Jọsua 3:5 - Edo Bible (E Baibol Ẹdo) Version 1996

⁵ E Jọsua keghi tama emwa ni wẹẹ, “Wa họnmwẹ egbe rhunmwuda vbe ẹdẹ ne akhuẹ, e Nọyaẹnmwa gha ru emwi nọkhua vbe uwu ẹbu uwa.”

Jọsua 3:5 Iomraidhean Croise

Job 1:5

Vbe owiẹ ne ọ ghi lele avbe ẹdẹ vberriọ, e Job ghi rhiọkpaegbe vbe owiẹ fioo, ọ ghi ya zọ ese ya họnmwẹ ivbi ẹre hia egbe ua. Emwi ne ọ ya ẹe ru ọna ọrọre wẹ rẹn rorẹe wẹ, u gha ghe, ọ defi eso unu vbọ, ọ na fi unu giẹ Osanobua.

Psalm 77:15

Ẹtin ruẹn ọ re u ya miẹn emwa ruẹn fan ivbi uniẹn Jekọb kevbe Josẹf.

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Joẹl 2:16

Mu iran egbe ye otọ khẹ iko nọhuanrẹn viọ avbe ọmaẹn rre, si avbe ibiẹka koko, kevbe emobọ negiẹrẹ, ya sẹ egbe ọdọ vbe amwẹ ni da rọnmwẹ egbe, wẹ ne iran kpa vbe owa rre ne iran gha dee.

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Levitikọs 20:7

Wa da egbe uwa yi vbe ne ọ huanrẹn rhunmwuda mẹ ọ re Nọyaẹnmwa Osanobua rua.

Nọmbas 11:8

Emwa ni ghi ya rhọ ẹre, iran ghi lọe ra ne iran dunmwu ẹre irhuarhua, a ghi do lẹe, a ghi ya fian eka ne parhaparha. A gha ghe ẹre ọ ghi ye vbe ebrẹd ne a ya ofigbọn oliv gbe a ke lẹe. Evbu ne ọ tuo ọre nene mana lele dele ye agọ nii vbe asọn.

Iyẹn ne ọ Maan Ọghe Jọn 17:19

Rhunmwuda iran, ọre I na ya egbe mwẹ fi ohan nuẹn, ne iran tobọ iran miẹn ehe na vbe khian ọwuẹ vbe ẹmwata.

Jọsua 3:13

Avbe ohẹn ni mu Ẹkpẹti Ile ọghe Nọyaẹnmwa uhunmwu otọ agbọn hia gha viọ owẹ iran ye uwu amẹ nii, ẹzẹ Jọdan ghi dobọ ulẹmwẹ yi, amẹ ni lẹ ke uhunmwu Ẹzẹ dee ghi hẹnhẹn ye ihọkpa.”

Jọsua 3:4

Erriọ uwa gha na rẹn odẹ ne uwa gha la, vbene a na miẹn wẹ wa ma he ka sẹ edinran ẹdẹ, sokpan, wa ghẹ sikẹ nene Ẹkpẹti Ile, wa ghi rhie omwa ukhiọnmwẹ ibiriki ọkpa ye ẹkpo vbe odieke ẹre.”

Jọsua 3:6

Ẹre Jọsua na tama avbe ohẹn wẹẹ ne iran tọn Ẹkpẹti Ile nii mu ne iran ke odaro ne avbe emwa nii. Iran keghi ru vbene ọ khare.

Jọsua 7:13

Kpaegbe! Ya khuẹ awua hin egbe avbe emwa nii rre ne u wẹ ne iran mu egbe ne iran bu mwẹ gha dee. Tama iran ne iran mu egbe ne iran bu mwẹ gha dee ẹdẹ nakhuẹ, rhunmwuda mẹ ne Osanobua Izrẹl mwẹ emwi ne I ra ta wẹẹ: ‘Izrẹl, emwi eso ne I wẹ ne uwa fuẹn uan guẹ. Wa i ra sẹtin mudia vbe odaro avbe eghian uwa vbe ẹi re te uwa viọ avbe emwi na hin ehe ne uwa ye rre nẹ.’

I Samuẹl 16:5

Rẹn keghi wanniẹn wẹẹ, “Ẹn, te I rre do zọ ese ghe Nọyaẹnmwa. Wa họnmwẹ egbe ne uwa bu mwẹ gha dee.” Ọ keghi vbe wẹ Jese kevbe ivbi ẹre họnmwẹ egbe, ọ na wẹ ne iran vbe gha die ehe izọese nii.