Jọsua 4:9 - Edo Bible (E Baibol Ẹdo) Version 1996

⁹ E Jọsua kevbe mwamwa okuta iweva ye adesẹ Jọdan ehe ne avbe ohẹn ni mu Ẹkpẹti Ile Nọyaẹnmwa mudia yi (avbe okuta na ye rre evba.)

Jọsua 4:9 Iomraidhean Croise

Gẹnẹsis 26:33

Rẹn keghi he uhae nii “Siba.” Ọnii ọ siẹe ne a na ye tie ẹvbo nii “Biẹsiẹba.”

Gẹnẹsis 28:18

E Jekọb keghi guakpaọ vbe owiẹ vbirrivbirri ne ọ lelẹe, ọ keghi mu okuta ne ọ ya ke uhunmwu, ọ na muẹn mudia zẹ vbe okuta iyama. Ọ keghi tue ofigbọn oliv yan rẹn ne ọ yae fiohan ne Osanobua.

II Samuẹl 4:3

Emwa ni ka yin ẹnrẹn lẹkua gha rrie Giteim, evba ọ re iran ghi ye ke ẹghẹ nii gha dee.)

I Ọba 18:31

Ọ keghi munọ okuta iweva, ọkpọkpa ọghe ivbi e Jekọb, ọmwa ne Nọyaẹnmwa he ẹre Izrẹl.

II Krọnikol 5:9

Ọmwa ne ọ mudia ye odaro Ehe Ne ọ Huan Sẹe Ehia sẹtin wa bẹghe ukpẹ avbe ọkpọ nii, sokpan, ehe ọvbehe ne a ghi na sẹtin bẹghe ẹre, ẹ i ghi rrọọ. (Avbe ọkpọ ni ye rre evba do sẹ ẹdẹnẹrẹ na.)

Ẹksọdọs 24:12

E Nọyaẹnmwa keghi tama e Mosis wẹẹ, “Hin odukhunmwu oke bu mwẹ gha dee ne u do mudia mwa. Mẹ gha viọ uhanhan okuta eva ne avbe iyi kevbe uhi nii ye nuẹn, emwi ne imẹ gbẹnnẹ ne a ya gha ma avbe emwa na emwi.”

Ẹksọdọs 28:21

Eni ivbi e Jekọb iweva ghi gha rre ọkpọkpa vbe avbe okuta na. Ọna ghi do mudia ye ihe ẹwae ivbi Izrẹl.

Matiu 27:8

Ọnii ọ zẹẹ ne a na tie otọe nii “Otọe Esagiẹn” do sẹ ẹdẹnẹrẹ na.

Matiu 28:15

Iran ni khẹ odẹ keghi mu igho ni, iran keghi ru zẹ vbene a tama iran. Erriọ avbe Ju ye ta ẹmwẹ na khian do sẹ ẹdẹnẹrẹ na.

Diuteronomi 34:6

E Nọyaẹnmwa keghi re ẹre ye iya ne ọ mu aro da Betpeọ, sokpan do sẹ ebanbanna, ọmwa ne ọ rẹn ehe ne a wa re ẹre yi zẹẹ, ẹ i rrọ.

Jọsua 24:26

E Jọsua keghi gbẹnnẹ uhi na ye ebe uhi ọghe Nọyaẹnmwa. Ọ keghi mu okuta nọkhua, ọ na muẹn yotọ vbe evba vbe ototọ okan vbe ehe Ne ọ huanrẹn ọghe Nọyaẹnmwa,

Jọsua 4:10

Avbe ohẹn keghi mudia ye adesẹneva Jọdan a te do miẹn wẹ a ru emwi hia ne Nọyaẹnmwa tama e Jọsua wẹ ne ọ tama iran ne iran ru. Erriọ e Mosis tae. Emwa nii ke zẹgiẹgiẹ fian e Jọdan rra.

Giọgis 1:26

Ọ kegha rrie ẹvbo emwa Hiti, ọ keghi bu ẹvbo ọkpa yọ. Ọ na gha tie ẹre Luz. Erriọ ọre a ye tie ẹre na.

I Samuẹl 30:25

E Devid keghi mu emwi na yotọ zẹ vbe iyi, erriọ ọ re a ye ru ẹe vbe Izrẹl ke ẹghẹ ni gha dee.

I Samuẹl 7:12

Ẹre Samuẹl na mu okuta ọkpa, ọ keghi mu ẹẹn ye ẹkpo Mizpa kevbe Siẹn, ọ wẹẹ, “Te Nọyaẹnmwa wa yi ima obọ ke ẹghẹ ni gha dee.” Ọ na rhunmwuda onii gha tie ẹre “Okuta Iyobọ.”