Jọsua 7:1 - Edo Bible (E Baibol Ẹdo) Version 1996

¹ Izrẹl keghi rra uhi e Nọyaẹnmwa ne ọ khare wẹ ne a ghẹ rhie emwi rhọkpa ne a wẹ ne a fuẹn uan vbe Jẹriko. Ekani ọrọre ọmwa ne ọ viọ emwi eso. Rẹn kegha re ovbi Kami ne ovbi Zabdi ne ovbi Zẹra vbe ẹwae ọghe Juda. Ohu ivbi Izrẹl keghi kakabọ mu e Nọyaẹnmwa.

Jọsua 7:1 Iomraidhean Croise

Gẹnẹsis 34:27

Ivbie Jekọh nekpa na deyan iran ne a kuanrẹn nii, iran keghi viọ emwi hia ni mwẹ emwi ne ọ gia ya ru vbe ẹvbo nii, rhunmwuda wẹ, a fa ọtẹn iran an.

II Samuẹl 24:1

Vbe ẹghẹ ọkpa ohu Izrẹl kegha mu e Nọyaẹnmwa, ọ na sua e Devid ne ọ mu ọlọghọmwa gie iran. E Nọyaẹnmwa na tama rẹn wẹẹ, “Ya ka emwa Izrẹl kevbe Juda.”

II Ọba 5:24

Iran ghi sẹ eke ne Elaisia ye, e Gehazi keghi viọ ẹkpo eva nii, ọ na viọ la owa, ọ na wẹ ne eguọmwadia e Naaman gha rrie owa.

I Krọnikol 21:7

Emwi ne a ru keghi sọnnọ Osanobua, ọ na rhunmwuda ọnii rri ivbi Izrẹl oya.

II Krọnikol 24:18

Rhunmwuda ọnii, emwa ni keghi dobọ ugamwẹ ne a ru vbe Ọgua Osa e Nọyaẹnmwa ne Osanobua avbe erha iran odede yi, iran keghi suẹn gha ga ẹbọ kevbe amazẹ Asiẹrra ne ẹbọ ne okhuo. Orukhọ ne iran ru keghi tie ohu e Nọyaẹnmwa ye Juda kevbe Jerusalẹm uhunmwu.

Ẹzra 9:6

I keghi kha wẹẹ, “Osanobua ekhue i gunmwẹ tọn uhunmwu mu ghe ehe ne u ye. Orukhọ ima ma ite ne ọ yo gberra ima uhunmwu, iran yo sẹ iso.

Job 35:8

Ọmwa nagbọn ne ihua ọ re ọ rri oya orukhọ ne u ru, rẹn ọ re emwi esi ne u ru vbe ru iyobọ na.

Asan-Ibo 9:18

Ẹwaẹn ọ re ọ dunna na sẹ umozo, sokpan, ọmworukhọ gha sẹtin mu emwi esiesi ọrhẹnrhẹn rhia.

Daniẹl 9:7

Nọyaẹnmwa, emwi ne ọ gbae ọ re uwẹ ru vbe ẹghẹ hia, sokpan, ẹghẹ hia ọ re ima ya fa egbe ima an. Erriọ ọ re ọ wa ye ne iran ni rre Judia kevbe Jerusalẹm, kevbe avbe ivbi Izrẹl hia ne uwẹ zagha lele avbe ẹvbo ni khian rrei kevbe ni sikẹ owa rhunmwuda, iran ma mudia ke uẹ ẹse.

Levitikọs 10:6

Ọre Mosis na tama Errọn kevbe avbe ivbi ẹre ighẹ Eliaza kevbe Itama wẹẹ, “Wa ghẹ sẹ eto uwa rae vbe ne a ma na salọ ẹe ra ne uwa yanghan ẹwu uwa ya rhie maa ighẹ te uwa rre akhiẹ. Wa gha ru vberriọ, wa gha wulo, e Nọyaẹnmwa gha vbe mu ohu emwa na hia sokpan, avbe etuẹn, kevbe avbe emwa Izrẹl hia, a fan obọ ẹre ne iran ne iran khiẹ uwu na ne ọ la ekpa erhẹn ne ọ ke obọ Nọyaẹnmwa rre.

Jona 1:7

Avbe oziguẹ keghi kha wẹẹ “Wa gie ima do yan uta yọ, ne a miẹn ehe na rẹn ọmwa ne ọ si emwi na ne ima hia na rhie uhunmwu mwẹ atataobọ na.” Iran keghi ru ẹe vberriọ, uta keghi mu e Jona.

Jọsua 22:16

Ẹmwẹ ne emwa e Nọyaẹnmwa hia khare ọ re ọna khin, “Vbọzẹ ne uwa na ru emwi dan na ghe Osanobua Izrẹl yi? Te uwa ra sọtẹ ghe e Nọyaẹnmwa vbe ne uwa na bọ aka na ne egbe uwa! Wa i ghi lele irẹn ọvbehe!

Jọsua 22:18

Te uwa ghi ra fi iyeke gbe e Nọyaẹnmwa ra? Wa gha sọtẹ ghe Nọyaẹnmwa ẹrẹna, ohu ivbi Izrẹl hia gha mu ẹẹn ẹdẹnakhuẹ.

Jọsua 22:20

Yerre wẹ Ekani ne ovbi e Zẹra he ne ọ rhie uhi ne a yi ye ẹmwẹ emwi ne a wẹ ne a fuan, a na rri ivbi Izrẹl hia oya yọ. Ẹ i re Ekani ọkpa ọ re ọ wu ba ẹmwẹ orukhọ ẹre.”