Jọsua 3:7 - Edo Bible (E Baibol Ẹdo) Version 1996

⁷ Ẹre Nọyaẹnmwa na tama Jọsua wẹẹ, “Emwi ne I ra ru ẹrẹna gha ya ivbi Izrẹl hia ya ọghọ nuẹn zẹ vbe okpọmwa, iran ghi vbe rẹn wẹ I rrọ yaba ruẹ zẹ vbene I vbe gha rrọọ yaba e Mosis.

Jọsua 3:7 Iomraidhean Croise

I Krọnikol 29:25

E Nọyaẹnmwa keghi ru ẹe ne ohan e Solomọn gha mu otọe ẹvbo hia, ọ keghi ya ẹe mwẹ uyi sẹẹ avbe ọba hia ne ọ he rriọba vbe Jerusalẹm.

II Krọnikol 1:1

Obọ e Solomọn ne ovbi e Devid ne ọba keghi gba otọe arriọba Izrẹl, e Nọyaẹnmwa ne Osanobua keghi wa fiangbe ẹe, ọ keghi ya ẹe gha mwẹ ẹtin ẹsẹse.

Job 7:17

Vbọzẹ ne ọmwa na ye gẹdẹgbẹ vbe aro ruẹ yi? Vbe u a na vbe zẹ ye emwi ne ọ ru hẹ yi?

Psalm 18:35

Nọyaẹnmwa, wẹ ọ re ọ degue mwẹ u na vbe miẹn mwẹ fan vbe u ya gbe aro ghe mwẹ ya mwẹ khian nọkhua. Ẹtin ruẹn ya mwẹ gha rrọọ vbe ai mwẹ ẹbe.

Iyẹn ne ọ Maan Ọghe Jọn 17:1

Ugbẹn vbe Jesu ghi ta avbe ẹmwẹ na fo nẹ, ọ keghi tọn aro mu ghe odukhunmwu, ọ wẹẹ, “Evbavba, ẹghẹ na kha nii sẹ nẹ nian. Rhie uyi ne Ovbi uẹ ne Ọmọ vbe rhie uyi nuẹn.

Filipai 1:20

Rhunmwuda, emwi ne I mobọ ho kevbe ne I danmwehọ ẹre, ọrọre ne a ghẹ miẹn ighẹ I ma ghi sẹtin winna iwinna mwẹ, sokpan ne a miẹn wẹ vbe ẹghẹ hia, kpataki vbe iwinna na, ne ẹtin gha rre iwu, vbe ne a gha na miẹn wẹ, egbe mwẹ hia ọre I ghi ya rhie uyi gie Kristi, te I rre agbọn ra te I wu.

Jọsua 1:17

Ma gha họn ẹmwẹ nuẹn zẹ vbene ima vbe gha họn ẹmwẹ ne Mosis. Sokpan ne Osanobua gha rrọọ yaba ruẹ zẹ vbene ọ vbe gha rrọọ ba e Mosis!

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Jọsua 3:6

Ẹre Jọsua na tama avbe ohẹn wẹẹ ne iran tọn Ẹkpẹti Ile nii mu ne iran ke odaro ne avbe emwa nii. Iran keghi ru vbene ọ khare.

Jọsua 3:8

Tama avbe ohẹn ni mu Ẹkpẹti Ile wẹẹ, iran gha sẹ ẹzẹ nii, iran ghi mudia vbe uwu amẹ, vbe ọkpẹn oke.”

Jọsua 4:14

Emwi ne Nọyaẹnmwa ru ẹdẹrriọ keghi ya ivbi Izrẹl gha rhie ọghọ ne Jọsua zẹ vbe okpọmwa. Iran kegha ya ọghọ ne ẹẹn vbe ẹdẹ agbọn rẹn hia, zẹ vbene iran vbe gha ya ọghọ ne Mosis.