Jọsua 3:3 - Edo Bible (E Baibol Ẹdo) Version 1996

³ Iran keghi tama emwa nii wẹẹ, “Wa gha bẹghe avbe ohẹn vbe iran a mu Ẹkpẹti Ile ọghe Nọyaẹnmwa Osanobua rua, wa rhọ emwi ne uwa lele iran.

Jọsua 3:3 Iomraidhean Croise

II Samuẹl 6:13

Iran ni mu Ẹkpẹti Ile nii ghẹ ghi vbe zẹ owẹ ehan, e Devid ghi ya ẹkhuia ẹmila kevbe ohuan ne ọ tii zọ ese ghe Nọyaẹnmwa.

II Samuẹl 6:3

Iran keghi mu ẹẹn yan okotọ ọgbọn, iran keghi ya mu ẹẹn ke owa Abinadab ne ọ rre uhunmwu oke gha dee. Uzza kevbe Ahio ne ivbi Abinadab ọ re ọ dia nene okotọ.

I Ọba 8:3

Avbe ọkaolotu ni hia ghi si egbe koko nẹ, avbe ohẹn keghi mu Ẹkpẹti Ile nii.

Jerimaia 33:18

Kevbe wẹ te a gha vbe gha miẹn ohẹn rhinrin vbe ẹwae Livai, ne ọ gha ga mwẹ ne ọ gha vbe gha yo imuohan ọka gunmwẹ, ne ọ vbe gha zọ ese.”

Nọmbas 10:33

Ugbẹn vbe emwa nii ghi sii kpao vbe Sainai ne oke ne ọ huanrẹn, iran keghi khian okhian ikpẹdẹ eha, Ẹkpẹti Ile ọghe Nọyaẹnmwa keghi kodaro ne iran ne ọ gualọ ehe ne iran gha bu agọ yi ne iran.

Nọmbas 4:15

Ọ gha sẹ ẹghẹ ne a ya si kpao vbe agọ, ivbi e Kohat ghi do viọ avbe emwi nihuanrẹn nii, iyeke vbe avbe ivbi ẹre a ghi ya emwi gue ehia kevbe emwi ne a lo ba iran fo nẹ. Wẹ ne ivbi e Kohat ghẹ ye obọ kan emwi nihuanrẹn ni ne iran ghẹ wulo. “Iwinna ne ọ kan ivbi e Kohat vbe ẹghẹ ne a rhirhi ya si vbe agọ ọre ena khin.

Matiu 16:24

Jesu keghi tama avbe erhuanegbe ẹre wẹẹ, “Ọmwaikọmwa ne ọ ho ne irẹn lele mwẹ, wẹ ne ọ mianmian enegbe ẹre, ne ọ mu ugbugbe ẹre, ne ọ lele mwẹ.

Matiu 8:19

Ọma emwa Uhi ọkpa keghi bu ẹre rre, ọ wẹẹ, “Ọmamwa ne ọ ma emwa Uhi, I ho ne I gha leluẹ le ehe ne u rhirhi a gha rrie.”

Diuteronomi 31:25

Ọ ghi gbẹn ọẹn fo nẹ, ọ keghi tama avbe ohẹn e Livai, iran ni sin ẹro Ẹkpẹti Ile ọghe Nọyaẹnmwa wẹẹ,

Diuteronomi 31:9

Ẹre Mosis na gbẹnnẹ avbe uhi Osanobua ye otọ, ọ na mu ne avbe ohẹn Livai ni siẹn ro Ẹkpẹti Ile ọghe Nọyaẹnmwa kevbe avbe ọkaolotu Izrẹl.

Jọsua 3:4

Erriọ uwa gha na rẹn odẹ ne uwa gha la, vbene a na miẹn wẹ wa ma he ka sẹ edinran ẹdẹ, sokpan, wa ghẹ sikẹ nene Ẹkpẹti Ile, wa ghi rhie omwa ukhiọnmwẹ ibiriki ọkpa ye ẹkpo vbe odieke ẹre.”

Jọsua 3:6

Ẹre Jọsua na tama avbe ohẹn wẹẹ ne iran tọn Ẹkpẹti Ile nii mu ne iran ke odaro ne avbe emwa nii. Iran keghi ru vbene ọ khare.

Jọsua 3:8

Tama avbe ohẹn ni mu Ẹkpẹti Ile wẹẹ, iran gha sẹ ẹzẹ nii, iran ghi mudia vbe uwu amẹ, vbe ọkpẹn oke.”

Jọsua 4:10

Avbe ohẹn keghi mudia ye adesẹneva Jọdan a te do miẹn wẹ a ru emwi hia ne Nọyaẹnmwa tama e Jọsua wẹ ne ọ tama iran ne iran ru. Erriọ e Mosis tae. Emwa nii ke zẹgiẹgiẹ fian e Jọdan rra.

Jọsua 6:6

Ẹre Jọsua na tie avbe ohẹn, ọ keghi tama iran wẹẹ, “Wa mu Ẹkpẹti Ile nii, wa ihinrọn ke odaro ne ẹẹn wa ghi viọ orhu mwẹ. Avbe ivbiyokuo ghi ke odaro ne uwa.”

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.

I Samuẹl 6:15

Avbe e Livai keghi tọn Ẹkpẹti Ile nii mu ke ẹe kevbe ẹkpẹti ne iran viọ amazẹ igoru yi nii, iran keghi viọ iran yan okuta nii. Ẹre emwa e Bẹt Siemẹs na viọ emwi izẹọhẹ ne a giẹn uan rre, deba emwi izọ ese ọvbehe gie Nọyaẹnmwa.