Jọsua 20:9 - Edo Bible (E Baibol Ẹdo) Version 1996

⁹ Avbe enena ọrọre ẹvbo ne a lẹ gbinna ne a zẹ ne ivbi Izrẹl hia kevbe avbe orhunmwuyẹn ni rre ehe ne iran ye. Ọmwaikọmwa ne ọ gbe ọmwa ran vbe ne ẹ i na re ẹmwẹ ọnrẹn, sẹtin ya lẹ fi evba, ọmwa ne ọ ho ne ọ rria ikhi i ghi gbẹe rua. A ghi sirra emwa hia gui ẹzọ ẹre vbe evba.

Jọsua 20:9 Iomraidhean Croise

Nọmbas 35:13

“Wa zẹlẹ ẹvbo ehan.

Nọmbas 35:15

Ena ghi gha re ehe ne a na lẹfe ne ivbi Izrẹl ra avbe orhunmwuyẹn ni do yin ẹvbo nii vbe ovbi ẹghẹ kherhe ra te ọ wa do yin ọghe etẹbitẹ. Ọmwa ne ọ gbe ọmwa ran vbe ne ẹi na re ẹmwẹ ọnrẹn, sẹtin lẹ gha rrie ọkpa vbọ.

Jọsua 20:4

Ọ sẹtin lẹ la ọkpa vbe avbe ẹvbo na, ọ ghi gha rrie ehe ne a na bu ohiẹn vbe onurho ẹvbo nii, ne ọ ya rhan otọ emwi ne ọ sunu ma avbe ọkaolotu. Ẹghẹ nii, iran ghi gie ẹe la uwu ẹvbo nii, iran ghi vbe rhie ehe ne ọ gha dia ne ẹẹn, ne ọ miẹn ehe na gha rre evba.

Jọsua 20:6

Ọ ghi gha rre ẹvbo nii rhinrin a te sirra emwa ẹvbo nii gui ẹzọ ẹre ke rhinrin ọmwa ne ọ re ogie ohẹn ẹghẹ nii te wu, iyeke ọnii, ọmwa ni sẹtin werriegbe gha rrie ẹvbo ẹre ne ọ ke rre, ehe ne ọ ke lẹ fua.’ ”

Jọsua 20:8

Vbe odẹ abọ ọghe Jọdan, vbe oke ọghe Jẹriko vbe uwu ato, iran ke Bezọ ne ọ rre ẹwae Riubẹn; Ramọt vbe Giliad vbe ẹwae Gad; kevbe Golan vbe Basian ne ọ re ọghe ẹwae Manasẹ.