Jọsua 21:1 - Edo Bible (E Baibol Ẹdo) Version 1996

¹ Avbe ọkaolotu ẹgbẹe avbe Livai keghi bu Eliaza ne ohẹn kevbe Jọsua ne ovbi e Nọn kevbe avbe ọkaolotu avbe ẹgbẹe ẹwae Izrẹl hia gha dee.

Jọsua 21:1 Iomraidhean Croise

Gẹnẹsis 49:7

I hẹn nọ ne ohu ne ọ mu iran rhunmwuda ọ wegbe gbe, ke vbene okuosu iran, rhunmwuda ọ kan gbe. I gha zagha iran la otọ e Jekọb hia I gha duẹ iran an ye uwu ivbi Izrẹl.

Ẹksọdọs 6:14

E Riubẹn ne ovbi e Jekọb ne ọdiọn biẹlẹ emọ enẹ, Hanọk, Palu, Hẹzrọn kevbe Kami, ena ọre erha odede uniẹn iran.

Ẹksọdọs 6:25

Eliaza ne ovbi Errọn keghi rhie ọkpa vbe uwu avbe ivbi Putiẹl rọnmwẹ, ọ na bie Finihaz nẹẹn. Ena ọre ọ gha re avbe ọkaẹgbẹe ọghe avbe ẹgbẹe Livai, zẹ vbe uniẹn dọmwadẹ ọghọe.

Nọmbas 35:1

A ghi sẹ otọe nọ rriẹe ọghe Moab vbe iyeke Jọdan vbe a gha ke Jẹriko fian ẹn rra, e Nọyaẹnmwa keghi tama e Mosis wẹẹ,

Nọmbas 35:8

Vbene ẹwae kpọlọ ọre a gha ya gha ta ẹvbo ne a gha mu ne avbe Livai.”

Jọsua 14:1

Ọna ọrọre vbene a ya ghae otọe nẹ ivbi Izrẹl hẹ vbe Kenan vbe odẹ ekẹn Jọdan. Eliaza ne ohẹn, e Jọsua ne ovbi e Nọn kevbe ọkaolotu avbe ẹgbẹe ni rre Izrẹl ọ re ọ ghae nene otọ ne emwa nii.

Jọsua 17:4

Iran keghi bu Eliaza ne ohẹn gha dee kevbe Jọsua ne ovbi e Nọn kevbe avbe ọkaolotu, iran na kha wẹẹ, “E Nọyaẹnmwa tama Mosis wẹ ne ọ ghae vbe otọ nii ne ima kevbe avbe etẹn ima ne ikpia ne ọ gha re ọghe ima.” Rhunmwuda onii zẹ vbene Nọyaẹnmwa khare, a ke gha otọ ne iran kevbe etẹn iran ne ikpia ne ọ gha re ọghe iran.

Jọsua 19:51

Emwa ni ghae otọe na kegha re Eliaza ne ohẹn, e Jọsua ne ovbi e Nọn kevbe avbe eniwanrẹn ivbi Izrẹl, iran na ọ re ọ yan uta ya ghae otọe nii vbe Silo vbe ne iran na ka nọ ọn e Nọyaẹnmwa nẹ vbe onurho Owa Ukpọn e Nọyaẹnmwa. Erriọ iran ya ghae otọe nii fo.