Jọsua 7:2 - Edo Bible (E Baibol Ẹdo) Version 1996

² E Jọsua keghi ke Jẹriko gie emwa eso gha rrie Ai, ne ẹvbo ne ọ rre olarre owẹn Bẹtẹl vbe ọkpẹn Betava. Ọ keghi tama iran ne iran ya ba ẹvbo nii ghe. Ẹre emwa nii na gele gha khian ya ba Eai ghe.

Jọsua 7:2 Iomraidhean Croise

Gẹnẹsis 12:8

Vbe iyeke ọnii, ọ keghi la ghe odẹ ekẹn ọghe oke ne ọ rre odẹ ahọ ọghe Bẹtẹl, ọ na bu agọ ye ẹkpo Bẹtẹl vbe orrie kevbe Ai vbe ahọ. Ọ kevbe bọ aka ye evba, ọ na ya uhunmwu rhanmwẹ otọ ne Nọyaẹnmwa.

Gẹnẹsis 28:19

Ọ kegha tie evba nii Bẹtẹl (Luz ọre a te ka gha tie ẹvbo nii).

I Ọba 12:29

Ọ keghi mu ọkpa vbe ẹmila igoru ni ye Bẹtẹl, ọ keghi mu e nọkpa ye Dan.

Nehimaia 11:31

Ivbi uniẹn e Bẹnjamin keghi yin e Geba ne ọ rre odẹ Ahọ e Mikmas, Eai, e Bẹtẹl kevbe avbe igue ni sikẹ iran.

Itan 20:18

U gha miẹn ne ọ bu ruẹ ude esi, ọ gha dunna nuẹn; ghẹ wa khọn la uwu okuo vbene u i na ka mwamwaẹn nẹ.

Itan 24:6

Agbọn hia rẹnrẹn wẹ, te a ka mwamwa ẹẹn nẹ, a kevbe ya khọn okuo, vbe ne a ya bu ruẹ ude esi, ọ re a vbe ya rhie aro yọ wẹ, u gha khọn miotọ.

Aizaia 10:28

Ivbi iyokuo avbe eghian khọn mu Eai nẹ! Iran la Migrọn gberra nẹ! Iran sẹ evbare iran rae ye Mikmas!

Jerimaia 49:3

Ivbi e Hesbọn, wa gha tulo! A fuẹn Ai rua nẹ! Ikhuo e Raba, wa ya gha khiẹ! Wa viọ ukpọn akhiẹ ye egbe ne uwa gha khiẹ. Wa gha hẹ yo hẹ rre vbe uwu iro ne ọ hanrẹn. A gha mu e Milkọm ne ẹbọ uwa gha rrie iwe, ke ẹe ke avbe ohẹn ọnrẹn kevbe avbe ivbi ọba.

Hozia 4:15

“A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Ẹfisọs 5:15

Rhunmwuda ọnii, gha gbe aro ke otọ ẹsẹse vbene u ru emwi hẹ. Ghẹ gha yin uyinmwẹ enọ ma rẹn ne a ye, sokpan gha ru emwi umẹwaẹn.

Jọsua 12:9

Avbe ivbi Izrẹl khọn avbe ọba na miotọ: avbe ọba Jẹriko, Eai (vbe ọkpẹn Bẹtẹl)

Jọsua 18:12

Ehe ne otọe iran lae vbe odẹ okuọ kegha re Jọdan, ọ keghi laghe odukhunmwu vbe iya odẹ okuọ ọghe Jẹriko, odẹ orrie, ọ keghi la ghe ẹvbo oke ni ya sẹ ato ọghe Betavin.

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 7:3

Iran ghi do na iyẹn ma e Jọsua, iran tama rẹn wẹẹ, “Ọ ma sẹ ne agbọn hia gha wa gha rrie. Gie ọmwa arhin arriaisẹn eva ra eha ne iran ya khọn Eai. Ghẹ gie emwa hia wa gha khian ya khọn rhunmwuda, ẹ i re ẹvbo ne ọ kpolo.”

I Samuẹl 13:5

Ivbi e Filistin keghi tie otiegba ne iran do gu ivbi Izrẹl gbinna. Iran kegha mwẹ ikẹkẹ ematọn ọghe okuo arriaisẹn ọgban (30,000) deba emwa ni hin ẹsin arriaisẹn ehan (6,000) kevbe ivbi iyokuo ni bun zẹ vbe ikpekhae ni rre ọkpẹn okun. Iran kegha rrie Mikmas ne ọ rre odẹ ahọ ọghe Betavin, iran keghi bu agọ ye evba.

I Samuẹl 14:23

Okuo ni keghi gberra e Betavin, e Nọyaẹnmwa keghi miẹn ivbi Izrẹl fan vbe ẹdẹ ne ẹdẹrriọ.

I Samuẹl 30:27

Ọ keghi viọ gie iran ni rre Bẹtẹl, kevbe iran ni rre Rama vbe odẹ ekẹn Juda, kevbe emwa ni rre ẹvbo Jati.