Jọsua 3:11 - Edo Bible (E Baibol Ẹdo) Version 1996

¹¹ Ẹkpẹti Ile ọghe Nọyaẹnmwa uhunmwu otọ agbọn hia ra ke odaro ne uwa ya fian Ẹzẹ Jọdan rra.

Jọsua 3:11 Iomraidhean Croise

I Krọnikol 29:11

U kpọlọ ẹsẹse, u kevbe mwẹ ẹtin ne ọ vuọn ne ose kevbe orrirri. Wẹ ọ re ọ yan emwi hia ni rre ẹrinmwi kevbe agbọn wẹ ọrọre ọba, ogie nọkhua ne ọ kha yan emwi hia.

Job 41:11

De ọmwa ne ọ gha gu ẹe gbinna, ne ọ gha miẹn uhunmwu? Orhiọnkpa ne ọ gha sẹtin ru ẹe i rre agbọn na.

Psalm 24:1

E Nọyaẹnmwa ọ re ọ yan agbọn na, kevbe emwi ni rre uwu ẹre hia. Rẹn ọ re ọ yan otọe agbọn kevbe iran ni rrọ hia.

Psalm 97:5

Avbe oke ranraẹn zẹ vbe odan vbe odaro Nọyaẹnmwa ne ọ yan agbọn hia.

Aizaia 3:12

Iran ni rhie igho isu ne emwa mọmọ gha wọ emwa mwẹ uhunmwu, iran ni rri iran osa kevbe gha mu iran ru. Wa ne emwa mwẹ avbe ọkaolotu uwa bibi uwa odẹ sẹrriọ wẹ, wa ma ghi rẹn odẹ ne uwa ghẹ ghi la.

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Jerimaia 10:7

De ọmwa ne ẹ i ra ya ọghọ ne uẹn, ọba avbe uhunmwu ẹvbo, hia? U sẹe ne a yọghọ na ọmwa ne ọ ye vbe ruẹ i rrọọ, vbe uwu avbe umẹwaẹn uhunmwu ẹvbo hia, ra vbe uwu avbe ọba iran.

Maika 4:13

E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.

Zẹkaraia 14:9

Ẹghẹ nii e Nọyaẹnmwa ghi gha re ọba yan otọ agbọn hia, emwa hia gha ga ẹe zẹ vbe Osanobua, iran ghi vbe gha ya eni ọkpa tie ẹre.

Zẹkaraia 4:14

Ẹre irẹn ghi na kha wẹẹ, “Iran na ọrọre avbe ikpia eva ne Osanobua zẹe, ọ na vbe nọnọ ori ye iran uhunmwu ne iran gha ga irẹn, ne e Nọyaẹnmwa ne ọ yan otọ agbọn hia.”

Zẹkaraia 6:5

Rẹn keghi wanniẹn wẹẹ, “Avbe ẹhoho enenẹ ena khin, te iran wa da ke akharha e Nọyaẹnmwa ọghe otọ agbọn hia dee na.”

Diuteronomi 9:3

Banbanna nian, wa tobọ uwa gha miẹn ọẹn wẹ te Nọyaẹnmwa khian ke odaro ne uwa zẹ vbe erhẹn ne ọ to. Ọ gha khọn miẹn iran otọ zẹ vbene uwa ya nana ghe odaro, vbene uwa gha na sẹtin khulo iran ladian ne uwa vbe zẹgiẹgiẹ fuẹn iran uan, zẹ vbene irẹn yanrẹn.

Jọsua 3:13

Avbe ohẹn ni mu Ẹkpẹti Ile ọghe Nọyaẹnmwa uhunmwu otọ agbọn hia gha viọ owẹ iran ye uwu amẹ nii, ẹzẹ Jọdan ghi dobọ ulẹmwẹ yi, amẹ ni lẹ ke uhunmwu Ẹzẹ dee ghi hẹnhẹn ye ihọkpa.”