Jọsua 7:12 - Edo Bible (E Baibol Ẹdo) Version 1996

¹² Ọna ọ re ọ sii ẹe ne ivbi Izrẹl ma na sẹtin mudia vbe odaro eghian iran. Iran lẹ hin odaro eghian rhunmwuda, emwi ne a ra fuẹn uan ọ re a ghi vbe ka iran tobọ iran baa. Mẹ i ghi mudia ke uwa ọvbehe sokpan a ma wẹ wa fuẹn avbe emwi ne a wẹ ne uwa ghẹ rhie.

Jọsua 7:12 Iomraidhean Croise

Psalm 44:10

U gie ima lẹ ne avbe eghian mwa iran keghi viọ emwi ni te re ọghe ima, ye khian ọghe iran.

Psalm 60:10

Te u gele wa he ima ye otọ ra? Wẹ i ghi ra lele iyokuo mwa ladian ra?

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Aizaia 59:2

Orukhọ uwa ọ re ọ sii ẹe ne ẹ i na zẹ ye uwa ẹre. Orukhọ uwa ọ re ọ wannọ uwa hin ehe ne Osanobua ye rre vbe uwa a te gha ho ne uwa ga ẹe.

Jerimaia 23:33

E Nọyaẹnmwa keghi tama mwẹ wẹẹ, “E Jerimaia, a deghẹ ọkpa vbe uwu avbe emwa ra akhasẹ, ra ohẹn nọ ruẹn wẹẹ, ‘Vbe Nọyaẹnmwa kha hẹ?’ U ghi tama rẹn wẹẹ, ‘Ihẹ ọ re uwa khin ne Nọyaẹnmwa, ọ gha mu uwa fua wan.’

Jerimaia 6:8

Ivbi e Jerusalẹm, wa gie avbe ọlọghọmwa na gha bu uwa ude, ne I ghẹ ya he uwa yotọ, I ghi ya ore ẹvbo rua khian ato, ehe ne ọmwarhọkpa i yin.”

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Habakọk 1:13

Sokpan, vbe uwẹ ra sẹtin ziengbe avbe igbẹki ne emwa dan na hẹ yi? Aro ruẹ huan gbe ne ọ gha sẹtin ghe ọkhọ, wẹ i vbe sẹtin gha ghe ughe vbe emwa a gha ru emwi dan, vbọzẹ ne uwẹ na hunwan yi vbe iran dunmwu emwa ni maa sẹ iran an?

Nọmbas 14:39

E Mosis ghi tama ivbi Izrẹl vbene Nọyaẹnmwa kha hẹ, iran keghi wa khiẹ ẹsẹse.

Nọmbas 14:42

Wa ghẹ yo, e Nọyaẹnmwa ma yaba uwa. Eghian uwa gha khọn miẹn uwa otọe.

Nọmbas 14:43

Wa gha mu aro da avbe emwa Amalẹk kevbe Kenan, wa gha wulo ye okuo, e Nọyaẹnmwa i rrọ yaba uwa, rhunmwuda, wa he ne uwa lelẹe.”

Nọmbas 14:45

Ẹre emwa Amalẹk kevbe emwa Kenan ni rre evba na dekun iran, iran na khọn miẹn iran otọe, iran na khu iran do sẹ Họma.

Diuteronomi 7:26

Wa ghẹ viọ vbe uwu amazẹ na la owa uwa hiehiere, ne unu ne a fi iran re ghẹ do sẹ uwa egbe. Ọ kere ne uwa gie avbe amazẹ nii gha sọnnọ uwa, ne uwa vbe gha zan iran rhunmwuda usun emwi ne fie ẹre unu ọre iran khin.

Jọsua 6:18

Sokpan zẹ vbene ọ de kan uwa na, wa ghi gban egbe ne avbe emwi ne a fuẹn uan, wa gha rhie vbe emwi ne a ta nẹ wẹ ne a fuẹn uan, te uwa ra mu ọlọghọmwa kevbe ọfuan la agọ ivbi Izrẹl.

Giọgis 16:20

Okhuo nii keghi datu wẹẹ, “E Samsin, ivbi e Filistia dee!” Rẹn keghi rhiọrre, ọ keghi te gha ro wẹẹ, “I gha vin ladian ne I fanmwẹ gbe ua vbene I ka ru ẹẹ yi.” Ọ ma rẹn wẹ e Nọyaẹnmwa kpao sẹ ọe rae nẹ.

Giọgis 2:14

Ohu Izrẹl keghi kakabọ mu e Nọyaẹnmwa, ọ na gie avbe ikpata gha mu bu iran yo ne iran vbe gha rha iran. Ọ keghi gie obọ avbe eghian ni lẹga iran gba iran. Ivbi Izrẹl ma ghi sẹtin da egbe iran yi hin obọ ẹbe.

Giọgis 2:4

Odibosa nii ghi ta ọna nẹ, ivbi Izrẹl hia keghi gbe eve ua

I Samuẹl 14:38

Ẹre Sọl na tama avbe ọkaolotu emwa ni wẹẹ, “Wa larre ne uwa do gualọ orukhọ ne a ru ẹrẹna miẹn.