Jọsua 6:1 - Edo Bible (E Baibol Ẹdo) Version 1996

¹ A keghi wa kakabọ khui urho e Jẹriko a na vbe gha khẹ ọre ne ọ ghẹ gie ivbi Izrẹl lao. Ọmwa rhọkpa i sẹtin la uwu Jẹriko ra ne ọmwa rhọkpa vbe ladian vbọ.

Jọsua 6:1 Iomraidhean Croise

II Samuẹl 10:5

E Devid ghi họn ẹmwẹ na, ọ keghi gie ẹvbo ya vba iran, rhunmwuda, ekhue ma gie iran bu ẹre gha dee. Ọ keghi gie ne a khama iran ne iran ya kọ vbe Jẹriko ẹtu iran te sọn sẹ ihe, iran keghi werriegbe gha dee.

II Ọba 17:4

Sokpan ọ ghi sẹ ukpo ọkpa, e Hosia keghi gie emwa bu e So ne ọba Igipt wẹ ne ọ rrọ irẹn rre, ọ na ghi dobọ igho ne ọ te zẹ gie Asiria ukpukpo yi. E Siamanẹsẹ ghi họn ẹmwẹ na, ọ na ya mu Hosia ọ na khui ẹre ye ẹwẹdọ.

II Ọba 2:4

Ẹre Elaija na khama Elaisia wẹẹ, “U ghi mudia vbe emwa na nian; e Nọyaẹnmwa wẹ ne I gha rrie Jẹriko.” Sokpan Elaisia keghi wanniẹn wẹẹ, “I ya ekhọe ne I ya yin uyinmwẹ ẹmwata ghe e Nọyaẹnmwa ne ọ rrọọ kevbe uwẹ vẹn ihẹn wẹ mẹ i ra sẹ uẹ rae.” Ẹre iran na gha rrie Jẹriko.

Psalm 127:1

A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

Jọsua 16:7

Ọ na vbe ke Janoa gha rrie Atarọt ke Naara. Ọ keghi sẹ Jẹriko, ọ na ya khui uhunmwu vbe Jọdan.

Jọsua 18:21

Avbe okpẹvbo ni gha re ọghe avbe ẹgbẹe ni rre ẹwae Bẹnjamin ke gha re Jẹriko Bẹt Hogla, Emẹk Keziz,

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 2:24

Iran tama rẹn wẹẹ, “Aro ima dae wẹ e Nọyaẹnmwa mu ẹvbo nii hia ne ima nẹ. Afianma ima wa fian iran hia ni rre ẹvbo nii.”

Jọsua 2:7

Ugbẹn vbe avbe ukọ ọba ghi kpao nẹ, vbe ẹvbo nii, a keghi khui urho. Iran kegha gualọ avbe ọrhẹ ne ivbi Izrẹl nii ya sẹ ehe ne odẹ na fian ẹzẹ Jọdan rra.

Jọsua 5:15

Ọ re ọkaokuo ivbiyokuo e Nọyaẹnmwa nii na tama rẹn wẹẹ, “Viọ ibata ruẹ hin owẹ rre ighẹ otọe ne ọ huanrẹn ọ re u mudia yan na.” E Jọsua keghi ru vbene a tama rẹn.

Jọsua 6:2

E Nọyaẹnmwa keghi tama e Jọsua wẹẹ, “Danmwehọ, te I ra mu e Jẹriko nuẹn ke ẹe kevbe ọba ẹre kevbe ivbiyokuo ẹre ni wegbe.