Jọsua 5:2 - Edo Bible (E Baibol Ẹdo) Version 1996

² Ẹre Nọyaẹnmwa na tama e Jọsua wẹẹ, “Ya okuta nọ wegbe ru abẹe ne u ya rhuẹ ivbi Izrẹl.”

Jọsua 5:2 Iomraidhean Croise

Ẹksọdọs 4:25

E Zipora ne amwẹ ọnrẹn keghi rhie okuta ne ọ mu, ọ keghi fian ovbi ẹre ne okpia ukpikolo, ọ keghi ya ẹe kan owẹ e Mosis. Okhuo nii keghi kha wẹẹ, “Ọdafẹn ọha ọghe esagiẹn ọre u gele khin mwẹ re.” Ẹre Nọyaẹnmwa ghi na sẹ Mosis rae. Ẹghẹ nii ọre ọna kha wẹẹ, “Ọdafẹn ọha ọghe esagiẹn” rhunmwuda arhuẹ nii.

Ebe ne Pọl gbẹẹn gie emwa Rom 2:29

Sokpan e Ju ne ọ gele re Ju ọrọre ne ọ re Ju vbe ekhọe, ọnii nọ wẹ ne a rhuẹre vbe uwu ekhọe, emwi na keghi re iwinna ne Orhiọn Osanobua winna ighẹ ẹ i re Uhi ne a gbẹnnẹ ye otọ. Ọmwa vbe nian, Osanobua ọre ọ tian rẹn ighẹ ẹ i re emwa ne agbọn.

Ebe ne Pọl gbẹẹn gie emwa Rom 4:11

Okiekie ọre a ghi do ya rhuẹ ọre. Arhuẹ ne ọ rhuẹre keghi re ne a ya rhie maa wẹ ẹghẹ ne Ebraham ma na he rhuẹ Osanobua ka ẹe ye ọmwata vbe odaro ẹre rhunmwuda iyayi ẹre rhunmwuda ọnii, Ebraham keghi re erha vbekpa ọghe orhiọn ne iran hia ni ya Osanobua yi, ne irẹn vbe ka ye emwata vbe odaro ẹre, a gha rhe miẹn wẹ iran ma rhuẹ.

Diuteronomi 10:16

Rhunmwuda onii nian, wa gha họn ẹmwẹ ne Nọyaẹnmwa, wa dobọ iyienhọ yi.

Diuteronomi 30:6

E Nọyaẹnmwa Osanobua rua gha rhie ekhọe ne ọ họn ẹmwẹ ne uwa kevbe avbe ivbi uwa, wa ghi ya ekhọe uwa hia kevbe orhiọn uwa hia ho ẹmwẹ ọnrẹn wa ghi vbe gha yin otọe nii khian.

Kọlose 2:11

Wa ghi ya egbe ba irẹn nẹ, wa keghi do khian emwa ne a rhuẹ re, ẹ i re egbe a rhuẹ ne emwa ne agbọn ya obọ ru, sokpan arhuẹ ọghe Kristi tobọ ẹre ne ọre a rhan ọmwa vbe irri hin obọ egbe orukhọ na rre.

Jọsua 5:3

Ẹre Jọsua na gele ru abẹe, ọ na rhuẹ iran vbe Oke Arhuẹ.