Jọsua 4:3 - Edo Bible (E Baibol Ẹdo) Version 1996

³ u ghi tama iran wẹẹ wa viọ okuta iweva ke adesẹneva Jọdan ladian, vbe ehe ne avbe ohẹn mudia yi dandaandan, wa viọ iran mwẹ obọ gha khian, ne uwa viọ iran ye otọ vbe ehe ne uwa gha bu agọ yi asọn nẹrẹ.”

Jọsua 4:3 Iomraidhean Croise

Gẹnẹsis 28:22

Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”

Psalm 103:2

Rho e Nọyaẹnmwa wẹ ekhọe mwẹ, ghẹ vbe mianmian vbene ọ mwẹ itohan hẹ.

Psalm 11:4

E Nọyaẹnmwa rre uwu Ọgua Osa ẹre ne ọ huanrẹn, ẹkete ẹre rre ẹrinmwi. Ọ gha ghe emwa hia vbe ehe hia. Ọ rẹn emwi ne iran ru.

Iyẹn ne ọ Maan Ọghe Luk 19:40

Jesu wanniẹn wẹẹ, “Ne I tama uwa, a deghẹ iran hunwan, avbe okuta tobọ iran gha mu go.”

Jọsua 24:27

ọ keghi tama emwa ni hia wẹẹ, “Wa ghe okuta na; ọ na ọ re ọ ra gha re osẹe ima. Ọ họn ẹmwẹ hia ne Nọyaẹnmwa tama ima. Rhunmwuda rẹn ọ re ọ ra sẹ osẹe gbe uwa, ne ọ ghẹ gie uwa ya sọtẹ ghe Osanobua uwa.”

Jọsua 3:13

Avbe ohẹn ni mu Ẹkpẹti Ile ọghe Nọyaẹnmwa uhunmwu otọ agbọn hia gha viọ owẹ iran ye uwu amẹ nii, ẹzẹ Jọdan ghi dobọ ulẹmwẹ yi, amẹ ni lẹ ke uhunmwu Ẹzẹ dee ghi hẹnhẹn ye ihọkpa.”

Jọsua 4:4

Ẹre Jọsua na tie ikpia iweva ne ọ zẹe.

Jọsua 4:8

Emwa nii keghi ru vbene Jọsua khare. Iran keghi viọ okuta iweva vbe adesẹ Jọdan zẹ vbene Nọyaẹnmwa tama iran, ọkpọkpa ne ẹwae ọkpọkpa vbe Izrẹl, iran keghi viọ iran gha rrie ehe ne iran bu agọ yi vbe oke, iran na viọ iran ye otọ vbe evba.

I Samuẹl 7:12

Ẹre Samuẹl na mu okuta ọkpa, ọ keghi mu ẹẹn ye ẹkpo Mizpa kevbe Siẹn, ọ wẹẹ, “Te Nọyaẹnmwa wa yi ima obọ ke ẹghẹ ni gha dee.” Ọ na rhunmwuda onii gha tie ẹre “Okuta Iyobọ.”