Jọsua 7:6 - Edo Bible (E Baibol Ẹdo) Version 1996

⁶ E Jọsua kevbe avbe ekaolotu keghi ye akhiẹ sọ ukpọn rẹn uan, ọna de mu aro rhu otọ vbe odaro Ẹkpẹti Ile ọghe Nọyaẹnmwa. Avbe ọkaolotu Izrẹl keghi gu ẹe lovbiẹ ye evba ya sẹ ota. Iran na zẹ ebubẹ ye uhunmwu ne iran ya rhie akhiẹ iran maa.

Jọsua 7:6 Iomraidhean Croise

Gẹnẹsis 37:29

Ugbẹn vbe Riubẹn ghi dọlegbe sẹ uhae nii, vbe ọ ghi miẹn wẹ Josẹf i ghi rre evba, ọ keghi sọ ẹwu ye egbe ẹre ẹkun zẹ vbe orhiema ọghe akhiẹ.

Gẹnẹsis 37:34

E Jekọb keghi sọ ẹwu ye egbe ẹre ẹkun, ọ na mu ukpọn nekhui rhuan zẹ vbe orhiema akhiẹ, ọ keghi ya ẹdẹ nibun khiẹ ovbi ẹre.

II Samuẹl 1:11

E Devid keghi ye akhiẹ sọ ukpọn rẹn uan, emwa rẹn hia keghi vbe sọ ọghe iran an.

II Samuẹl 1:12

Iran keghi viẹ, iran na vbe khiẹ, iran ma rri evbare rhinrin ya sẹ ota rhunmwuda e Sọl kevbe Jonatan kevbe ivbi Izrẹl, emwa Nọyaẹnmwa rhunmwuda, iran gbele ni bun vbe uwu iran an vbe okuo.

II Samuẹl 1:2

Vbe ikpẹdẹ ne ọ lele ẹe, igbama ọkpa keghi ke agọ e Sọl rre. Ọ keghi sọ ukpọn ye ẹkun ẹnrẹn, ọ na zẹ iku yan uhunmwu zẹ vbe ama ọghe akhiẹ. Ọ keghi bu e Devid gha khian, ọ keghi vbe rre ye uhunmwu kan otọ ne ẹẹn zẹ vbe otuẹ ọghọ.

II Samuẹl 12:16

E Devid keghi na erhunmwu ghe Nọyaẹnmwa wẹ ne egbe rran ọmọ nii. E Devid ma ghi rri evbare. Asọn hia, ọ ghi la ughugha ẹre, ọ ghi ya lovbiẹ ye otọ owa.

II Samuẹl 13:19

Ọ keghi khakha emuẹn ye egbe ẹre uhunmwu, ọ yanghan ẹwu nii uan, ọ keghi viọ obọ gue aro, ọ na viẹ gha rrie.

II Samuẹl 13:31

Ọba keghi kpaegbe, ọ sọ ukpọn rẹn uan, ọ na degbe otọ. Eguọmwadia ẹre ni vbe gu ẹe rre evba, keghi vbe sọ ukpọn iran uan.

II Ọba 22:11

Ọba ghi họn ebe ne a tie re na, egbe keghi wọ ẹre, ọ na sọ ukpọn rẹn uan.

II Krọnikol 34:19

Ọba ghi wa họn vbe a tie ebe nii, ọ keghi sọ ukpọn ye egbe ẹre urhu,

Ẹzra 10:1

Vbe ẹghẹ ne Ẹzra na vbẹrre gha na erhunmwu vbe odaro Ọgua Osa, ọ na gha viẹ, ọ na vbe gha miẹn avbe orukhọ na kue, ivbi Izrẹl ni bun ẹsẹse, ikpia kevbe ibiẹka, keghi lẹga ẹre, iran na gha viẹ eve orriara.

Nehimaia 9:1

Vbe ikpẹdẹ ne ọ ya gba vbe enẹyan ugie vbe uki ọkpa nii, avbe ivbi Izrẹl keghi si egbe koko ne iran do ye aguẹ ya khiẹ ye orukhọ iran. Iran keghi wannegbe iran hin uwu ẹbu avbe ọrriọvbe rre nẹ, iran keghi rhuan ukpọn akhiẹ iran na zẹ ekẹn ye uhunmwu zẹ vbe ama akhiẹ. Iyeke ọnii, iran keghi kpaegbe mudia gha miẹn orukhọ ne iran kevbe avbe erha iran odede ru kue.

Ẹsta 4:1

E Modekai ghi họn avbe emwi na hia ni sunu, ọ keghi sọ ukpọn ye egbe ẹre ẹkun, ọ keghi viọ ukpọn akhiẹ yọ, ọ keghi zẹ emuẹn yan uhunmwu, ọ keghi khian la ẹvbo nii lẹga vbene ọ na wa kpe orhu eve orriara.

