Jọsua 2:9 - Edo Bible (E Baibol Ẹdo) Version 1996

⁹ Ọ tama iran wẹẹ, “Mẹ rẹnrẹn wẹ e Nọyaẹnmwa mu otọe na ne uwa nẹ, ne I wa tama uwa nian wẹ ohan uwa wa mu emwa hia ni rre otọe na zẹzẹzẹ.

Jọsua 2:9 Iomraidhean Croise

Gẹnẹsis 35:5

Ugbẹn vbe Jekọb kevbe ivbi ẹre ghi suẹn gha kpao, ohan nọkhua kegha mu emwa ni rre ẹvbo ni lẹga evba, iran ma khu iran.

II Samuẹl 17:10

Ẹghẹ nii, uhin ghẹ te ohan ghẹ ghi mu iran ni te din vbe oduma vbe uwu emwa ruẹn, rhunmwuda emwa Izrẹl hia rẹn erha ye ovbiyokuo ne ẹkpẹn, kevbe wẹ ekpakpasusu emwa rẹn khin vbe igbinna.

II Ọba 5:15

Ọ keghi dọlegbe bu Elaisia gha khian ke irẹn kevbe emwa rẹn hia, ọ wẹẹ, “Banbanna nian, mẹ miẹn wẹ Osanobua i rrọ hiehie gberra Osanobua Izrẹl, rhunmwuda ọnii, u ghi miẹn mwẹ emwi ihaoko na.”

II Ọba 7:6

E Nọyaẹnmwa keghi gie ivbi e Siria họn emwi ne ọ yevbe ne ivbi iyokuo ni bun khọn dee ke iran kevbe ikẹkẹ okuo kevbe ẹsin, ivbi e Siria keghi te gha ro ighẹ ivbi Izrẹl ya vbu ivbi e Hiti kevbe avbe ọba Igipt kevbe ivbi iyokuo iran ba egbe gha dee do gu iran gbinna.

Nehimaia 6:16

Avbe eghian mwa ni rre ẹvbo ni lẹga ghi họn vberriọ, ekhue keghi mu iran, rhunmwuda, dọmwadẹ ọghọe rẹnrẹn wẹ iyobọ Osanobua ọ re a ya winna iwinna na.

Ẹsta 8:17

Ehe ne a rhirhi na tie ẹmwẹ ne ọba tae na, vbe avbe ore nekhua kevbe iyaẹvbo, avbe Ju ghi zobọ vbe iwinna, iran ghi ya oghọghọ titi ẹe deba ọyẹnmwẹ. Vbe ẹmwata, emwa ni bun ọvbehe keghi degbe la e Ju rhunmwuda te ohan iran ghi mu iran.

Job 19:25

Sokpan, mẹ rẹnrẹn ighẹ arhiọnkpa rre ẹrinmwi, ne ọ gha do mu ẹzọ mwẹ gui.

Psalm 112:10

Emwa dan miẹn ọn, ohu kegha mu iran, ohu mu iran, egbe emwi hia wọ iran, idaehọ iran wirua fo fẹẹrẹ.

Psalm 115:16

E Nọyaẹnmwa okpa ọ re ọ yan ẹrinmwi, sokpan, ọ ya agbọn ne ọmwa.

Ẹksọdọs 18:11

Banbanna nian, I miẹn wẹ, e Nọyaẹnmwa kpọlọ sẹ avbe ẹbọ hia, rhunmwuda te Osanobua ru vbenian na vbe ọ miẹn oya ne ivbi Izrẹl gha a re vbe obọ ivbi Igipt.”

Ẹksọdọs 23:27

I gha gie afianma mwẹ gha fian iran ni mu aro igbinna da uwa, I ghi fian otighi fi emwa ne uwa gu gbinna egbe, I ghi vbe gie avbe eghian uwa fi iyeke werriẹ ne iran le hin odaro uwa rre.

Asan-Ibo 8:12

Ọmworukhọ sẹtin wa ru orukhọ iyisẹn, ọ ghi ye gha rre agbọn. Erriọ nọ, I rẹn ẹmwẹ ne iran ta wẹẹ, “U gha ya ọghọ ne Osanobua, emwi hia ghi gha dunna nuẹn.

Aizaia 19:1

Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.

Aizaia 23:5

Uhin ighe te ọ ra yan ivbi Igipt ne arẹngbe unu an, orrirri ghi gbe ku iran vbe iran gha họn wẹ a dunmwu e Taia a.

Jerimaia 27:5

“Ẹtin kevbe iwegbe mwẹ nọkhua ọ re I ya yii agbọn na, emwa nagbọn kevbe avbe aranmwẹ oha ni rre agbọn, I keghi vbe mu ẹẹn ne ọmwaikọmwa ne ọ yẹ mwẹ.

