Jọsua 24:2 - Edo Bible (E Baibol Ẹdo) Version 1996

² E Jọsua keghi tama emwa nii hia wẹẹ, “Ẹmwẹ ne e Nọyaẹnmwa ne Osanobua Izrẹl ra ta ọ re ọna khin. Vbe ẹghẹ ne ọ kpẹre ne ọ gberra, avbe erha uwa odede kegha rre obọ nọkpa ọghe Ẹzẹ Yufretes, iran kegha gho avbe ẹbọ ọvbehe. Ọkpa vbe nene avbe erha uwa odede kegha re Tẹra ne ọ re erha Ebraham kevbe Nahọ.

Jọsua 24:2 Iomraidhean Croise

Gẹnẹsis 11:22

Ugbẹn vbe Serug ghi rre ukpo ọgban, ọ keghi biẹ ọmọ okpia ọkpa ne a tie ẹre Nahọ,

Gẹnẹsis 11:24

Ugbẹn vbe Nahọ ghi rre ukpo ọkpairrọvbọgban, ọ keghi biẹ ọmọ okpia ọkpa ne a tie ẹre Tẹra.

Gẹnẹsis 11:26

Ugbẹn vbe Tẹra ghi rre ukpo ekigbesiyenẹ, ọ keghi biẹlẹ Ebram, Nahọ kevbe Haran.

Gẹnẹsis 11:27

Ena ọrọre uniẹn Tẹra, ne ọ biẹlẹ Ebram, Nahọ kevbe Haran. Haran ọre ọ biẹ Lọt,

Gẹnẹsis 31:19

E Leban kpao gha rrie ehe ne ọ na gbẹn avbe ohuan rẹn eto, vbe iyeke ẹre, e Rekiẹl keghi do avbe ukhurhẹ ọghe erha ẹe hẹ.

Gẹnẹsis 31:30

I rẹnrẹn wẹẹ ẹmwẹ owa ọ re ọ fian re ọ re u na kpao sokpan vbua ghi na vbe do ẹbọ mwẹ viọ hẹ?”

Gẹnẹsis 31:32

Sokpan u gha miẹn ẹbọ ruẹ vbe obọ ọmwaikọmwa vbe emwa, a ghi gbe ọmwa ni uan. Emwa ima ni rre emwa ọrọre osẹe, gualọ emwi ni re ọwuẹ ne u rhie emwi ruẹn gha khian.” E Jekọb ma rẹn wẹẹ e Rekiẹl ọ re ọ do ẹbọ e Leban hẹẹ.

Gẹnẹsis 31:53

Osanobua Ebraham kevbe Osanobua e Nahọ gha bu ohiẹn imẹ vbe ruẹ.” E Jekọb keghi ya eni Osanobua ne erha ee ighẹ Aizik ga, yan eyan wẹẹ rẹn gha rhie uhi nii mwẹ.

Gẹnẹsis 35:4

Ẹre iran na do viọ ẹbọ ẹrrẹe ne iran mwẹ hia ne Jekọb, deba emwiehọ ne iran te lo, ọ keghi tọnnọ iran ye ototọ erhan okan ne ọ rre Siẹkẹm.

I Krọnikol 1:27

kevbe Ebram (ne avbe tie ẹre Ebraham).

Aizaia 51:2

Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.

Ezikiẹl 16:3

Tama e Jerusalẹm, emwi ne Nọyaẹnmwa tama rẹn na wẹẹ: “Otọe Kenan ọ re a na biọ. Ovbi Amọri ọre erha gha khin, iye uẹ ke gha re ovbi e Hiti.

Iyẹn ne ọ Maan Ọghe Luk 3:34

Ne ovbi e Jekọb, ne ovbi Aizik ne ovbi Ebraham ne ovbi e Tẹra, ne ovbi e Nahọ.

Diuteronomi 26:5

Iyeke onii wa ghi kha vbenian vbe odaro e Nọyaẹnmwa: ‘Ovbi Aremia, ne ọkpolugho ne ẹ i mwẹ owa ọ re erha mwẹ odede gha khin vbe ọ viọ emwa ẹgbẹ ọ re gha rrie Igipt ne ọ ya yin evba, ibozẹghẹ ọ re iran khin vbe iran khian, sokpan iran keghi do khian okpẹvbo ne ọ digba kevbe ne ọ mwẹ ẹtin.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”