Jọsua 2:4 - Edo Bible (E Baibol Ẹdo) Version 1996

^4-6 Sokpan okhuo nii keghi viọ ikpia eveva na, ọ na viọ iran lẹre, rẹn keghi wanniẹn wẹẹ, “Vbe ẹmwata, ikpia eso gele sẹ owa mwẹ, sokpan I ma rẹn ehe ne iran ke rre. Ovẹn ghi dero, vbe a te khui urho ẹvbo vbe asọn, iran keghi vbe kpao. Sokpan I ma nọ iran ehe ne iran rrie.” (Rẹn keghi viọ avbe ọrhẹ nii la ihie, ọ keghi ye erhan kevbe ebe izẹ ni rre evba gue iran ginna otọ.)

Jọsua 2:4 Iomraidhean Croise

II Ọba 6:19

Elaisia keghi bu iran gha khian, ọ tama iran wẹẹ, “Te uwa bibi odẹ na, ọna i re ẹvbo ne uwa rrie, wa lele mwẹ ne I viọ uwa gha rrie ọghe ọmwa ne uwa gualọ.” Ọ keghi viọ iran gha rrie Sameria.

Ẹksọdọs 1:19

Iran keghi wanniẹn wẹẹ, “Ikhuo Hibru i yevbe ikhuo Igipt, iran wa rherhe biẹ, ọmwa ne ọ mu emwi ubiẹmwẹ te sẹ ehe ne iran ye, iran biẹ nẹ usin.”

Jems 2:25

Erriọ ọghe Rehab ne ebabotu vbe gha ye. Emwi ne ọ ru ọre a ya ka ẹe ye ne ọ mudia ẹse vbe odaro Osanobua, ne ọ na miẹn iran yi ighẹ emwa ne avbe Ju giẹre uhunmwu, ne ọ na ma iran odẹ ọvbehe la gha rrie.

Jọsua 2:3

Ẹre ọ na gie ne a khama Rehab wẹẹ, “Emwa ni di owa ruẹ ya, te iran rre do gualotọ otọe na hia! Viọ iran ladian!”

Jọsua 6:17

Ẹvbo na kevbe emwi hia ni rre uwu ẹre, a yae fi ohan nẹ ne a fuẹn ọnrẹn uan zẹ vbe emwi ne a ya zọ ese ghe Nọyaẹnmwa. E Rehab ne ebabotu kevbe emwa owa ẹre ọkpa, ọre a ra sẹrae rhunmwuda, ọ keghi viọ emwa ne ima gie ẹre uhunmwu lẹre.

Jọsua 6:25

Sokpan e Jọsua keghi sẹ Rehab rae ke ẹe kevbe etiọnrẹn hia rhunmwuda rẹn ọ re ọ viọ avbe emwa ne a gie ẹre uhunmwu ya baba otọ Jẹriko ghe lẹre. (Ivbi iran ye rre Izrẹl do sẹ ẹdẹnẹrẹ na.)