Nahum 2:10

A fuẹn Ninevi ua, a hee ẹe ye otọ, ọ dihoi rua! Ẹtin hia ranran an rhunmwuda ohan, igbọn gha rhie gbe egbe, ẹtin fo. Te aro ghi reghe ua vbe uhunmwu.

Nọmbas 20:14

E Mosis keghi gie emwa ke Kedẹs bu ọba Idọm. Iran keghi kha wẹẹ, “Etuẹn ighẹ ẹwae Izrẹl ọ re ọ gie uhunmwu na rre wẹẹ: We rẹn usẹ ne ima he sẹ,

Nọmbas 20:24

“Errọn i khian la otọe ne I wẹ I gha mu ne ivbi Izrẹl, rẹn gha wu rhunmwuda, wa eveva sọtẹ uhi mwẹ vbe Mẹriba.

Matiu 20:15

Wẹ ma yayi ighe I sẹtin lo igho mwẹ vbe ne ọ khọnmwẹ, ra te ohu mwẹ ghi mu uẹn rhunmwuda ighe I ze emwi obọ?’ ”

Diuteronomi 11:25

Ọmwa ọkpa ne ọ gha sẹtin gbe uwa odẹ, ẹ i rrọ. Ehe ne uwa arhirhi lao vbe otọe nii, e Nọyaẹnmwa gha ya emwa nii gha mu ohan uwa zẹ vbene irẹn khare.

Diuteronomi 2:25

Ẹre na, I gha suẹn gha ya ohan uwa mu emwa vbe ehehia. A gha so eni uwa, emwa hia ghi gha guọ zẹzẹzẹ ba ẹmwẹ ohan.’

Diuteronomi 28:10

Ẹghẹ nii, emwa ni rre agbọn na hia ghi do miẹn wẹ te Nọyaẹnmwa zẹ uwa ne uwa gha re emwa obọ ẹre, ohan uwa ghi gha mu iran.

Diuteronomi 32:8

Nọyosẹ ọ re ọ ghae otọe sẹ ẹvbo obọ, rẹn ọ re ọ ta ehe ne emwa gha yin, ọ ghae otọ edọmwadẹ ẹvbo ne ẹẹn.

Hibru 11:31

Iyayi ọre ọ ma gie a gbe Rehab ne ebabotu be emwa ni ma họn ẹmwẹ ne Osanobua, rhunmwuda rẹn keghi miẹn iran ne avbe ọrhẹ yi.

Jọsua 2:11

Ọwarọkpa vbe ima họn ẹn, ohan kegha mu ima, egbe na wọ edọmwadẹ ọghọe. Osanobua uwa, e Nọyaẹnmwa ọrọre Osanobua vbe ẹrinmwi kevbe agbọn.

Jọsua 2:24

Iran tama rẹn wẹẹ, “Aro ima dae wẹ e Nọyaẹnmwa mu ẹvbo nii hia ne ima nẹ. Afianma ima wa fian iran hia ni rre ẹvbo nii.”

Jọsua 2:8

Emwa nii ghi te lovbiẹ, e Rehab keghi hin odukhunmwu bu iran gha khian.

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.

Jọsua 6:2

E Nọyaẹnmwa keghi tama e Jọsua wẹẹ, “Danmwehọ, te I ra mu e Jẹriko nuẹn ke ẹe kevbe ọba ẹre kevbe ivbiyokuo ẹre ni wegbe.

Jọsua 9:10

Kevbe emwi ne ọ ru avbe ọba Amọri eveva ni rre odẹ ahọ e Jọdan re: Saihọn ne ọba Hesbọn kevbe Ọg ne ọba Basian ne ọ rre Astarrọt.

Jọsua 9:24

Iran keghi wanniẹn wẹẹ, “Emwi ne ọ ya ima ru ẹe enọwanrẹn ọrọre wẹ ma họn ẹn wẹ emwata nọ, wẹ te Nọyaẹnmwa Osanobua ruẹ tama Mosis ne ọguọmwadia ẹre, ne ọ mu otọe nii hia ne uwa, kevbe wẹ ne uwa gha gbele emwa ni rrọọ khian, vbe ne uwa ya nana sikẹ odaro. Te ima ru ẹe rhunmwuda ohan uwa wa kakabọ gha mu ima, ohan uhunmwu ima ọ re ọ gha to ima.

Jọsua 9:9

Iran keghi ta okha egbe iran ma rẹn wẹẹ, “Evbavba, ehe ne ima kerre wa rrei ẹsẹse rhunmwuda ma họn ẹmwẹ e Nọyaẹnmwa Osanobua ruẹ. Ma họn otiti emwi ne ọ ru vbe Igipt.

Giọgis 7:14

Ọse ẹre keghi wanniẹn wẹẹ, “Umozo e Gidiọn ne ovbi Joas nọ! Ẹ i vbe re emwi ọvbehe rhọkpa! Osanobua rhie akhọnmiotọ ne ẹẹn nẹ vbe uhunmwu e Midian kevbe ivbi iyokuo ima hia!”