Ẹsta 4:3

Ehe ne otọe ni lae ehe ne ọ rhanmwẹ, ehe ne a ghi na wewe ẹmwẹ na, eve orriara kegha rrọọ vbe uwu ẹbu avbe Ju. Iran kegha yo aguẹ, iran na gha viẹ, iran na gha go, ni bun vbe uwu iran kegha viọ ukpọn akhiẹ ye egbe, iran na lovbiẹ ye uwu emuẹn.

Job 1:20

Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.

Job 2:12

Urria iran he ye vbe iran bẹghe Job sokpan iran ma ghi rẹn ọnrẹn. Ẹghẹ ne iran ghi ya rẹn ọnrẹn, iran keghi gbe akhe eve ua, iran na yanghan ukpọn ye egbe iran ẹkun, iran na gha zẹ ebubẹ fi, iran na gha kpolo ye uhunmwu.

Job 42:6

Rhunmwuda ọnii, ekhue ẹmwẹ ne I talọe hia mu mwẹ. I roiro fiwerriẹ vbe uwu ebubẹ kevbe emuẹn.”

Eve Orriara 2:10

Avbe eniwanrẹn e Jerusalẹm tota lele otọ vbe ahunwan hii, iran zẹẹ ebubẹ ye uhunmwu, iran keghi viọ ukpọn akhiẹ ye egbe. Evbokhunvbi hia hie uhunmwu ghe otọ.

Nọmbas 14:6

E Jọsua ne ovbi e Nọn kevbe Kelẹb ne ovbi e Jefunẹ na ye akhiẹ sọ ukpọn iran an.

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Nọmbas 16:45

“Gban egbe ghe odieke hin ehe ne iran na ye rre, ne I wa fuẹn iran an ye evba!” Iran keghi vbokho egbe rre viọ aro rhuotọ.

Iwinna 14:14

Ugbẹn vbe Banabas kevbe Pọl ghi họn emwi ne iran ra do ru, iran keghi yanghan ukpọn iran an, iran keghi rhulẹ la uwu ẹbu nii, iran kegha goo wẹẹ,

Jọsua 7:7

Ẹre Jọsua na kha wẹẹ, “E Nọyaẹnmwa ne Udazi! Vbọzẹ ne u na viọ ima gberra e Jọdan hiehie yi? Ne u do hẹ ima ku ivbi Amọri obọ nọ ra? Ne u do fuẹn ima an nọ ra? Vbọzẹ ne ima ma na wa tota ye obọ nọkpa ọghe Jọdan.

Arhie Maan 18:19

Iran keghi kpolo ebubẹ ye egbe iran uhunmwu, iran kegha goo, iran na gha khiẹ wẹẹ, “Okokokoo! Ọna mu ohan gbe vbe egbe ẹvbo nii. Rẹn ọrọre ẹvbo ne emwa hia ni ghi mwẹ okọ ne ọ gua vbe okun nẹ, la ekpa ẹfe ẹre khian enọfe. Emwi na hia wa wi ẹre vbe ẹgogo ọkpa kẹkan!”

Giọgis 11:35

Rẹn keghi bẹghe ẹre, ọ keghi ye akhiẹ yanghan ukpọn ye egbe ẹre urhu, ọ na kha wẹẹ, “Eu, ovbi mwẹ! U kpan mwẹ udu nẹ, vbe a ghi na miẹn hẹ ighẹ wẹ ọ re ọ do si obalọ vbenian yọ mwẹ egbe. I ye ekhọe hia yan ma e Nọyaẹnmwa nẹ, ẹ i mwẹ I ma mu ẹẹn sẹ.”

Giọgis 20:26

Ivbi Izrẹl hia kevbe gha rrie Bẹtẹl ya khiẹ. Iran keghi tota ye odaro e Nọyaẹnmwa vba, iran ma rri evbare ọ te ya sẹ ota. Iran si sara, iran keghi giẹn emwi ne a ya zọ ese eso ohoho vbe odaro e Nọyaẹnmwa.

Giọgis 21:2

Ẹre ivbi Izrẹl na gha die Bẹtẹl. Iran keghi tota ye odaro Osanobua rhinrin ya sẹ ota. Iran kegha khiẹ ne aro dae vbe odẹ ne ọ rriara.

I Samuẹl 4:12

Okpia ọkpa vbe uniẹn Bẹnjamin ke ghi lẹfua ke odaro okuo gha die Silo, ọ keghi vbe sẹ evba vbe ẹdẹ ne ẹdẹrriọ zẹẹ. Ọ keghi yanghan ukpọn ye ẹkun, ọ na vbe viọ iku ye uhunmwu zẹ vbe ama ne ọ ya rhie maa ighẹ te irẹn khiẹ.