Jọsua 4:10 - Edo Bible (E Baibol Ẹdo) Version 1996

¹⁰ Avbe ohẹn keghi mudia ye adesẹneva Jọdan a te do miẹn wẹ a ru emwi hia ne Nọyaẹnmwa tama e Jọsua wẹ ne ọ tama iran ne iran ru. Erriọ e Mosis tae. Emwa nii ke zẹgiẹgiẹ fian e Jọdan rra.

Jọsua 4:10 Iomraidhean Croise

Psalm 119:60

Vbe ne ai na rhọ eghẹrẹ ẹgiẹgiẹ ọ re I ya ye iyi ruẹ ru emwi.

Ẹksọdọs 12:39

Iran kegha ya irhuarhua ne iran mu ke Igipt ladian fian ebrẹd ne ọ ma hue rhunmwuda ne a na khulo iran ke Igipt ladian ẹgiẹgiẹ. Iran ma miẹn ẹghẹ ya le evbare ne egbe iran, ra ne iran fian ebrẹd ne ọ huere.

Itan 27:1

Ghẹ rhuọ khẹ ẹdẹ nakhuẹ; wẹ ma rẹn emwi ne ọ gha sunu ke ẹghẹ na kpao ya sẹ ẹghẹ nii.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Aizaia 28:16

Vbe ne Nọyaẹnmwa ne Udazi ghi kha hẹ ọ re ọna khin nian, “I ra mu ẹyotọ ọkpa ne ọ deziẹn kevbe ne ọ wegbe ye Zaiọn. I ra vbe mu okuta ẹyotọ ọkpa ne ọ wegbe yọ, a keghi gbẹnnẹ ẹmwẹ vbenian yan rẹn, ‘Iyayi ne ọ deziẹn, te ọ vbe ziengbe.’

II Kọrinti 6:2

Wa họn vbene Osanobua kha hẹ: “I họn ọwua vbe ẹghẹ ne I ya ru uwa ẹse: I ye uwa obọ vbe ẹdẹ imiẹnfan.” Wa danmwehọ nian, ẹghẹ ne a ya miẹn aro ne ọ maa Osanobua ọna khin na, ẹdẹ nẹ rẹ ọrọre ẹdẹ imiẹnfan.

Diuteronomi 31:9

Ẹre Mosis na gbẹnnẹ avbe uhi Osanobua ye otọ, ọ na mu ne avbe ohẹn Livai ni siẹn ro Ẹkpẹti Ile ọghe Nọyaẹnmwa kevbe avbe ọkaolotu Izrẹl.

Jọsua 24:11

Wa keghi fian Jọdan rra gha die Jẹriko. Ivbi e Jẹriko kegha gu uwa gbinna vbene emwa Amọri, Pẹriz, Hiti, Gẹgas, Hivi kevbe Jebus vbe ru. I keghi rhie akhọnmiotọ ne uwa vbe uhunmwu iran.

Jọsua 3:13

Avbe ohẹn ni mu Ẹkpẹti Ile ọghe Nọyaẹnmwa uhunmwu otọ agbọn hia gha viọ owẹ iran ye uwu amẹ nii, ẹzẹ Jọdan ghi dobọ ulẹmwẹ yi, amẹ ni lẹ ke uhunmwu Ẹzẹ dee ghi hẹnhẹn ye ihọkpa.”

Jọsua 4:11

Ugbẹn vbe iran ghi fian ẹẹn rra nẹ, Ẹkpẹti Ile Nọyaẹnmwa kevbe avbe ohẹn keghi ke odaro ne emwa nii.

Jọsua 4:9

E Jọsua kevbe mwamwa okuta iweva ye adesẹ Jọdan ehe ne avbe ohẹn ni mu Ẹkpẹti Ile Nọyaẹnmwa mudia yi (avbe okuta na ye rre evba.)