Jọsua 3:1 - Edo Bible (E Baibol Ẹdo) Version 1996

¹ Vbe owiẹ ne ọ lelẹe, e Jọsua keghi kpaegbe ke ẹe kevbe ivbi Izrẹl hia, iran keghi si kpao hin agọ Akesia rre, iran na gha rrie Jọdan. Iran keghi si agọ bu vbe evba, iran kevbe fian ẹẹn rra.

Jọsua 3:1 Iomraidhean Croise

Gẹnẹsis 21:14

Vbe owiẹ vbe ẹdẹ ghi gbe, Ebraham keghi rhie evbare eso kevbe ọgọ ohian ne amẹ voẹn ne Hega. Ọ keghi mu ọmọ nii vbovbo eẹ, ọ na wẹẹ ne iran gha rrie. Okhuo nii keghi kpao, ọ na ya gha bibi lele uwe ẹgbo Biẹsiẹba khian.

Gẹnẹsis 22:3

Vbe owiẹ vbe ẹdẹ ne ọ lelẹe, Ebraham keghi mu ekẹtẹkẹtẹ ọre, ọ na yọ emwi yọ ọre egbe, ọ na rhie Aizik kevbe eva vbe uwe eguọmwadia ẹre ba egbe. Ọ na giagia erhan eso ne a ra ya zọ ese, ọ na mu uhunmwu da ehe ne Nọyaẹnmwa tama rẹn.

Psalm 119:60

Vbe ne ai na rhọ eghẹrẹ ẹgiẹgiẹ ọ re I ya ye iyi ruẹ ru emwi.

Jerimaia 25:3

“Ukpo eha yan ugie ọ re ọ ghi ye na, a tie ẹre ukpo iwera ne Josaia ne ovbi Amọn kegha re ọba e Juda gha dee do sẹ ẹdẹnẹrẹ na, ẹre Nọyaẹnmwa ya gha gunmwẹ guan, a ma he vbe miẹn wẹ I ma ta ẹmwẹ ne ọ tae ma uwa. Sokpan wa ma zẹ yọ.

Jerimaia 26:5

Kevbe ne uwa gha danmwehọ ẹmwẹ ne avbe eguọmwadia mwẹ ta, kevbe avbe akhasẹ ne I wa gha gie bu uwa rre. Wa ma he ya emwi ne iran tae ru emwi ẹdẹ.

Jerimaia 7:13

Wa ru avbe orukhọ na hia ne, a gha rhe miẹn wẹ te I gha gu uwa guan kugba kẹghẹrẹ, wa ma danmwehọ. I tie uwa wa ma khuẹnniẹn.

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Nọmbas 25:1

Ivbi Izrẹl ghi bu agọ ye Ehanhan Akesia, ikpia ni rrọ kegha gu avbe ikhuo e Moab ni rre evba ru emwi.

Iyẹn ne ọ Maan Ọghe Mak 1:35

Jesu keghi ladian vbe owiẹ fioo, vbe ẹdẹ ma he gbe, ọ kegha rrie ehe ne ọ divbiẹ vbe a la hin ore ẹvbo rre, ọ keghi ya na erhunmwu.

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 6:12

Vbe ikpẹdẹ ne ọ lelẹe, e Jọsua keghi kpaegbe vbe owiẹ vbirrivbirri, avbe ohẹn kevbe tọn Ẹkpẹti Ile mu. Avbe ohẹn ni ihinrọn ni viọ orhu mwẹ keghi ke odaro, iran na gha si avbe orhu nii khian. Avbe ivbiyokuo ke odaro ne iran, vbene avbe abodẹ na ke odieke. Orhu ni kegha tu yan egbe khian.

Jọsua 6:15

Vbe ikpẹdẹ ne ogihinrọn, iran keghi kpaegbe vbe ẹdẹ wa da gbe, iran keghi khian lẹga ẹvbo ni igba ihinrọn vbene iran ka ruẹe de yi ẹdẹrriọ ọkpa kẹkan ọ re iran khian lẹga ẹre igba ihinrọn.

Jọsua 7:16

E Jọsua keghi kpaegbe vbe owiẹ vbirrivbirri, ọ keghi viọ Izrẹl ladian ẹwae ẹwae. Ọ keghi mu ẹwae ọghe Juda.

Jọsua 8:10

E Jọsua keghi gua kpao vbe owiẹ vbirrivbirri, ọ na tie avbe ivbiyokuo sikoko. Rẹn vbe avbe ọkaolotu Izrẹl ke ghi viọ iran gha rrie Eai.

Giọgis 20:19

Ẹre ọ ghi na sẹ owiẹ, ivbi Izrẹl keghi kpaegbe, iran na ya bu agọ ye ọkpẹn Gibea.

I Samuẹl 17:20

Ẹdẹ ghi gbe vbe owiẹ ne ọ lele ẹe, e Devid keghi guakpao vbe owiẹ vbirrivbirri, ọ keghi sẹ avbe ohuan rae ne ọmwa ọvbehe, ọ na viọ evbare ọ na gha khian zẹ vbene Jese tama rẹn. Ẹghẹ ne ọ ya sẹ evba kegha re vbe ivbi Izrẹl so ihuan okuo rrie ehe ne iran ghae yi vbe uhunmwu oke.