Jọsua 5:9 - Edo Bible (E Baibol Ẹdo) Version 1996

⁹ Ẹre Nọyaẹnmwa na tama Jọsua wẹẹ, “Vbe ẹdẹnẹrẹ na. ukpọn efaa ọghe ne uwa na gha re eviẹn vbe Igipt, I ban ẹn uwa ẹre mu fua nẹ.” Ọnii ọ si ẹe ne a na gha tie evba nii Gilgal zẹ vbene a ye tie ẹre ẹdẹnẹrẹ na.

Jọsua 5:9 Iomraidhean Croise

Gẹnẹsis 34:14

Iran keghi kha wẹẹ, “Ma i kue ne ọtẹn ima rọnmwẹ ọmwa nọ ma rhuẹ, efaa ọnii ra gha khin ima re.

II Samuẹl 19:15

Ọ ghi dọlegbe dee, emwa e Juda hia keghi do vba e Devid vbe Ẹzẹ Jọdan vbe ehe ne iran na gha die Gilgal ne iran su ẹe fian ẹzẹ rra.

Nehimaia 12:29

kevbe Betgigal, e Geba kevbe Azmavẹt.

Psalm 119:39

Miẹn mwẹ fan vbe obọ ihẹn ne ohan rẹn mu mwẹ, u miẹn vbe ibuohiẹn ruẹn re ọyunnuan hẹ!

Jerimaia 9:25

E Nọyaẹnmwa keghi kha wẹẹ, “Ẹghẹ dee ne I gha na rri ivbi Igipt oya kevbe Juda, Idọm, Amọn, e Moab, kevbe avbe iran ni rre ato ni gbe eto iran muotọ, iran na hia rhuẹre, sokpan iran i mu ilele ne a mwamwa yọ sẹ. Iran na hia, kevbe ivbi Izrẹl, ne ọ mu ilele mwẹ sẹ i rrọ.”

Ezikiẹl 23:3

Ẹghẹ ne iran he na ye giẹrẹ vbe iran rre Igipt, ọghẹrẹ iran giagiae, iran na khian ebabotu.

Ezikiẹl 23:8

Iwinna ebabotu ne ọ suẹnrẹn vbe ọ rre Igipt, ehe ne ọghẹrẹ ọre na fian, ọ keghi ye gha ru ẹe khian. Ẹghẹ ne ọ he na rre ọvbokhan okhuo, ọre avbe ikpia kegha gu ẹe ru emwi, iran kegha ru ẹe vbene a ru ebabotu.

Hozia 4:15

“A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Levitikọs 24:14

“Rhie ọmwa nii hin uwu agọ rre. Emwa ni họẹn vbe ọ tie ihẹn hia ghi viọ obọ yan ẹre uhunmwu ne iran ya sẹ osẹe wẹ ọ rrie abe, iyeke ọnii, emwa hia ghi koko filo okuta gbe ẹe rua.

Emọs 5:5

Wa ghẹ yo ya ga vbe Biẹsiẹba. Wa ghẹ yo ya gualọ mwẹ vbe Bẹtẹl, e Bẹtẹl gha la ọrhiae rrie. Wa ghẹ ye Gilgal, a mu emwa ni rrọ uhunmwu da iwe nẹ.”

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Zẹfanaia 2:8

E Nọyaẹnmwa ne Oghodua khare wẹẹ, “I họẹn vbe ivbi e Moab kevbe Amọn zan emwa mwẹ iran keghi vbe tie ihen ne iran, iran keghi vbe rhuọ wẹ iran gha miẹn iran otọ iran.

Jọsua 24:14

“Banbanna nian khekherriọ,” wa ya uhunmwu rhanmwẹ otọ ne Nọyaẹnmwa, “ne uwa ye ẹkoata gae vbe ẹmwata. Wa mianmian avbe ẹbọ ne avbe erha uwa odede te gha ghoo vbe Mẹsopotamia kevbe Igipt ne uwa gha ga e Nọyaẹnmwa, ọkpa kẹkan.

Jọsua 4:19

Ikpẹdẹ ne ogigbe vbe uki ne ogienẹ, ne ọ re uki ne okaro, ọre emwa ni na fian Jọdan rra, iran keghi gbe agọ ye Gilgal vbe olarre owẹn Jẹriko.

Jọsua 5:8

Iran ghi rhuẹ iran fo nẹ, agbọn ẹvbo ni hia kegha rre agọ rhinrin ewẹn ọnrẹn te do rrie.

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”

I Samuẹl 17:26

E Devid keghi nọ emwa ni mudia ke ẹe vbe evba wẹẹ, “De emwi ne a gha ru ne ọmwa ne ọ sẹtin gbe ọmwa na yi, ne ọ vbe ban ukpọn efaa na hin Izrẹl ẹkun rre? Vbe ọ ke rre ighẹ ọ na ghẹ ovbi e Filistin ne ukpikolo, ne ọ do gha fa iran an ighẹ ivbiyokuo Osanobua ne ọ rrọọ.”

I Samuẹl 17:36

I gbele avbe oduma kevbe akpakomiza, e rriọ I ra vbe ru e Filistin ne ukpikolo na, ọmwa ne ọ fa ivbiyokuo Osanobua nọ rrọ ua.

I Samuẹl 7:16

Ukpukpo ọ re irẹn ya gha lae ga ke Bẹtẹl gha rrie Gilgal kevbe Mizpa. Ọ ghi gha bu ohiẹn lele ehe na hia khian.