jọsua 7:6

E Jọsua kevbe avbe ekaolotu keghi ye akhiẹ sọ ukpọn rẹn uan, ọna de mu aro rhu otọ vbe odaro Ẹkpẹti Ile ọghe Nọyaẹnmwa. Avbe ọkaolotu Izrẹl keghi gu ẹe lovbiẹ ye evba ya sẹ ota. Iran na zẹ ebubẹ ye uhunmwu ne iran ya rhie akhiẹ iran maa.

Jọsua 7:8

Vbe i a ghi ra miẹn ta yi e Nọyaẹnmwa, vbene Izrẹl na lẹ werriegbe nẹ vbe odaro avbe eghian rẹn?

I Samuẹl 4:3

Iran ni miẹn uhunmwu vbọ ghi dọlegbe sẹ agọ nẹ, avbe ọkaolotu ivbi Izrẹl keghi kha wẹẹ, “Vbọzẹ ne e Nọyaẹnmwa na gie ivbi Filistin khọn ima miotọ ẹrẹna yi? Wa gie ima ya mu Ẹkpẹti Ile ọghe Nọyaẹnmwa ke Silo gha dee ne ọ miẹn ehe na lele ima gha khian, ne ọ ya miẹn ima fan vbe obọ avbe eghian mwa.”